Matayo 6:20 - Kivunjo New Testament 1999

²⁰ Kyaindi koomenyi shindo sha woguru kyipfa kyanyu ruwewu, kulekyenyamaṟika kyindo kyipfa kya mashinu maa koṟa, maa mbafu tsilekyefunja na iiwa.

Matayo 6:20 ပူးပေါင်းရင်းမြစ်များ

Matayo 19:21

Yesu kammbia, “Kokunda iwa mndu aafutsie shoose yenda undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu, numa nnjo ungyioshe.”

Matayo 6:19

“Mulakoome shindo sha woguru kyipfa kyanyu iha wuyanenyi, handu mashinu na koṟa shekyenyamaṟa, na mbafu tsekyefunja na iiwa.

Mariko 10:21

Yesu kamwitukuya ko pfinya kamkunda, kammbia, “Nuuṟie kyindo kyimwi. Yenda, undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu; numa ya iho nnjo ungyioshe.”

Luka 12:33

Kumbenyi isho muwoṙe, muwute kyiano. Achikyienyi shikuchu shilekyekuo, koomenyi kyiseyesoe kyanyu ruwewu handu kyechiengyeṟika, handu halekyeshika mbafu, maa shinu lyilekyenyamaṟa.

Luka 18:22

Kyiyeri Yesu aleicho ikyo nalemmbia, “Nuwuṟie kyindo kyimwi. Kumba shoose uwoṙe, undegawia wakyiwa, na iyoe nochiwaṙa kyiseyesoe ruwewu, numa ya iho nnjo ungyioshe.”

1 Timoteo 6:17

Walya wakyeri wanjama wa wuyana wo wulalu uwawie walakushele, maa walakusurie wunjama wowo wukyeri cha mboshia, indi wakusurie Ruwa ekyeluenenga shindo shoose kulawoṙe iehia kundu luṟunde nasho kui sia.

1 Timoteo 6:19

kunu wechikooma kyiseyesoe kyiwe urende lucha ko kyiyeri kyiicha, kundu wawone moo o loi.

Waebrania 10:34

Kyipfa mulewonia wukyiwa walya wawewapfungye. Lyingyi-se mukoiṙikyia kui sia isoko masaa ganyu, muichi kye mrimenyi konyu kuwoṙe masaa gai mecha ngoseṟa, galekyesia.

Waebrania 11:26

echiwona kye imino kyipfa kya Kristo kokye nyi wunjama wung'anyi kuta masaa ga Misiri; cha kyipfa naleweṙelyia wori-wo.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

1 Petiro 1:4

Luwone na kyioṟa kyilekyenyamaṟika, kyilawoṙe ukoe, kyilekyesia, kyilekoomo ruwewu kyipfa kyanyu.

1 Petiro 5:4

Na kyiyeri Mlyisi ang'anyi echiloṟo, mochiambilyia iṟikoso lya kyiṟumi, lyilya lyilekyenyamaṟika.

Ulogo 2:9

Ngyiichi wukyiwa wopfo na wufofo wopfo (kyaindi nui mnjama.) Ngyiichi na shilahio sha walya wekyegamba kye nyi Wayuda, nawo chi Wayuda-pfo, indi nyi sinagogi lya Satana.