Matayo 8:29 - Kivunjo New Testament 1999

²⁹ Wakakalagatsa, wechigamba, “Luwoṙe kyikyi na iyoe, Mana o Ruwa? Ngyesa nocha ichelutuura kyiyeri kyaṙu kyilashika?”

Matayo 8:29 ပူးပေါင်းရင်းမြစ်များ

Matayo 4:3

Myeshi kacha na kokye kammbia, “Kokooya iyoe nyi mana o Ruwa, wia magoe-ga gawe mkate.”

Matayo 8:30

Kyasia, kuleshi nawo kuwewoṙe poo lya nguwe tsifoi tsechilya.

Mariko 1:24

echigamba, “Luwoṙe kyi na iyoe, Yesu o Nasareti? Ngyesa nocha ilurumatsa?

Mariko 3:11

Na waṟufui wawicho, orio kyiyeri walemmbona, waleoloka mbele yakye, wakafuga, wechigamba, “Iyoe nyi oe Mono-Ruwa.”

Mariko 5:7

Kakalagatsa kui ṟui lying'anyi, kagamba, “Lekana na inyi, Yesu, Mono-Ruwa akyeri ruwewu. Kui rina lya Ruwa ulangyilyise wukyiwa.”

Luka 4:34

echigamba, “Leka! Lokukyi, Yesu o Nasareti? Nocha ilurumatsa? Ngyikuichi iyoe nyi wui, Mweele o Ruwa.”

Luka 4:41

Waṟufui wawicho nawo wakawuka ko wandu wafoi; wechikalagatsa na igamba, “Iyoe nyi Mana o Ruwa.” Kawaṙeṙia, alawalekyie iṙeṙa, kyipfa walemmanya kye oe nyi Kristo.

Luka 8:28

Na kyiyeri alewona Yesu nalekalagatsa na ioloka wanda mbele yakye na iṙeṙa na ṟui lying'anyi, echigamba, “Ngyiwoṙe kyikyi na iyoe, Yesu, Mana o Ruwa ai wuye? Ngyikuterewa ulangyituure.”

Yohane 2:4

Yesu kammbia, “Mama, ny' kyikyi luwoṙe inyi na iyoe? Kyiyeri kyako kyilandeshikye-pfo.”

Mawuto Ga Wasu 16:17

Kyikaosha Paulo na soe, kyikakalagatsa, kyechigamba, “Wandu-wa nyi waṟundi wa Ruwa, wekyemuongoya mbonyi tsa wukyiṟo.”

Yakobo 2:19

Iyoe nuiṙikyie kye Ruwa nyi umwi; nowuta necha. Masatana nago gaiṙikyie na iṙeṙema.

2 Petiro 2:4

Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

Yuda 1:6

Na malaika walaleringa wuchilyi wowo wawenyi, kyaindi wakaṙa kanyi kowo kuwewaṟi nalewawika shipfungonyi sha mlungana kundu ko meema ko ianduyo lya mfiri ulya ung'anyi.