Matayo 7:21 - Kivunjo New Testament 1999

²¹ “Chi orio mndu ekyengyiwia, ‘Mndumii, Mndumii’ echiiṙa na ipfo Wumangyinyi wo ruwewu-pfo; sile ulya ekyeosha shilya Awu oko akyeri ruwewu akundi.

Matayo 7:21 ပူးပေါင်းရင်းမြစ်များ

Matayo 12:50

Cha kyipfa orio oose echiṟunda shilya Awu-yoko akyeri ruwewu akundi, ichu nyi oe mono-wama oko, na mshikyi oko, na wama oko.”

Matayo 16:17

Yesu kagaluo, kammbia, “Agusu iyoe Simion Mono-Yona, cha kyipfa chi pfinya ang'u wuṟango wo kyimndu shakutambuluya ikyi-pfo; indi Awu-yoko akyeri ruwewu.

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

Matayo 18:19

Lyingyi-se ngammbia, kyiyeri wawi wanyu wechisanza kyindonyi kyoose wechikyiterewa, wewutio nyi Awu-yoko akyeri ruwewu.

Matayo 18:3

kagamba, “Ny'kyaloi, ngammbia, mulandegalukye na iwa cha shiwana shitutu, mochiiṙa maa ale na Wumangyinyi wo ruwewu-pfo.

Matayo 18:35

Na wuṙo Awu-yoko a ruwewu echimmbutia nyoe, mulandehooṟie kui mrima yanyu orio mndu mono-wamae.”

Matayo 19:24

Lyingyi-se ngammbia, nyi kyaangu ngoseṟa ngamia iiṙa ṟochonyi lya sindanu, kuta mnjama iiṙa na Wumangyinyi wo Ruwa.”

Matayo 25:10

Nawo kyiyeri waweiyenda iguṟa, monyi wolyi kacha, na walya wawekuṟeyeṟie wakaiṙa na oe na wolyinyi; moongo ukoshingo.

Matayo 25:21

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Matayo 26:39

Kayenda mbele kyitutu, kaoloka na ndewu, katerewa, echigamba, “Awu-yoko, kyikaiṙimika, ṙombo-lyi lya matuuro lyiiṙe kuleshi na inyi. Kyaindi chi chandu ngyikundi inyi-pfo, indi nyi chandu ukundi iyoe.”

Matayo 26:42

Kayenda-se lya kawi, katerewa, echigamba, “Awu-yoko kokooya kyilechiiṙimika ṙombo-lyi lya matuuro lyiiṙe kuleshi na inyi, kyilya ukundi kyiwe kuṙo.”

Mariko 3:35

Cha kyipfa orio mndu echiṟunda shilya Ruwa akundi, icho nyi oe mono-wama oko, na mshikyi oko, na wama oko.”

Mariko 9:47

Na riso lyapfo lyikakutewe, lyikuluoe, ulyiwiyitse. Nyi nanga iiṙa na Wumangyinyi wo Ruwa, uwoṙe riso lyimwi, kuta iwaṙa meso gawi, na iwiyitso ngyehenenyi

Luka 11:28

Kyaindi oe nalegamba, “Nanga, wagusu walya wekyeicho Ṙeṙo lya Ruwa na iosha shilya lyikundi.”

Luka 13:25

Kyiyeri monyi kanyi echigoṟoka na ishinga moongo, na nyoe mukowooka igoṟoka nja na ikapa-kapa moongo, mochigamba, ‘Hoi Mndumii, lupfunguye moongo’; oe negaluo na immbia, ‘Ngyiichi kundu muwukyie-pfo’.

Luka 18:25

Cha kyipfa nyi kyaangu ngamia iiṙa ṟochonyi lya sindanu kuta mnjama iiṙa na Wumangyinyi wo Ruwa.”

Luka 6:46

“Ny'kyilyi mungyilaga, Mndumii, Mndumii, kyaindi mulawute shilya ngyigamba?

Yohane 14:7

Kokooya muwengyiichi inyi, muwechimanya Awu. Wookyia wulalu mumwichi, lyingyi-se momummbona.”

Yohane 15:23

Ulya angyisuuye inyi nasuuye na Awu oko.

Yohane 3:5

Yesu kamgaluo, “Ny'kyaloi, ngakuwia, mndu alandefeo kui mṟinga na Mumuyo echiiṙima iiṙa na Wumangyinyi wo Ruwa-pfo.

Yohane 5:17

Kawagaluo, kawawia, “Awu oko naiṟunda mṟasa wulalu, na inyi ngyiṟunda.”

