Matayo 5:3 - Kivunjo New Testament 1999

³ “Wagusu iwo wawoṙe wukyiwa wo mrima; kyipfa Wumangyi wo ruwewu nyi wowo.

Matayo 5:3 ပူးပေါင်းရင်းမြစ်များ

Matayo 11:25

Kyiyeri kyilya Yesu kagaluo, kagamba, “Ngakuana, Awu, Mndumii o ruwewu na uruka, kyipfa shindo-shi ulekunda ishitambuluya wawoṙe wuṟango-pfo, kyaindi kotambuluya wana watutu.

Matayo 11:6

Agusu orio mndu alammbihie kyipfa kyako.”

Matayo 13:16

“Kyaindi, agusu meso ganyu, cha kyipfa gawonyi; na maṙwi ganyu, cha kyipfa gaiicho.

Matayo 19:14

Kyaindi Yesu kagamba, “Lekyenyi wana watutu wache na koko; maa mulawashingyie; cha kyipfa wafananyi na iwo, Wumangyi wo ruwewu nyi wowo.”

Matayo 24:46

Agusu mṟundi ulya, mndumii okye echicha namkooye ewuta kuṙo.

Matayo 25:34

Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Matayo 3:2

“Ṙumbuyenyi wunyamaṟi; kyipfa Wumangyi wo ruwewu womshika kufuhi.”

Matayo 8:11

Na inyi ngammbia, kye wafoi wechicha iwuka ura lo ngamenyi na ura lo kyukonyi, nawo wechiṙamia hamwi na Abrahamu, na Isakyi, na Yakobo Wumangyinyi wo Ruwewu;

Mariko 10:14

Indi Yesu kyiyeri alewona kasuo mnu, kawawia, “Lekyenyi wana watutu wache na koko, mulawashingyie-pfo; cha kyipfa wana cha iwa Wumangyi wo Ruwa nyi wowo.

Luka 11:28

Kyaindi oe nalegamba, “Nanga, wagusu walya wekyeicho Ṙeṙo lya Ruwa na iosha shilya lyikundi.”

Luka 18:14

Ngyimmbia, ichu nalesoka iyenda kanyi kokye amtalyie wusumganyi kuta ulya; cha kyipfa orio mokung'anyisa nechititiṟo, na ulya mokutitiṟa neching'anyiso.”

Luka 22:29

Chandu alengyienenga inyi Wumangyi, na wuṙo ngyechimuenenga nyoe Wumangyi;

Luka 22:30

muiṙime ilya na inyo mesenyi yako Wumangyinyi woko; na iṙamia shitimenyi sha mng'ano, kunu mochianduya wandu wa mbaṟe ikumi na tsiwi tsa Isiraelyi.”

Luka 4:18

“Mumuyo o Mndumii nai wuye yako, kyipfa nalengyishumbuo iongoya wakyiwa mbonyi ngyicha nalengyiṙuma iongoya wapfungo kya ilekyio lyawo, na shipfupfuṟe iiṙima iwona-se. Na iashuo walya wawailame.

Yohane 20:29

Yesu kammbia, “Iyoe, kyipfa ongyiwona, noiṙikyia. Wagusu walya walawonyi kyaindi wakaiṙikyia.”

Yakobo 1:10

na mnjama nachihiyo kyipfa nasotso; cha kyipfa nechiṙeka cha kyiwaṟo kya maṟa.

Yakobo 1:12

Agusu mndu ekyekarishia shiyesho; cha kyipfa kamwiṙikyio neambilyia wori wo moo, wulya Mndumii aṟeyeṟie walya wamkundi.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

Ulogo 19:9

Na oe kangyiwia, “Ṟeia, wagusu walya wawalage na shelyenyi sha wolyi wo Kyiondo kya Ruwa.” Kangyiwia, “Maṙeṙo-ga nyi mbonyi tsa loi tsa Ruwa.”

Ulogo 22:14

Wagusu walya wekyesanja nguwo tsawo, wawaṙe momu o yenda halya-ndu ikyiṙi-lyo lya moo lyikyeri, na iiṙa na mṟinyi kui moongo yalyo.

Ulogo 3:17

Cha kyipfa nuigamba, inyi nyi mnjama, ngyiwoṙe wunjama, maa ngyiuṟie kyindo kyoose-pfo; na iyoe uichi kye iyoe nyi mndu mfafa, na moilacha-ilacha makusaṟo, na mkyiwa, na kyipfupfuṟe, na mndu ukyeri kyiṟanguoe-pfo.