Matayo 8:11 - Kivunjo New Testament 1999

¹¹ Na inyi ngammbia, kye wafoi wechicha iwuka ura lo ngamenyi na ura lo kyukonyi, nawo wechiṙamia hamwi na Abrahamu, na Isakyi, na Yakobo Wumangyinyi wo Ruwewu;

Matayo 8:11 ပူးပေါင်းရင်းမြစ်များ

Matayo 21:41

Wakammbia, “Nechirumatsa uwicho walya wawicho; na ṙema lya msabibu nechigawia waṙemi wengyi, wechimtaa ndunda kui kyiyeri kyiwaṟi.”

Matayo 24:31

Na oe nechiṙuma malaika wakye hamwi na ṟui lying'anyi lya iganda, nawo wechisania wasambuṟe wakye iwuka ngyuura tsoose tsa wuyana.”

Matayo 3:2

“Ṙumbuyenyi wunyamaṟi; kyipfa Wumangyi wo ruwewu womshika kufuhi.”

Matayo 8:10

Kyiyeri Yesu aleicho isho, naleṟiyio, kawia walya waweimwosha, “Ny'kyaloi ngammbia, ngyilandewone iiṙikyia lying'anyi kuṙi, ko mndu oose kunu Isiraelyi-pfo.

Luka 12:37

Wagusu waṟundi walya, kyiyeri mndumii owo echicha nawakooye walee kyiṙombo. Loi ngyimmbia, nekuinewa na iwaenenga kyelya, na iwaṟundia.

Luka 16:22

Kyikawa kye mkyiwa ulya nalepfa, malaika wakamṙuo wakammbikyia kufuhi na Abrahamu. Mnjama ulya na oe kapfa, kaṟiko.

Mawuto Ga Wasu 10:45

Na Wayuda waweiṙikyie Yesu walekowacha hamwi na Petiro wawuka Yafa waleṟiyio, cha kyipfa maa wandu walaweiṙikyie Yesu walesumbo kyienengo kya Mumuyo Mweele.

Mawuto Ga Wasu 11:18

Kyiyeri waleicho mbonyi-tsi wakatsia sau, wakaṟumisha Ruwa, wechigamba, “Kyasia Ruwa naenenga walya walaiṙikyie Yesu isaṟia lya iṙumbuya wunyamaṟi, irumbuya lyekyeende moo o mlungana.”

Mawuto Ga Wasu 14:22

wechikarisha mrima ya wanalosho na iwawia wakae kyiiṙi kya Iiṙikyia lyilya, na kye kyiluwaṟi iiṙa na Wumangyinyi wo Ruwa kui njia ya matuuro gafoi.

Mawuto Ga Wasu 14:27

Kyiyeri waleshika kulya Antiokyia walewia wandu wa siṟi wasanzie handu hamwi, wakawaongoya shindo shoose Ruwa aleshiwuta hamwi nawo, na kye Ruwa nalepfunguya moongo o iiṙikyia wandu walaweiṙikyie Yesu.

1 Wakorinto 15:20

Kyaindi wulalu Kristo naṟuka ko wapfu, iloṟa na pata kye na wuṙo Ruwa echiṟutsa walya wapfiie.

1 Wakorinto 6:9

Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

Wafilyipi 3:6

Kye wandu walaiṙikyie Ruwa nyi weoṟa handu hamwi na soe wa kyioṟa kyimwi, na wa mmbiu umwi, na iambilyia hamwi kilya Ruwa aleteṟia, kyikyeri kyiiṙi kya Kristo Yesu kui njia ya Ndumi Ngyicha.

Wakolosai 3:11

Iho kuwoṙe Mkyiṟikyi maa Myuda-pfo, iṙino maa iṙa iṙino-pfo, muyenu maa tondo, mtumo maa ulya alakyeri mtumo-pfo, indi Kristo nyi shoose, na kyiiṙi kya shoose.

2 Watesalonikye 1:5

Nyikyo kyiṟingyishio kya sungusinyi kya ianduyo lyikyeri wusumganyi wo Ruwa, kundu mutalyio kye kyimmbaṟi iiṙa na Wumangyinyi wo Ruwa, iwo womuenenga ilyiso wukyiwa.

Ulogo 7:6

Wa mbaṟe ya Asheri shiku ikumi na shiwi. Wa mbaṟe ya Naftalyi shiku ikumi na shiwi. Wa mbaṟe ya Manase shiku ikumi na shiwi.