Tito 1:15 - Kivunjo New Testament 1999

¹⁵ Shindo shoose shishicha ko walya wawecha; kyaindi kuwoṙe kyindo kyikyicha ko walya wafanyi kyimṟumoe-pfo, walya walawoṙe iiṙikyia; indi ngyuuṟango tsawo tsifanyi kyimṟumoe, na makusaṟo gawo taa.

Tito 1:15 ပူးပေါင်းရင်းမြစ်များ

Matayo 15:18

Kyaindi shekyewuka ṙumbunyi shawuka mrimenyi; nasho nyisho shekyefanyiṟa mndu kyimṟumoe.

Mawuto Ga Wasu 10:15

Kaicho ṟui lya kawi, lyemmbia, “Molakusaṟe kye kuwoṙe kyindo kyilawaṟi ilyio kokooya Ruwa nagambie shoose shiwaṟi ilyio.”

Waroma 14:14

Ngyiichi, ngoseṟa ngyimṟingyishie mnu kyiiṙi kya Mndumii Yesu, kye kuwoṙe kyindo kyifanyi kyimṟumoe wookyia mawookyionyi gakyo-pfo; kyaindi ko ulya awona kyindo kyifanyi kyimṟumoe, ko mndu-cho kyindo kyilya kyifanyi kyimṟumoe.

Waroma 14:20

Kyipfa kya kyelya ulanyamaṟe iṟunda lya Ruwa. Loi, shoose shishicha; indi nyi uwicho ko mndu ilya na ikuicho uwicho mrimenyi.

Waroma 14:23

Kyaindi awoṙe ikapa kawi, kokooya alya naanduyo kye nanyamaṟie, kyipfa alya kui iiṙikyia-pfo. Na orio kyindo kyilawukyie iiṙikyienyi nyi wunyamaṟi.

1 Wakorinto 10:23

Kuwoṙe momu o wuta kyindo kyoose, indi chi shoose shiwoṙe kyiira-pfo. Kuwoṙe momu o wuta kyindo kyoose, indi chi shoose shekyetarama siṟi-pfo.

1 Wakorinto 10:25

Orio kyindo kyekyekumbo sangaṙa lyenyi kulawoṙe iwesa-wesa; maa mulaikulyisa wukyiwa mrimenyi kui ikusaṟa nyi kyiha kyii kyicha na nyi kyiha kyii kyiwicho.

1 Wakorinto 10:31

Kyasia, kyiyeri muilya, ang'u muinyo, ang'u muiwuta kyindo kyoose, wutenyi kuṙo kui ienenga Ruwa kyiṟumi.

1 Wakorinto 8:7

Indi wuṟango-wu wukyeri ko wandu woose-pfo. Kyaindi wengyi kui iichiwia ifano lyilya wekyelya cha ilyi nyi kyindo kyikyiṙasie mafano, wuṟango wowo wo imanya kyicha na kyiwicho wuwufofo, na wekyefana kyimṟumoe.

1 Timoteo 6:5

Na igaluana lya maṙeṙo lya wandu wanyamaṟikyie mṙoe yawo, walaichi wuloi, kunu wechikusaṟa kye iowuo na ikunda Ruwa nyi njia ya iwona kyiira.

Waebrania 10:22

lutikyirie Ruwa luwoṙe mrima mmbaṙami; kui imwiṙikyia nakamwi, luwailyishe mrima luṙe makusaṟo mawicho; luwasanje mmbiu kui mṟinga mcha.

Waebrania 12:15

mochiambuya mnu mndu alauṟe isaṟia lya Ruwa. Na mndu oose alawe cha iṟa lyekyewawa, namulyise nyoe wukyiwa na ifanyiṟa mkaṟo ya wandu.

Waebrania 9:14

kyasia chi ngoseṟa samu ya Kristo, ulya kye kui Mumuyo o mlungana alereka moo ko Ruwa iwa kyienengo kyilawoṙe tewe, kyechisanja shilya mukusaṟie mrimenyi konyu na mṟumoe ilawoṙe kyiira, muiṙime iindia na iterewa Ruwa ai na moo?