Yohane 6:40

Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”

Yohane 7:17

Mndu kakunda iwuta kyilya Ruwa akundi, nechimanya mbonyi tsa malosho-ga, kye gawukyie ko Ruwa, ang'u kye inyi ngyiṙeṙa kui wuchilyi woko inyi ngyimonyi tupu.

Mawuto Ga Wasu 14:22

wechikarisha mrima ya wanalosho na iwawia wakae kyiiṙi kya Iiṙikyia lyilya, na kye kyiluwaṟi iiṙa na Wumangyinyi wo Ruwa kui njia ya matuuro gafoi.

Waroma 12:2

Maa mulaoshe mbaṟe ya wuyana-wu; indi mugalukye kundu Ruwa naiṙime igaluo makusaṟo ganyu. Iho nyi lyo-ndu moiṙima imanya kyilya Ruwa akundi, imanya kyilya kyii kyicha, kyemchihiṟa na kyikyiafutsie.

Waroma 2:13

Kyipfa chi woose wekyeicho mawawaso wai wasumganyi mbele ya Ruwa-pfo, indi nyi walya wekyewuta kyilya mawawaso gakundi wechitalyio wusumganyi.

Wafilyipi 6:6

Maa chi kui wutumo wo meso tikyi cha waikukomba ko wandu-pfo; indi cha watumo wa Kristo, mowuta shechihiṟa Ruwa kui mrima.

Wakolosai 4:12

Epafura, akyeri mndu o konyu, mṟundi o Yesu Kristo, namuiṟikyiṟa, echipfuṟukana mfiri yoose kyipfa kyanyu shiterewonyi shakye, kundu kye mugoṟokye muafutsie iiṙikyia na iṟingyishio mnu shindonyi shoose Ruwa akundi.

1 Watesalonikye 4:3

Kyipfa isho nyisho Ruwa akundi shiwutikye, iilyisho lyanyu, mukushowe na wuṟui.

1 Watesalonikye 5:18

anenyi kyipfa kya orio kyindo; kyipfa isho nyisho shilya Ruwa akundi shiwutikye konyu kyiiṙi kya Kristo Yesu.

Tito 1:16

Waigamba kye waichi Ruwa, indi mawuto gawo gaimkana. Wawoṙe shindo shekyesuiṟa, wawoṙe wuindi-pfo, maa wawoṙe kyiira kyindonyi kyoose-pfo.

Waebrania 13:21

namuenengye nyoe iafutsia kyaro orio iṟundenyi lyicha, muiṙime iwuta shilya akundi; na oe echiwuta mrimenyi koṙu kyilya kyichihiṟie mbele yakye, kui Yesu Kristo; kyiṟumi kyikae na oe mlungana na mlungana. Amen.

Waebrania 4:6

Kyasia kyipfa ṙeṙo-lyi lyatsugaa ho kye kuwoṙe wandu wechiiṙa na handu-ho heonyonyia, na walya waleongoyo mbonyi-tso kyiyeri kya kacha, walelemo iiṙa na handu ho heonyonyia kyipfa kya wunyamaṟi wowo,

Yakobo 1:22

Kyaindi wenyi wandu mokyewuta kyilya mokyeicho, maa chi wandu weaṙanyia tikyi kunu mochikulemba muwenyi-pfo.

1 Petiro 2:15

Cha kyipfa nyisho shindo Ruwa akundi. Kye kui iwuta shindo shicha mushingye maṙumbu ya wutondo ga matondo.

1 Petiro 4:2

Wookyia wulalu mulaengyeṟe iosha lango tsa mmbiu, indi oshenyi shilya Ruwa akundi, kyiyeri kyanyu kyitsugai kyekaa iha wuyanenyi.

Ulogo 2:27

Na oe nechiwachilyia kui upoi lo kyichakari, chandu shindo sha teri yeachikyia shinungu shekyeachikyio, chandu inyi ngyileshiambilyia ko Awu oko.

Ulogo 22:14

Wagusu walya wekyesanja nguwo tsawo, wawaṙe momu o yenda halya-ndu ikyiṙi-lyo lya moo lyikyeri, na iiṙa na mṟinyi kui moongo yalyo.

Ulogo 3:5

Ulya mowinga nechiṟiko nguwo-tso ngyiilyi, maa ngyechiwuta rina lyakye kyitapunyi kya moo-pfo, na inyi ngyechiṟingyishia rina-lyo mbele ya Awu oko, na mbele ya malaika wakye.