Matayo 7:24 - Kivunjo New Testament 1999

²⁴ “Kyasia orio mndu ekyeicho maṙeṙo-ga gako na igaosha, nechiwa cha mndu awoṙe wuṟango, alewika numba yakye wuye ya iṟaṟa.

Matayo 7:24 ပူးပေါင်းရင်းမြစ်များ

Matayo 12:50

Cha kyipfa orio oose echiṟunda shilya Awu-yoko akyeri ruwewu akundi, ichu nyi oe mono-wama oko, na mshikyi oko, na wama oko.”

Matayo 16:18

Na inyi ngakuwia, iyoe nyi oe Petiro, na kyiyeri-kyo ngyechiwika Siṟi yako iyoe nyilyo iṟaṟa handu ngyechiiyekyia; maa pfinya tsa upfu tseiwinga-pfo.

Matayo 24:45

“Kyasia nyi wui-ng'u mṟundi muyendelyi, awoṙe wuṟango, mndumii okye alemwenenga wuchilyi kanyi kokye, naenengye wandu kyelya kyiyeri kyiwaṟi?

Matayo 25:2

Wataanu wawekyeri matondo, na wataanu wawewoṙe wuṟango.

Matayo 25:4

indi walya wawoṙe wuṟango waleṙuo mafuṙa shindonyi shawo shewika mafuṙa hamwi na taa tsawo.

Matayo 25:9

Kyaindi walya wawoṙe wuṟango wakawagaluo, wechigamba, ‘Chi wuṙo-pfo; gelushika soe na nyoe-pfo. Nanga moyenda ko walya wekyekumba mafuṙa mundeguṟa pfo ganyu.’

Matayo 7:25

Mvuo ikakapa, mra ung'anyi ukocha, shiwiṟi shikakuma, shikakapa numba iya, ilaolokye; kyipfa ingyiyekyie wuye ya iṟaṟa.

Matayo 7:26

Na orio mndu echiicho maṙeṙo gako alagaoshe, nechiwa cha mndu mtondo, alewika numba yakye wuye ya mlelya;

Luka 11:28

Kyaindi oe nalegamba, “Nanga, wagusu walya wekyeicho Ṙeṙo lya Ruwa na iosha shilya lyikundi.”

Yohane 13:17

Wulalu momanya isho ngammbia; agusu nyoe kokooya moshiwuta!

Yohane 14:15

“Mukongyikunda mochiosha kyilya mawawaso gako gakundi.

Yohane 15:10

Mukoosha kyilya mawawaso gako gakundi, mochikaa ikundenyi lyako; chandu inyi ngyekyeosha mawawaso ga Awu oko na ikaa ikundenyi lyakye.

Yohane 15:14

Nyoe mochiwa mbuya tsako, mukowuta shilya ngammbia.

Waroma 2:13

Kyipfa chi woose wekyeicho mawawaso wai wasumganyi mbele ya Ruwa-pfo, indi nyi walya wekyewuta kyilya mawawaso gakundi wechitalyio wusumganyi.

1 Yohane 2:3

Na kyipfa kya ikyo luichi kye lomanya Ruwa, kokooya loosha shilya mawawaso gakye gagamba.