Matayo 7:7 - Kivunjo New Testament 1999

⁷ “Terewenyi na nyoe mochienengo. Pfulenyi, na nyoe mochiwona. Kape-kapenyi moongo na nyoe mochipfunguyo.

Matayo 7:7 ပူးပေါင်းရင်းမြစ်များ

Matayo 18:19

Lyingyi-se ngammbia, kyiyeri wawi wanyu wechisanza kyindonyi kyoose wechikyiterewa, wewutio nyi Awu-yoko akyeri ruwewu.

Matayo 21:22

Na shoose mochishiterewa kyiterewonyi mochiiṙikyia, mochiambilyia.”

Matayo 6:33

Kyaindi pfulenyi kuwooka Wumangyi wokye, na wusumganyi wokye; na isho shoose mochiengyeṟio.

Matayo 7:11

Kyasia kokooya nyoe, mui wawicho, muichi ienenga wana wanyu shienengo shicha, ngyesa chi ngoseṟa mnu Awu onyu akyeri ruwewu echienenga mecha walya wekyemterewa-pfoe?

Matayo 7:8

Kyipfa orio moterewa nekyeambilyia; na ulya mopfula nekyewona; na ulya mokapa-kapa moongo nechipfunguyo moongo.

Mariko 11:24

Kyipfa kya ikyo ngammbia, orio kyoose moterewa ilyi muiterewa iṙikyienyi kye moshiambilyia, nasho shechiwa shanyu.

Luka 13:25

Kyiyeri monyi kanyi echigoṟoka na ishinga moongo, na nyoe mukowooka igoṟoka nja na ikapa-kapa moongo, mochigamba, ‘Hoi Mndumii, lupfunguye moongo’; oe negaluo na immbia, ‘Ngyiichi kundu muwukyie-pfo’.

Luka 18:1

Kawawia mfano, kye kyawakooya iterewa Ruwa mfiri yoose, maa walapfiio nyi mṙoe.

Yohane 15:16

Chi nyoe mulengyisambuṟa inyi-pfo, indi nyi inyi ngyilemusambuṟa nyoe; kundu mundekumbia ndunda; na ndunda tsanyu tsiiṙime ikaa ho mfiri yoose; kundu orio kyindo moterewa Awu kui rina lyako namuenengye.

Yohane 15:7

Nyoe mukowa kyindo kyimwi na inyi, na malosho gako gakakaa mrimenyi konyu, terewenyi kyindo kyoose mukundi na nyoe mochienengo.

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

Waroma 3:11

Kuwoṙe aichi-pfo, kuwoṙe aipfula Ruwa-pfo.

Waebrania 11:6

Kyaindi kulawoṙe iiṙikyia kyeiṙimika imchihiṟa-pfo; cha kyipfa mndu ekyeyenda ko Ruwa kyiwaṟi naiṙikyie kye Ruwa nakyeri pfo, na kye nekyeenenga wori walya wekyempfula.

Yakobo 5:15

Kokooya wameeku-wo waiṙikyia kye Ruwa neaṙanyia kyiterewo kyawo, ulya aluoe nechikyiṟo. Ruwa nemmbiyiṟia pfinya maa kokooya anyamaṟie nechihooṟio.

1 Yohane 3:22

Na orio kyindo loterewa lochikyiambilyia kokye, cha kyipfa lokyeosha shilya mawawaso gakye gakundi, na iwuta shichihiṟie mbele yakye.