Matayo 8:13 - Kivunjo New Testament 1999

¹³ Na Yesu kawia mchilyi ulya, “Yenda; kyiwe kopfo chandu oiṙikyia.” Mṟundi ulya okye kachia saa iya iya.

Matayo 8:13 ပူးပေါင်းရင်းမြစ်များ

Matayo 15:28

Naaho-ng'u Yesu kagaluo kammbia, “Mama, iiṙikyia lyapfo nyi lying'anyi; na kyiwe kopfo chandu ukundi.” Mana ulya okye o kyika kachia cha ilyi.

Matayo 17:20

Yesu kawawia, “Kyipfa kya wufofo wo iiṙikyia lyanyu. Cha kyipfa, ny'kyaloi, ngammbia, mukowaṙa iiṙikyia lyishikyie cha mbeu ya haradalyi mochiwia fumvu-lyi, ‘Wuka iha uyende kulya;’ nalyo lyechiwuka ho; maa kochiwaṙa kyindo kyilechiiṙimika konyu-pfo. [

Matayo 8:4

Yesu kammbia. “Ulawie mndu; kyaindi yenda, undekuloṟa ko mkohanyi, undeenengyia kyiano chandu Mose alegamba, kyiwe wuṟingyishi kowo.”

Matayo 9:22

Yesu kagaluka kammbona, kammbia, “Kuwanze mnu mrimenyi, mono-ko; iiṙikyia lyapfo lyakukyiṟa.” Mndu mka ulya kachia saa iya.

Mariko 7:29

Kammbia, “Kyipfa kya ṙeṙo-lyo, yenda; mṟufui mmbicho ammbuka ko mono-opfo.”

Mariko 9:23

Yesu kammbia, “Koiṙima! Shoose shekyeiṙimika ko ulya aiṙikyie.”

Yohane 4:50

Yesu kammbia, “Yenda; mono-pfo nai na moo.” Mndu ulya kaiṙikyia kyindo kyilya alewio nyi Yesu, na oe kayenda.