Matayo 7:29 - Kivunjo New Testament 1999

²⁹ Cha kyipfa naweiwalosha cha mndu awoṙe wuchilyi, maa chi cha walya wawekyelosha mawawaso-pfo.

Matayo 7:29 ပူးပေါင်းရင်းမြစ်များ

Matayo 28:18

Yesu kacha na kowo, kaṙeṙa nawo, kawawia, “Ngyimṙambikye wuchilyi woose ruwewu na wuyanenyi.

Matayo 5:20

Kyipfa ngammbia-kye wusumganyi wonyu wulandeng'anie wulya wo walosha wa mawawaso na Mafarisayo, mochiiṙa maa ale na Wumangyinyi wo ruwewu-pfo.”

Matayo 5:28

Kyaindi inyi ngammbia orio mndu aambuya mndu mka kui imlanga, amumṟuguya ipfo mrimenyi kokye.

Matayo 5:32

Kyaindi inyi ngammbia, orio mndu aṙa mka okye, sile ko mbonyi tsa wuṟui, namgaluo mṟui; na mndu kaalyika ulya aṙio naṟuguya.”

Matayo 5:44

Kyaindi inyi ngammbia, kundenyi washituwa wanyu, terewienyi walya waimpfulutsa nyashi;

Matayo 7:28

Na lyilya Yesu alemarisa igamba kuṙo, wuingyi wo wandu wuleṟiyio mnu kyipfa kya malosho gakye.

Matayo 8:1

Na oe kyiyeri alesoka kulya fumvunyi, wuingyi wufoi wo wandu wulemwosha.

Luka 20:8

Yesu kawawia, “Maa inyi ngyimmbia nyoe nyi kui wuchilyi wuha ngyiwuta shindo-shi-pfo.”

Luka 21:15

cha kyipfa inyi ngyemuenenga maṙeṙo na wuṟango watuuri wanyu woose walechiiṙima iwingana nawo maa imulega.

Mawuto Ga Wasu 6:10

kyaindi waleiṙima iwingana na wuṟango na Mumuyo-cho aweṙeṙa na oe-pfo,