Matayo 8:5 - Kivunjo New Testament 1999

⁵ Na kyiyeri aleiṙa na Kaperinaumu mchilyi umwi mtutu nalecha na kokye.

Matayo 8:5 ပူးပေါင်းရင်းမြစ်များ

Matayo 11:23

Na iyoe Kaperinaumu, ngyesa noching'anyiso mṟasa ruwewu? Nochisotso mṟasa ko waṟumu cha kyipfa shiṟiyisho shilewutika kopfo shiwechiwutika kulya Sodoma, mṟi-cho uwechiṙio ho mṟasa inu.

Matayo 27:54

Kyasia mchilyi ulya, na iwo wawekyeri hamwi na oe wechiringa Yesu, kyiyeri walewona kyiriinza na chandu mbonyi tsilewa, wakaowuo mnu, wechigamba, “Ny'kyaloi ichu nawekyeri Mono-Ruwa.”

Matayo 4:13

Kawuka Nasareti, kacha kakaa Kaperinaumu, mṟi ukyeri mbai ya ipalyipalyi, mṟasenyi o Sabulon na Naftalyi;

Matayo 9:1

Kaṙooya ngalawenyi, kaambaṙa, kashika mṟinyi kowo.

Mariko 15:39

Kyasia mchilyi ulya, awegoṟokyi ho iambuyana na oe, kyiyeri alewona kye nalelekyia moo mbaṟe-yo, kagamba, “Loi mndu-chu nawekyeri Mono-Ruwa.”

Mariko 2:1

Kaiṙa-se na Kaperinaumu hamwiṙe mfiri ifoi, kyikamanyika kye nakyeri kanyi.

Mawuto Ga Wasu 22:25

Na kyiyeri wamumpfungye na shigowo, Paulo kawia mchilyi ulya awegoṟokyi kufuhi, “Ngyesa nyi sungusinyi ikapa mndu ai Mroma alaanduyo?”

Mawuto Ga Wasu 23:17

Paulo kalaga mchilyi umwi, kagamba, “Ṙuo manakye-chu ko ang'anyi o asikari wa shiṙa; kyipfa ngyiwoṙe kyindo kyemmbia.”

Mawuto Ga Wasu 23:23

Kalaga wachilyi watutu wawi, kawawia, “Ṟeyeṟenyi asikari magana gawi iyenda Kaisaria, na asikari makumi mfungaaṙe wekyechumia waṙamie wuye ya farasi, na asikari magana gawi wawoṙe mapfumu, lukoshika saa tsiṟaaṟu tsa kyio wawe wamkuṟeyeṟa.

Mawuto Ga Wasu 27:13

Na kyiyeri mkuma ulewooka ikuma, wakusaṟie kye wawona shilya wawelangyie iwona, wakawooka kyaro, wakaiṙa kufuhi na Kyirete, mbaimbai ya ipalyipalyi.

Mawuto Ga Wasu 27:31

Paulo kawia ang'anyi o asikari wa shiṙa hamwi na asikari, “Iwa walandekae kunu ngalawenyi moiṙima ikyia-pfo.”

Mawuto Ga Wasu 27:43

Indi ang'anyi o asikari wa shiṙa, akundi ikyiṟa Paulo, kawashingyia, walawute chandu wawekusaṟie, kawia walya weiṙima iiṙa mṟingyenyi wawookye ikuwiyitsa ipalyipalyinyi, washikye handu hagaṙutsu,

Mawuto Ga Wasu 9:38

Na kyipfa mṟi o Lyida uwekyeri kufuhi na Yafa, na wanalosho waleicho kye Petiro nakyeri pfo, wakaṙuma wandu wawi kokye, imterewa wechigamba, “Ulakyelyio icha na koṙu.”