Matayo 6:4 - Kivunjo New Testament 1999

⁴ Kyiano kyapfo kyesaṟia kyiwe kui kyiṟika; na Awu-yopfo ulya ekyewona maa shilya shikuṟiikyie nechikuenenga iṟikoso.”

Matayo 6:4 ပူးပေါင်းရင်းမြစ်များ

Matayo 10:42

Na orio mndu echirutsa umwi o iwa watutu mṟinga uichololyia, kyipfa nyi manalosho, ny'kyaloi, ngammbia, wori wokye wochiṙeka maa ale-pfo.”

Matayo 6:18

kundu ulawono nyi wandu kye nokuretekyia, sile nyi Awu-yopfo akyeri handu hakuṟiikyie, na Awu-yopfo ekyewona maa shilya shikuṟiikyie nechikuenenga iṟikoso.”

Matayo 6:3

Ny'kyaloi, ngammbia, wammbona wori wowo. Kyaindi kyiyeri iyoe uienengyia kyiano kyesaṟia, maa kuwoko kopfo ko kumoso kulamanye kyindo kuwoko kopfo ko kulyoe kuiṟunda.

Matayo 6:6

Kyaindi iyoe kyiyeri-kyo uiterewa, iṙa na kyiṟinyi kyapfo uwiirie moongo, na komshinga moongo opfo, uterewe mbele ya Awu-yopfo akyeri handu hakuṟiikyie; na Awu-yopfo ekyewona maa shilya shikuṟiikyie nechikuenenga iṟikoso.

Luka 14:14

na iyoe nochiwa nanga, cha kyipfa iwo wawoṙe kyekutaa-pfo; kyipfa nochitoo kyiyeri kya iṟuka lya wasumganyi.”

Luka 8:17

Cha kyipfa kuwoṙe kyindo kyikyishikyie maa kyikuṟiikyie kyilechimanyika-pfo.

1 Wakorinto 4:5

Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

Waebrania 4:13

Maa kuwoṙe kyindo kyikyeri na moo kyilakyishukuoe mbele ya Ṙeṙo-lyo-pfo, kyaindi shindo shoose shikyeri kyiṟanguoe na shishishukuoe mesonyi gakye ulya awoṙe shindo shaṙu.

Yuda 1:24

Icho eiṙima imuringa nyoe mulakape ṙende, na imugoṟotsa mbele ya mng'ano okye kulawoṙe iteiya sienyi ing'anyi;

Ulogo 2:23

Na inyi ngyewaaga wana wakye. Na siṟi tsoose tsechimanya kye inyi nyi oe aichi makusaṟo gakyeri mrimenyi ko wandu. Na inyi ngyechitaa orio umwi onyu iṙuana na mawuto gakye.