Matayo 8:20 - Kivunjo New Testament 1999

²⁰ Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi kyaindi Mono-Adamu awoṙe handu heonyonyia-pfo.”

Matayo 8:20 ပူးပေါင်းရင်းမြစ်များ

Matayo 12:32

Na mndu oose echiṙeṙa Mono-Adamu uwicho nechihooṟio, kyaindi ulya echiṙeṙa Mumuyo Mweele uwicho echihooṟio-pfo.’ ”

Matayo 12:40

Kyipfa chandu Yona awekyeri mfiri iṟaṟu kyingoto na kyio ndewunyi ya nyangumi, na wuṙo Mono-Adamu echikaa mfiri iṟaṟu kyingoto na kyio amṟikye terinyi.

Matayo 12:8

Cha kyipfa Mono-Adamu nyi oe Mndumii o mfiri o onyonya.”

Matayo 13:37

Kagaluo, kagamba, “Ekyewaaya mbeu tsilya ngyicha nyi Mono-Adamu.

Matayo 16:13

Kyasia Yesu kayenda ngyuura tsa Kaisaria-Filyipi, kawesa wanalosho wakye, kagamba, “Wandu wekyegamba Mono-Adamu nyi wui?”

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 17:9

Na kyiyeri waweisoka fumvunyi, Yesu nalewawia, “Mulawie mndu oose mbonyi tsa isho moloṟo, mṟasa kyiyeri Mono-Adamu echiṟuka ko wapfu.”

Matayo 19:28

Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Mariko 8:38

Kyipfa orio mndu echirigo nyi sonu kyipfa kyako, na malosho gako, kyiiṙi kya rika-lyi lya wuṟui na wunyamaṟi, Mono-Adamu nechirigo nyi sonu kyipfa kya mndu-cho, kyiyeri echicha mng'anonyi o Awu okye hamwi na malaika waele.”

Luka 12:8

“Na inyi ngyimmbia, orio mndu echingyiṟingyishia mbele ya wandu, Mana o Adamu nemṟingyishia mbele ya malaika wa Ruwa.

Luka 18:8

Ngyimmbia, newaenenga kyilya kyiwaṟi iwinyi; kyaindi, kyiyeri Mana o Adamu echicha, ngyesa newona iiṙikyia wuyanenyi?”

Luka 2:12

Na ikyi nyikyo kyiṟingyishio konyu; mochikooya mana aionga amṟikye nguwo tsa kyikoku, alee mgondinyi o umbe.”

Luka 2:16

Wakayenda faṟa wakakooya Maria na Yosefu, na mana ulya aionga alee mgondinyi.

Luka 2:7

kafee mono-kye mmbele, kamṟika nguwo tsa kyikoku, kamlaṟa mugondinyi o umbe, kyipfa walewona ṙaawa numbenyi ya wayenu-pfo.

Luka 21:36

Kyasia, nyoe laenyi kyiṙombo orio kyiyeri, mochiterewa kundu muiṙime ikyia kyiiṙi kya isho shoose shewutika, na igoṟoka mbele ya Mana o Adamu.”

Luka 8:3

na Yoana, mka o Kusa, mṟundi mṟango o Herode, na Susana, na wengyi wafoi, wawemṟundia kui masaa gawo.

Luka 9:58

Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi, kyaindi Mana o Adamu awoṙe handu heonyonyia-pfo.”

Yohane 1:51

Kammbia, “Loi, loi ngammbia, mochiwona mapuchi geseia na malaika wa Ruwa wechiṙooya na isokyia wuye ya Mana o Adamu.”

Yohane 12:34

Kyasia wandu wa kyisanzionyi wakamgaluo, wakagamba, “Soe luleicho uwawasonyi kye Kristo nai pfo mṟasa mlungana; na iyoe nugamba kuṙa kye Mana o Adamu nawaṟi iirio wuye? Mana-cho o Adamu nyi wui?”

Yohane 13:31

Yuda amfumie nja, Yesu nalegamba, “Wulalu Mana o Adamu nang'anyiso, na Ruwa nang'anyiso kyiiṙi kyakye.

Yohane 3:13

Maa kuwoṙe mndu alemṙo na ruwewu sile Mana o Adamu ulya alesoka iwuka ruwewu-pfo.”

Yohane 3:14

“Na chandu Mose aleira njoka iya kulya nukyenyi ngyiumu suwaa ilawoṙe maa mṟinga, na wuṙo Mana o Adamu awaṟi iiro;

Yohane 6:27

Mulapfuṟukane ipfula kyelya kyekyenyamaṟika, indi pfulenyi kyelya kyilekyesia kyekyeende moo o mlungana; kyelya kyilya Mana o Adamu echimuenenga cha kyipfa icho nyi oe aṟingyishio nyi Ruwa kye nyi o sungusinyi.”

Yohane 6:53

Naaho Yesu kawawia, “Ny'kyaloi ngammbia, mulandelye mmbiu o Mana o Adamu na inyo samu yakye, muwoṙe moo mrimenyi konyu-pfo.

Yohane 6:62

Kyechiwa-se kuṙa kyiyeri mochiwona Mana o Adamu echiṙo na ruwewu kulya-ndu awekyeri?

Mawuto Ga Wasu 7:56

Kagamba, “Ngyiwonyi ruwewu iṟuukyie, na Mono-Adamu nagoṟokyi kuwoko ko kulyoe ko Ruwa.”

2 Wakorinto 8:9

Kyipfa mommanya isaṟia lya Mndumii oṙu Yesu Kristo, maa chandu awekyeri mnjama, kyipfa kyanyu, nalewa mkyiwa kundu nyoe muiṙime iwa wanjama kui wufofo wokye.