Matayo 6:25 - Kivunjo New Testament 1999

²⁵ Kyipfa kya ikyo ngammbia, mulawinie moo yanyu, mulye kyi ang'u munyo kyi; maa mmbiu yanyu muṟaae kyi. Moo chi ngoseṟa ya kyelya, na mmbiu chi ngoseṟa ya kyindo kyeṟaa?

Matayo 6:25 ပူးပေါင်းရင်းမြစ်များ

Matayo 10:19

Kyaindi iho-ndu wechimṙuo, mulakusaṟe-saṟe chandu mochiṙeṙa; kyipfa mochienengo saa-yo shilya mochiṙeṙa.

Matayo 13:22

Na iya ingyiṙongye mshenyi, icho nyi mndu ekyeicho ṙeṙo lyilya; na mawino ga wuyana, na wulembi wo masaa wokyeilama ṙeṙo lyilya; lyilawaṙe ndunda.

Matayo 6:31

Kyasia mulakuwinishe, mochigamba, lulye kyi, ang'u lunyo kyi, ang'u lpṟaae kyi?

Matayo 6:34

Kyasia mulakuwinishe na sha ngama; kyipfa ngama yekuwinia imonyi. Kyishikyie ikuwinisha orio mfiri na ngyuukyiwa tsa mfiri-cho.”

Mariko 13:11

Na kyiyeri wechimsuo nyoe, na imṟiinga, mulakusaṟe kuwooka shilya mochigamba, kyaindi orio kyindo mochienengo saa iya, kyigambenyi cha kyipfa chi nyoe muiṙeṙa-pfo, indi nyi Mumuyo Mweele.

Mariko 4:19

kyaindi ikuwinisha lya kyiwuyana, na wulembi wo masaa, na lango tsa shindo shingyi tsikacha, shekyepfumba Ṙeṙo lyilya lya Ruwa lyilakumbie.

Luka 12:11

Na ilyi wemuṙuo mbele ya Masinagogi na wachilyi na wawoṙe pfinya ya ichilyia, maa mulaiṟewe mochikusaṟa maṙeṙo ganyu chandu mogaluo ang'u iṙeṙa.

Luka 8:14

Na tsileoloka mshenyi, nyi walya waleicho na kyiiṙi kya iyenda wakailamo nyi wulembi wo masaa, na ichihiyo lya wuyana, walakumbie ndunda ngyicha.

Waroma 8:32

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

1 Wakorinto 7:32

Kyaindi ngyikundi kulawaṙe shindo shemuṟaisha. Ulya alaalyikyie nekyekuwinisha na shindo sha Mndumii, nachihiṟe kuṙa Mndumii;

Waefeso 4:6

Maa mulakuwinishe kyipfa kya kyindo kyoose; indi kyiyeri muiterewa Ruwa kyilya mukundi wutenyi kuṙo muwoṙe mrima iwoṙe iana.

2 Timoteo 2:4

Kuwoṙe mndu ekyekapana shiṙa ekyekuwika shindonyi sha wuyana-pfo, kundu nachihiṟe ulya alemṟeia nawe asikari.

1 Petiro 5:7

kunu mochimṙambika fowa tsanyu tsoose, cha kyipfa oe nekyekuwinisha mnu na shindo shanyu.