Matayo 7:15 - Kivunjo New Testament 1999

¹⁵ “Kushowenyi na weonguo shisuku wa wongo, wandu wekyecha na konyu wakyeri cha moondo, kyaindi ipfo mrimenyi kowo nyi shisii shilang'a.

Matayo 7:15 ပူးပေါင်းရင်းမြစ်များ

Matayo 10:17

Kuṟiisenyi na wandu cha kyipfa wechimṙuo mengyenyi, na masinagoginyi gawo wechimkapa.

Matayo 16:11

Kyawa kuṙa mulalemanya kye chi kyipfa kya mkate ngyilemmbia-pfo? Kyaindi kushowenyi na chachu ya Mafarisayo na Masadukayo.”

Matayo 16:6

Yesu kawawia, “Kushowenyi na chachu ya Mafarisayo na Masadukayo.”

Matayo 24:11

Na weonguo shisuku wa wongo wechiwoneka na ilemba wafoi.

Matayo 7:14

Kyaindi moongo nyi umsuse, na njia iyendie moonyi o mlungana nyi ingyisuse, na wekyeiwona nyi sa waangu.”

Luka 12:15

Kawawia, “Kushowenyi na wuneesi, kyipfa moo o mndu ukyeri shindonyi shakye awoṙe-pfo.”

Luka 6:26

Ochia lonyu nyoe ilyi wandu woose wechimuenenga kyiṟumi, kyipfa nyi wuṙo waku wawo walewutia weonguo shisuku wa wongo.”

Yohane 10:12

Mndu o wori, maa chi mlyisi-pfo, ulya moondo galai gakye, nekyewona kyisii kyeecha, kaṙa moondo na iṙicha, na kyisii kyekyerakuo ho ondo lyimwi na inyanyaṟitsa igo gengyi.

Mawuto Ga Wasu 13:40

Kyasia, kuringyenyi mulachewutikyio mbonyi iya ilegambo shiṟeionyi sha weonguo shisuku,

Mawuto Ga Wasu 13:6

Wamuiṙe kyiiṙi kya Kyipiro mṟasa Pafo, wakawona mndu umwi, msawi, moonguo shisuku o wongo, Myuda awekyelago Bar-Yesu.

Wagalatia 2:4

Indi kyipfa kya wandu walekuloṟa kye waiṙikyie Yesu na kunu waweiṙikyie-pfo, wandu walekulunga na soe kui kyiṟika kundu wamanye mbonyi tsaṙu soe lulawachilyie nyi kyindo kyiiṙi kya Kristo Yesu, kundu ilyi numa waluwikye wusingyenyi.

Wafilyipi 4:14

Kundu lulawe-se wana watutu, lochiwiyitso ipfo na ipfo, na iṙoo nyi orio mkuma o malosho geṙetsa, kui ngyeṟo tsa wandu, kui mbiṟi, lochiosha njia tsa wulembi.

Wafilyipi 5:6

Mndu alamulembe kui maṙeṙo galawoṙe kyiira; cha kyipfa, kyipfa kya ikyo nyashi ya Ruwa yekyeolokyia wana wa wunyamaṟi.

Waefeso 3:2

Kushowenyi na wandu wakyeri cha shite, walya wekyewuta shindo shiwicho. Kaenyi kuleshi na walya wekyeitika wandu iṙino.

Wakolosai 2:8

Mndu alachemuṙetsa kui wuṟango wokye na wulembi wulawoṙe kyiira, kui mbaṟe ya malosho ga shilya wandu wekyeambilyia ko waku wawo, kui mbaṟe ya malosho ga kuwooka ga wuyana, maa chi kui mbaṟe ya Kristo-pfo.

2 Timoteo 3:13

Kyaindi wandu wawicho na walya wekyelemba wechiengyeṟika, na iengyeṟa iwa wawicho, wechilemba na ilembo.

2 Timoteo 4:3

Kyipfa kuicha kyiyeri wechilega malosho gawoṙe moo; indi kui iosha kyilya wakundi wawenyi wepfula walosha wawo wafoi, cha kyipfa wawoṙe maṙwi gesoruo-soruo shindo.

2 Petiro 3:17

Kyasia, wakunde, mukosonguo imanya isho, kuringyenyi mrima yanyu, mulacheṙoo nyi maṙeko ga wanyamaṟi-wo, mukooloka na iṙa kyilya muiṙikyie.

1 Yohane 4:1

Wakunde, mulaiṙikyie orio mndu agamba kye nawoṙe Mumuyo, indi wayeshenyi mumanye kokooya mumuyo-yo waigamba wawoṙe iwukyie ko Ruwa; cha kyipfa weonguo shisuku wa wongo wafoi wammboneka wuyanenyi.

Yuda 1:4

Kyipfa kuwoṙe wandu walekuwika pfo kui kyiṟika, wandu waleṟeio wookyia kacha ianduyo-lyi, mando mawicho, gekyegaluo isaṟia lya Ruwa oṙu lyiwe ukoe, nawo wekyemkana icho akyeri Ruwa amonyi tikyi, na Mndumii oṙu Yesu Kristo.

Ulogo 16:13

Ngawona mumuyo iṟaṟu ya wunyamaṟi ifananyi na shilo, yechiwuka ṙumbunyi lya injoka lyilya, na ṙumbunyi lya indo lyilya, na lya moonguo shisuku ulya o wongo.

Ulogo 17:6

Ngawona mndu mka ulya amnanze kui samu ya wandu wa Ruwa, na kui samu ya waṟingyishi wa Yesu. Na inyi kyiyeri ngyilemmbona ngaṟiyio mnu.

Ulogo 19:20

Indo lyilya lyikawoṙo, na moonguo shisuku ulya o wongo hamwi nalyo, ulya alewuta shindo-sho sha maṟiyisho mbele yalyo, shilya alelemba nasho wandu walya waleambilyia kyindo kyilya kyeloṟa kye wo nyi wa indo-lyo, na walya waleterewa na iindia ifano lyalyo. Wewawi wakawiyitso wai na moo iruwenyi lya moṙo lyekyeaka kui kyipiriti.

Ulogo 20:10

Na Mokyiriinzi ulya, ekyewalemba, kawiyitso iruwenyi lya moṙo na kyipiriti, kundu lyikyeri indo lyilya na moonguo shisuku ulya o wongo. Nawo wechilyiso wukyiwa kyio na kyingoto mṟasa mlungana na mlungana.