Matayo 5:9 - Kivunjo New Testament 1999

⁹ Wagusu iwo wekyeende ufoṟo; kyipfa iwo wechilago wana wa Ruwa.

Matayo 5:9 ပူးပေါင်းရင်းမြစ်များ

Matayo 5:45

kundu muiṙime iwa wana wa Awu-yonyu akyeri ruwewu. Kyipfa oe nekyeenenga mmbaṟi okye wawicho na wecha, nekyeolotsia mvuo wasumganyi na walai wasumganyi.

Matayo 5:48

Kyasia nyoe mochiwa wandu walawoṙe mti, chandu Awu-yonyu o ruwewu alawoṙe mti.”

Luka 20:36

Maa weiṙima ipfa-se-pfo; cha kyipfa wekyewa cha malaika, nawo nyi wana wa Ruwa, kyipfa kya ilyi wakyeri wana wa iṟutso.

Luka 6:35

Indi kundenyi washituwa wanyu. Wutenyi shicha, na mukoakuya mulakunde itoo kyindo, na wori wonyu woching'ana. Na nyoe mochiwa wana wa ai wuye, kyipfa oe namcha ko walya walekyemwana, na wawicho.

Mawuto Ga Wasu 7:26

Mfiri ulya uleosha kakooya Waisiraelyi wawi waweiluyana, kakunda iwasanza, echigamba, ‘Lanyoe wandu! Nyoe chi wana wa mka? Ny'kyilyi muiluyana?’

Waroma 12:18

Kokooya kyechiwa, ko ura lonyu, mukae ufoṟonyi na wandu woose.

Waroma 8:14

Cha kyipfa woose wekyesongoyo nyi Mumuyo o Ruwa, iwo nyiwo wana wa Ruwa.

Waroma 8:16

Mumuyo oe amonyi nekyeṟingyishia hamwi na mrima yaṙu, kye soe nyi wana wa Ruwa.

Waroma 8:19

Cha kyipfa shigumbe shoose shiweṙelyia kui sia ing'anyi iloṟo lya wana wa Ruwa.

1 Wakorinto 6:6

Indi mokyeṙuana mengyenyi, wandu muiṙikyie Ruwa, mbele ya walya walaiṙikyie Ruwa.

2 Wakorinto 13:11

Numa ya iho, wana wa wama, nakonyu. Muafutsie, muwiyiṟio moo. Kusurienyi kyimwi, mukae ufoṟonyi. Na Ruwa o ikunda na ufoṟo nechikaa hamwi na nyoe.

2 Wakorinto 5:20

Kyasia soe luiṙeṙa handu ha Kristo, cha ilyi Ruwa naiterewa kui maṙumbu gaṙu, lumuterewa nyoe kyipfa kya Kristo musanzo na Ruwa.

Wagalatia 5:22

Kyaindi ndunda tsa Mumuyo nyi ikunda, sia, ufoṟo, ikarishia, kyiṙo kyicha, itarama wakyeri wukyiwenyi, iwuta kyilya mndu ateṟia,

Wafilyipi 4:1

Koikyo ngyimuterewa, inyi ngikyeri mpfungo kyiiṙi kya Mndumii, mukae chandu kyiwaṟi kyilya mulelagio.

Waefeso 4:2

Ngaterewa Euodia, ngaterewa na Sintikye, wawaṙe makusaṟo gamwi kyiiṙi kya Mndumii.

Wakolosai 3:13

Mochiṙuana na ihooṟiana, mndu awoṙe kyimaṙuma kyesuuya oṙoe, chandu Mndumii alemuhooṟia nyoe, nyi wuṙo na nyoe.

Waebrania 12:14

Pfulenyi kui wuragari iwaṙa ufoṟo na wandu woose, na wuele, wulya kulawoṙe mndu echiwona Mndumii alauwoṙe,