Tito 1:10 - Kivunjo New Testament 1999

¹⁰ Cha kyipfa kuwoṙe wandu wafoi walawoṙe wuindi, wawoṙe mbonyi tsa wutondo, walembi, na ngoseṟa Wayuda waiṙikyie Yesu.

Tito 1:10 ပူးပေါင်းရင်းမြစ်များ

Matayo 23:14

“Ochia lonyu walosha wa mawawaso na Mafarisayo, wakulembecheṟi! Cha kyipfa mokyesoka wakusu orio kyindo wawoṙe, na kui wukulembecheṟi mokyewika shiterewo shileshi; kyipfa kya ikyo mochiambilyia ianduyo lying'anyi ngoseṟa.]

Mawuto Ga Wasu 11:2

Na Petiro kyiyeri aleṙo iyenda Yerusalemu Wayuda walya wawekundi wandu walakyeri Wayuda wakundi iosha Yesu waṙino wakagaluana na oe,

Mawuto Ga Wasu 15:1

Kukocha wandu wawukyie uruka lo Uyuda wakalosha walya waweiṙikyie Yesu, wechigamba, “Mulandeṙino chandu kyikyeri muichiwie o Mose mochiiṙima ikyiṟo-pfo.”

Mawuto Ga Wasu 15:24

Cha kyipfa luleicho kye wandu walewuka koṙu walemulyisa wukyiwa kui maṙeṙo gawo, wechiṙetsa mrima yanyu, wandu soe lulalewaṙuma.

Mawuto Ga Wasu 20:29

Ngyiichi kye ngammbuka iha, wandu walang'a cha shisii wechicha na konyu, wanyamaṟe Siṟi.

Wagalatia 2:4

Indi kyipfa kya wandu walekuloṟa kye waiṙikyie Yesu na kunu waweiṙikyie-pfo, wandu walekulunga na soe kui kyiṟika kundu wamanye mbonyi tsaṙu soe lulawachilyie nyi kyindo kyiiṙi kya Kristo Yesu, kundu ilyi numa waluwikye wusingyenyi.

Wagalatia 3:1

Lanyoe Wagalatia mulawoṙe wuṟango, nyi wui alemloga, nyoe walya Yesu Kristo alemuloṟa na pata kye nalekapio msalabenyi?

Wafilyipi 4:14

Kundu lulawe-se wana watutu, lochiwiyitso ipfo na ipfo, na iṙoo nyi orio mkuma o malosho geṙetsa, kui ngyeṟo tsa wandu, kui mbiṟi, lochiosha njia tsa wulembi.

1 Timoteo 1:4

Walaṙetsie shiyeri shawo mbonyinyi tsa wongo na marinenyi gafoi ga waku wawo, shekyeenenga wandu iwesa shindo shifoi sha wutondo. Shindo-sho shiwoṙe ṙaawa kyindonyi Ruwa aluṟeyeṟie-pfo, kyindo lukyiichi kui iiṙikyia.

1 Timoteo 1:6

Wengyi walaichi isho waleosha shindo shiwicho;

1 Timoteo 1:9

Aichi kyindo-kyi kye mawawaso chi galeṙiko kyipfa kya wandu wasumganyi-pfo indi kyipfa kya wanyamaṟi, na walakyeri wayendelyi, na wekyefunja mawawaso ga Ruwa, na walya walekyeindia shindo shiele, na wekyewaaga wafee wawo, na wawaagi.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

2 Timoteo 4:4

Nawo wekaa kuleshi walacheicho mbonyi tsa loi, na iindukyia malosho ga wongo.

Tito 1:6

kokooya mndu alalegambo kye nawoṙe wuwicho woose, na oe nyi mii o mka umwi, nawoṙe wana waiṙikyie, walekyegambo kye nyi waṟui ang'u walawoṙe wuindi.

Yakobo 1:26

Mndu kakusaṟa kye nawoṙe mwiṙikyie, indi ekyeringa ulumi lokye-pfo, kunu echilemba mrima okye, mwiṙikyie o mndu-cho chi kyindo-pfo.

1 Yohane 2:18

Wana wako, nyi kyiyeri kya mafurumionyi; na chandu muleicho kye mowingana na Kristo naicha, maa wulalu wewingana na Kristo wafoi wamuwoneka. Kyipfa kya ikyo luichi kye nyi kyiyeri kya mafurumionyi.

1 Yohane 2:4

Ulya aigamba, “Ngyimwichi,” kyaindi alaoshe shilya mawawaso gakye gagamba, nekyeṙeṙa wongo, maa wuloi wukyeri mrimenyi kokye-pfo.

1 Yohane 4:1

Wakunde, mulaiṙikyie orio mndu agamba kye nawoṙe Mumuyo, indi wayeshenyi mumanye kokooya mumuyo-yo waigamba wawoṙe iwukyie ko Ruwa; cha kyipfa weonguo shisuku wa wongo wafoi wammboneka wuyanenyi.

Ulogo 2:14

Kyaindi ngyiwoṙe mbonyi ngyaangu kyipfa kyapfo, cha kyipfa nuwoṙe pfo wandu wekyeosha malosho ga Balaamu, ulya alelosha Balakyi nawikye kyindo kyetewe Waisiraelyi, kye walye shindo shileṙasio mafano na iwuta shindo sha wuṟui.

Ulogo 2:6

Kyaindi nuwoṙe kyindo-kyi, kye nusuuye mawuto ga Wanikolai, galya na inyi ngyigasuuye.