Matayo 6:1 - Kivunjo New Testament 1999

¹ “Mulaloṟe wucha wonyu mbele ya wandu, kundu wamuambuye. Kyipfa mukoṟunda muṙo, mowona wori ko Awu-yonyu akyeri ruwewu-pfo.

Matayo 6:1 ပူးပေါင်းရင်းမြစ်များ

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 16:6

Yesu kawawia, “Kushowenyi na chachu ya Mafarisayo na Masadukayo.”

Matayo 23:13

“Ochia lonyu walosha wa mawawaso na Mafarisayo, wakulembecheṟi! Cha kyipfa mokyeshingyia wandu moongo o Wumangyi wo ruwewu; nyoe muwenyi mulaiṙe napfo, maa walya waiiṙa mulawalekyie waiṙe napfo. [

Matayo 23:5

Lyingyi-se mmbutie yawo yoose nyi kundu wawono nyi wandu; cha kyipfa shichonyi-sho shishiṟeie maṙeṙo ga Ruwa wekyeṟaa shaamunyi shawo na mawoko nyi shing'anyi mnu, na makyechu ga mkoṟoṟi yawo gangyilesheṟe mnu.

Matayo 25:40

Na Mangyi nechigaluo, echiwawia, ‘Ny'kyaloi ngammbia, chandu mulewutia umwi o wana wa wama-wo wako wai watutu, mulengyiwutia inyi.’

Matayo 5:16

Na wuṙo ngyeela yanyu ilyimikye mbele ya wandu, waiṙime iwona mawuto ganyu mecha, waṟumishe Awu-yonyu akyeri ruwewu.”

Matayo 5:46

Kyipfa mukokunda wamukundi nyoe tupu, mowona wori wuha? Maa wesania ukamba, wekyeṟunda isho isho-pfoe?

Matayo 5:48

Kyasia nyoe mochiwa wandu walawoṙe mti, chandu Awu-yonyu o ruwewu alawoṙe mti.”

Matayo 6:16

“Ngoseṟa kyiyeri moṙumbuo ikuretekyia kundu muṟumishe Ruwa, mulawe cha wakulembecheṟi wawoṙe shaam shiwoṙe nzineeri. Kyipfa wekyenyamaṟa shaam shawo, kundu wawono nyi wandu kye wailya maa inyo-pfo. Ny'kyaloi ngammbia, wamuambilyia wori wowo.

Matayo 6:9

Kyasia nyoe terewenyi kuṙi, ‘Awu-yoṙu ukyeri ruwewu, Rina lyapfo lyitano lyiele,

Mariko 8:15

Kawaikyimbia, kagamba, “Kushowenyi na chachu ya Mafarisayo na chachu ya Herode.”

Luka 11:35

Kyasia, ambuya-ng'u, ngyeela iya ikyeri kopfo ilacheewa meema.

Luka 12:1

Kyiyeri-kyo, wuingyi wo wandu wulesanza shiku kui shiku, mṟasa wakachumana, kawooka iwia wanalosho wakye kuwooka, “Kuringyenyi na chachu ya Mafarisayo, ya wukulembecheṟi.

Luka 12:15

Kawawia, “Kushowenyi na wuneesi, kyipfa moo o mndu ukyeri shindonyi shakye awoṙe-pfo.”

Luka 16:15

Kawawia, “Nyoe mokyekushelyia wusumganyi mbele ya wandu, kyaindi Ruwa naichi mrima yanyu; cha kyipfa kyindo kyang'anyiso ko wandu kyekyewa wusutsu mbele ya Ruwa.

Yohane 12:43

Cha kyipfa walekunda iṟumisho nyi wandu kuta iṟumisho nyi Ruwa.

Yohane 5:44

Moiṙima kuṙa iiṙikyia nyoe muiṟumishana nyoe wenyi ko wenyi, na kyiṟumi kyilya kyiwukyie ko Ruwa alawoṙe amng'anyie muikyipfula-pfo?

Mawuto Ga Wasu 3:12

Na kyiyeri Petiro alewona kuṙo kagaluo wandu walya, kawawia, “Nyoe wandu wa Isiraelyi ny'kyilyi muiṟiyio kyipfa kya shindo-shi? Ang'u ny'kyilyi muluitukuya cha ilyi nyi pfinya tsaṙu tsaenenga mndu-chu wuiṙimi wo ichumia? Maa achia kyipfa soe luiṙikyie Ruwa-pfo.

Wagalatia 6:12

woose wakundi iwono kye nyi wandu wecha ko mbonyi tsa mmbiu nyiwo waimuitika iṙino; kundu walalyiso wukyiwa nyi msalaba o Kristo tikyi.

Waebrania 11:26

echiwona kye imino kyipfa kya Kristo kokye nyi wunjama wung'anyi kuta masaa ga Misiri; cha kyipfa naleweṙelyia wori-wo.

Waebrania 2:1

Koikyo kyiluwaṟi iosha nawi shilya luleicho lulacheṙeko.

Waebrania 6:10

Cha kyipfa Ruwa ammbicho mṟasa nawaṙime iṟunda lyanyu-pfo, na ikunda lyilya mulelyiṟingyishia kui rina lyakye, cha kyipfa muleṟundia wandu wa Ruwa, na mṟasa wulalu muwaṟundia.

2 Yohane 1:8

Ringyenyi mrima yanyu mulaṙetse shilya mulewuta, indi muambilyie wori wuafutsie.