Matayo 5:28 - Kivunjo New Testament 1999

²⁸ Kyaindi inyi ngammbia orio mndu aambuya mndu mka kui imlanga, amumṟuguya ipfo mrimenyi kokye.

Matayo 5:28 ပူးပေါင်းရင်းမြစ်များ

Matayo 15:19

Cha kyipfa mrimenyi kokyewuka makusaṟo mawicho, uwaagi, wuṟui, wuiwi, wuṟingyishi wo wongo, na shilahio.

Matayo 5:22

Kyaindi inyi ngammbia, orio mndu mokapo nyi nyashi kyipfa kya mono-wamae kyimmbaṟi ianduyo. Na mndu molahia mono-wamae, kyimmbaṟi iṙeṙio moondu. Na mndu kamlaga tondo, kyimmbaṟi ngyehena ya moṙo.

Matayo 5:39

kyaindi inyi ngammbia, mulawingane na mndu mmbicho; kyaindi mndu akukapa nguchu ya ura lo kulyoe, mgalutsie na nguchu ya kawi.

Waroma 7:14

Cha kyipfa luichi kye uwawaso mawookyionyi galo nyi mrimenyi; indi inyi nyi mndu o mmbiunyi, ngyimchilyie nyi wunyamaṟi.

2 Petiro 2:14

Wawoṙe meso gaichuo wuṟui, wandu walekyeṙa iwuta wunyamaṟi, wekyelemba mrima ilangyikarishe, wawoṙe mrima ingyiichiwiṟe ilanga, wana wa seso.

1 Yohane 2:16

Orio kyindo kyikyeri wuyanenyi, lango tsa mmbiu, na lango tsa meso, na moo okyeenenga wandu ikushela, shekyewuka ko Awu-pfo, indi shekyewuka wuyanenyi.