Matayo 8:8 - Kivunjo New Testament 1999

⁸ Mchilyi ulya kamgaluo, kagamba, “Mndumii, inyi ngyiwaṟi iyoe uiṙe na numba koko-pfo; kyaindi gamba ṙeṙo lyimwi tikyi, na mṟundi oko nechichia.

Matayo 8:8 ပူးပေါင်းရင်းမြစ်များ

Matayo 3:11

Ny'kyaloi inyi ngyimpatisa kui mṟinga kyipfa kya iṙumbuya wunyamaṟi; kyaindi ulya aicha numa yako nawoṙe pfinya kuta inyi, ngyiwaṟi maa iira shiaṙu shakye-pfo; oe nechimpatisa kui Mumuyo Mweele na kui moṙo.

Matayo 3:14

Kyaindi Yohane katambagana imshingyia, echigamba, “Inyi ngyilangyie ipatiso nyi iyoe, na iyoe nuicha na koko?”

Matayo 8:3

Yesu kagoṟuo kuwoko kampaaya, echigamba, “Ngyikundi; yeṟemka.” Na cha ilyi ndoṟe yakye ya taambo ikammbuka.

Matayo 8:7

Yesu kammbia, “Ngyeecha, ngyimkyiṟe.”

Matayo 8:9

Cha kyipfa inyi nyi mndu ngyiwoṙe wuchilyi, ngyiwoṙe asikari wanda yako; ngawia ichu, ‘yenda’ nekyeyenda; na ichu, ‘nnjo’ nekyecha; na kyisinga kyako, ‘wuta kuṙi’, kyekyewuta.”

Luka 15:19

Ngyiwaṟi ngyilago mono-pfo-se-pfo. Ngyigaluo cha umwi o waṟundi wapfo.’

Luka 15:21

Mana ulya kammbia, ‘Papa, ngyileṙekyio Ruwa na iyoe; ngyiwaṟi ngyilago-se mana opfo-pfo.’

Luka 5:8

Simion Petiro ammbone kuṙo, naleoloka maṙendenyi ga Yesu, echigamba, “Wuka koko, kyipfa inyi nyi mndu mnyamaṟi, Mndumii.”

Yohane 1:27

Nyi oe ulya aicha numa yako, inyi ngyilawaṟi ituruchuo ukowa lo kyiaṙu kyakye.”