Matayo 5:45 - Kivunjo New Testament 1999

⁴⁵ kundu muiṙime iwa wana wa Awu-yonyu akyeri ruwewu. Kyipfa oe nekyeenenga mmbaṟi okye wawicho na wecha, nekyeolotsia mvuo wasumganyi na walai wasumganyi.

Matayo 5:45 ပူးပေါင်းရင်းမြစ်များ

Matayo 5:9

Wagusu iwo wekyeende ufoṟo; kyipfa iwo wechilago wana wa Ruwa.

Luka 6:35

Indi kundenyi washituwa wanyu. Wutenyi shicha, na mukoakuya mulakunde itoo kyindo, na wori wonyu woching'ana. Na nyoe mochiwa wana wa ai wuye, kyipfa oe namcha ko walya walekyemwana, na wawicho.

Yohane 13:35

Kuṙo wandu woose wechimanya kye nyoe mowa wanalosho wako, kokooya mokundana nyoe wenyi ko wenyi.”

Mawuto Ga Wasu 14:17

Kyaindi aleṙa imuṟingyishia-pfo, cha kyipfa nalewuta shindo shicha, echimuenenga mvuo iwuka ruwewu na kyiyeri kya shilyimu, echiigutsa mrima yanyu shelya na sia.”

Wafilyipi 5:1

Koikyo oshenyi Ruwa, cha wana wakunde.

Waefeso 2:15

muiṙime iwa wana wa Ruwa walaiwio kye wawawicho, maa walekyelemba, walawoṙe tewe rikyenyi lyilekyeicho, lyilakyeri njienyi ya sungusinyi. Walya kyiiṙi kyawo muwonekanyi cha ilyi mukyeri shimii wuyanenyi,

1 Yohane 3:9

Orio mndu amfee nyi Ruwa ekyewuta sha wunyamaṟi-pfo, kyipfa kyishari kyakye kyikyeri kokye; maa echiiṙima iwuta sha wunyamaṟi-pfo kyipfa namfee iwuka ko Ruwa.