Matayo 5:46 - Kivunjo New Testament 1999

⁴⁶ Kyipfa mukokunda wamukundi nyoe tupu, mowona wori wuha? Maa wesania ukamba, wekyeṟunda isho isho-pfoe?

Matayo 5:46 ပူးပေါင်းရင်းမြစ်များ

Matayo 11:19

Mono-Adamu nalecha, echilya na inyo, wakagamba, ‘Ichu nawoṙe ndewu, nyi mnanzi, mbuya ya wesania ukamba na wanyamaṟi!’ Na wuṟango wo Ruwa wochimanyika kui shindo wuṟango-wo wuiṟunda.”

Matayo 18:17

Na alandemuaṙanyie nyoe, wia siṟi; na alandeaṙanyie siṟi taa, na nawe kopfo cha mndu alaiṙikyie Ruwa na mosania ukamba.”

Matayo 5:47

Ngoseṟa mukoiṟikyiṟa wana wa wamanyu tupu, moṟunda kyi kya ngoseṟa? Maa wandu walaiṙikyie Ruwa wekyewuta cha isho-pfoe?

Matayo 6:1

“Mulaloṟe wucha wonyu mbele ya wandu, kundu wamuambuye. Kyipfa mukoṟunda muṙo, mowona wori ko Awu-yonyu akyeri ruwewu-pfo.

Mariko 2:15

Na kyiyeri aweṙamie kanyi kokye echilya, wesania ukamba wafoi na wanyamaṟi waleṙamia hamwi na Yesu na wanalosho wakye; cha kyipfa wawei wafoi wechimwosha.

Mariko 2:16

Na walosha wa mawawaso na Mafarisayo kyiyeri walemmbona echilya hamwi na wesania ukamba na wanyamaṟi, walewia wanalosho wakye, “Ny'kyilyi ailya hamwi na wesania ukamba na wanyamaṟi?”

Luka 15:1

Kyasia wesania ukamba woose na wanyamaṟi wawetikyira kufuhi na oe wamwaṙanyie.

Luka 18:13

Kyaindi mosania ukamba ulya nalegoṟoka kuleshi maa alekaria iambuya ruwewu-pfo, indi nalekapa-kapa kyipoota echigamba, ‘Hoi Ruwa, ungyihooṟie inyi mnyamaṟi.’

Luka 19:2

Na hawewoṙe mndu ekyelago Sakayo, msongoru umwi kyiiṙi kya wesania ukamba, na oe nyi mnjama.

Luka 19:7

Lyilya wandu walewona, walenunuwa woose, wechigamba, “Nayenda kanyi ko mndu mnyamaṟi.”

Luka 3:12

Wesania ukamba nawo wakacha ipatiso, wakammbesa, “Mlosha, luwikye kuṙa soe?”

Luka 5:29

Na Lewi kamwachikyia shelya shifoi kanyi kokye. Napfo kuwewoṙe wuingyi wufoi wo wesania ukamba na wandu wengyi waweilya hamwi nawo.

Luka 5:30

Mafarisayo na walosha wawo wa mawawaso wakanunuwia wanalosho wakye, wechigamba, “Ny'kyilyi muilya na inyo hamwi na wesania ukamba na wanyamaṟi?”

Luka 7:29

Wandu woose na wesania ukamba kyiyeri waleicho isho, waleṟingyishia loi ya Ruwa kyipfa walepatiso wupatiso wo Yohane.

Luka 7:34

Mana o Adamu nalecha echilya na inyo; na nyoe mukogamba, ichu nawoṙe ndewu, na nekyenyo mpfinyo, mbuya ya wesania ukamba na wanyamaṟi.