Matayo 6:19 - Kivunjo New Testament 1999

¹⁹ “Mulakoome shindo sha woguru kyipfa kyanyu iha wuyanenyi, handu mashinu na koṟa shekyenyamaṟa, na mbafu tsekyefunja na iiwa.

Matayo 6:19 ပူးပေါင်းရင်းမြစ်များ

Matayo 19:21

Yesu kammbia, “Kokunda iwa mndu aafutsie shoose yenda undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu, numa nnjo ungyioshe.”

Matayo 6:20

Kyaindi koomenyi shindo sha woguru kyipfa kyanyu ruwewu, kulekyenyamaṟika kyindo kyipfa kya mashinu maa koṟa, maa mbafu tsilekyefunja na iiwa.

Luka 12:21

Nyi wuṙo akyeri mndu ekyekoomia mrima okye kyiseyesoe alakusurie Ruwa.”

Luka 12:33

Kumbenyi isho muwoṙe, muwute kyiano. Achikyienyi shikuchu shilekyekuo, koomenyi kyiseyesoe kyanyu ruwewu handu kyechiengyeṟika, handu halekyeshika mbafu, maa shinu lyilekyenyamaṟa.

Luka 12:39

Kyaindi manyenyi kyindo-kyi kye monyi kanyi awemanya kyiyeri mbafu yechicha, nawelaa kyiṙombo, maa aweṙa numba yakye ifunjo-pfo.

Luka 18:22

Kyiyeri Yesu aleicho ikyo nalemmbia, “Nuwuṟie kyindo kyimwi. Kumba shoose uwoṙe, undegawia wakyiwa, na iyoe nochiwaṙa kyiseyesoe ruwewu, numa ya iho nnjo ungyioshe.”

Luka 18:24

Kyiyeri Yesu alewona kuṙo nalegamba, “Nyi kui wukyiwa wo mbaṟe iha wanjama wechiiṙa na Wumangyinyi wo Ruwa!

1 Timoteo 6:17

Walya wakyeri wanjama wa wuyana wo wulalu uwawie walakushele, maa walakusurie wunjama wowo wukyeri cha mboshia, indi wakusurie Ruwa ekyeluenenga shindo shoose kulawoṙe iehia kundu luṟunde nasho kui sia.

Waebrania 13:5

Mulawaṙe mkaṟo o kunda heleri; wenyi cha wandu walauṟie kyindo.