Matayo 5:30 - Kivunjo New Testament 1999

³⁰ Na kuwoko kopfo ko kulyoe kukokutewe, ṙumbuo kuwoko-ko uwiyitse kuleshi na iyoe. Kyipfa kyikuwaṟi kyoonyi kyapfo kyimwi kyiṙekye, kundu mmbiu opfo oose ulawiyitso ngyehenenyi.”

Matayo 5:30 ပူးပေါင်းရင်းမြစ်များ

Matayo 11:6

Agusu orio mndu alammbihie kyipfa kyako.”

Matayo 13:21

Kyaindi lyekyewaṙa mri mrimenyi kokye-pfo, na lyekyekaa kyiyeri kyifuhi. Kukocha wukyiwa ang'u matuuro kyipfa kya ṙeṙo-lyo, cha ilyi, lyekyekaa kokye-pfo.

Matayo 16:23

Kagaluka, kawia Petiro, “Wuka koko, Satana, nungyishingyia; kyipfa uikusaṟa shikyeri sha Ruwa-pfo, indi sha wandu.”

Matayo 17:27

Kyaindi kundu lulachewawutia kyindo lukowawihiṟa, yenda ipalyipalyinyi undewiyitsa-pfo ndoana uwaṙe ikunga lyilya lyawoneka kuwooka, na kotambaṟuo ṙumbu lyalyo nowona shekyelyi yetaa ukamba lo hekalu. Ṙuo iyo undewaenengyia kyipfa kyako na kyipfa kyapfo.”

Matayo 18:8

Kyasia kuwoko kopfo ang'u kuṙende kopfo kukokutewe; ṙumbuo kuwoko-ko ang'u kuṙende-ko uwiyitse kuleshi na iyoe. Nyi nanga iiṙa na moonyi o mlungana ulawoṙe kuwoko ang'u kuṙende, kuta iwaṙa mawoko gawi na maṙende gawi, na iwiyitso moṙonyi o mlungana.

Matayo 22:13

Mangyi kawia waṟundi, ‘Mpfungyenyi mawoko na maṙende, mṙuonyi mundemmbiyitsa meemenyi o nja. Nyipfo kochiwaṙa ṟanyi na ilya ngakuru.

Matayo 25:20

Ulya aleambilyia talanta tsitaanu kacha kaende talanta tsingyi tsitaanu, echigamba, ‘Mndumii, nulekooma koko talanta tsitaanu; aitsi talanta tsingyi tsitaanu ndewona ho kyiira.’

Matayo 26:31

Naaho-ng'u Yesu kawawia, “Nyoe moose mochiwihiyo kyipfa kyako kyio-kyi; cha kyipfa kyikyiṟeie, ‘Ngyechiwaaga mlyisi, na moondo ga poo gechinyanyaṟika.’

Matayo 5:22

Kyaindi inyi ngammbia, orio mndu mokapo nyi nyashi kyipfa kya mono-wamae kyimmbaṟi ianduyo. Na mndu molahia mono-wamae, kyimmbaṟi iṙeṙio moondu. Na mndu kamlaga tondo, kyimmbaṟi ngyehena ya moṙo.

Matayo 5:29

Riso lyapfo lya kulyoe lyikakutewe, lyikuluoe ulyiwiyitse kuleshi na iyoe; kyipfa kyikuwaṟi kyoonyi kyapfo kyimwi kyiṙekye kundu mmbiu opfo oose ulawiyitso ngyehenenyi.

Mariko 9:43

Na kuwoko kopfo kukokutewe, ṙumbuo kuwoko-ko. Nyi nanga iiṙa na moonyi o mlungana uwoṙe kuwoko kumwi, kuta iwaṙa mawoko gawi na iyenda ngyehenenyi, kundu kuwoṙe moṙo ulekyeruma; [

Luka 12:5

Kyaindi ngyemmbia mochimwowuo. Owuonyi ulya akyeri kye kammbaaga mndu nechiiṙima immbiyitsa Ngyehenenyi. Yee ngyimmbia, owuonyi icho.

Luka 17:2

Nanga mndu-cho awepfungyio ikyesa nzingonyi kokye, nandewiyitso ipalyipalyinyi, kuta itewe umwi o iwa watutu.

Waroma 9:33

chandu kyileṟeio, “Ngyiwika Sion igoe lyekyeenenga wandu ikapa ṙende na iṟaṟa lyekyeolotsa. Na orio echimwiṙikyia echirigo nyi sonu-pfo.”

1 Wakorinto 8:13

Koikyo kyelya kyikatewe mono-wama oko nanyamaṟe, loi ngyechilya nyama mṟasa mlungana-pfo, ngyilachetewe mono-wama oko nanyamaṟe.

Wagalatia 5:11

Na inyi, wana wa wama wako, kokooya ngyionguo mbonyi tsa iṙino, ny'kyilyi ngyilyiso wukyiwa mṟasa wulalu? Kokooya ngyiweionguo kuṙo ilosha lyako kye Kristo nalepfa msalabenyi lyiwewa lya wulya.

1 Petiro 2:8

Lyingyi-se, “Ilyi nyi igoe lyeenenga wandu ikapa ṙende, na iṟaṟa lyeolotsa wandu.” Cha kyipfa kui Ṙeṙo lyilya wekyekapa ṙende, walalyiiṙikyie nawo walewiko ho kundu waambilyie shindo sha mbaṟe-yo iyo.