Matayo 5:22 - Kivunjo New Testament 1999

²² Kyaindi inyi ngammbia, orio mndu mokapo nyi nyashi kyipfa kya mono-wamae kyimmbaṟi ianduyo. Na mndu molahia mono-wamae, kyimmbaṟi iṙeṙio moondu. Na mndu kamlaga tondo, kyimmbaṟi ngyehena ya moṙo.

Matayo 5:22 ပူးပေါင်းရင်းမြစ်များ

Matayo 10:17

Kuṟiisenyi na wandu cha kyipfa wechimṙuo mengyenyi, na masinagoginyi gawo wechimkapa.

Matayo 10:28

Mulaowuoe iwo waiwaaga mmbiu, walaiṙime iwaaga na mrima. Nanga moowuo ulya echiiṙima irumatsa mmbiu na mrima taa ngyehenenyi.

Matayo 12:24

Kyaindi lyilya Mafarisayo waleicho, walegamba, “Ichu naifuna waṟufui wawicho kui pfinya tsa ang'anyi o waṟufui wawicho.”

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Matayo 18:21

Numa ya iho Petiro kayenda kokye kammbia, “Mndumii, mono-wama oko nangyiṙekyio kyenga na inyi ngyimhooṟie? Nyi ka mfungaaṙe ngyesa?”

Matayo 18:35

Na wuṙo Awu-yoko a ruwewu echimmbutia nyoe, mulandehooṟie kui mrima yanyu orio mndu mono-wamae.”

Matayo 23:15

“Ochia lonyu walosha wa mawawaso na Mafarisayo, wakulembecheṟi! Cha kyipfa mokyetenga-tenga mapalyipalyinyi na urukyenyi lugaṙutsu kundu mugaluoe mndu umwi nawaṙe iiṙikyia, na kammboneka, mokyemgaluo kawa mana o ngyehena ammbicho kuta nyoe kawi.

Matayo 23:33

Nyoe njoka, wana wa manjoka, moṙicha kuṙa ngapo ya ngyehena?

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Matayo 26:59

Kyasia wang'anyi wa makohanyi na mengye yoose wakapfula wandu weṟingyishia Yesu shindo sha wongo, waiṙime immbaaga;

Matayo 3:17

Na ṟui lyiwukyie ruwewu lyikagamba, “Ichu nyi Mana oko, mkunde oko, ngyimchihiye kyipfa kyakye.”

Matayo 5:34

Kyaindi inyi ngammbia, molalye nyamu maa ale; maa kui ruwewu, kyipfa ikyo nyi kyiṙi kya Ruwa kya wuchilyi.

Matayo 5:44

Kyaindi inyi ngammbia, kundenyi washituwa wanyu, terewienyi walya waimpfulutsa nyashi;

Mariko 14:55

Kyasia wang'anyi wa makohanyi na woose halya mengyenyi wakapfula wuṟingyishi waiṙime iwaaga Yesu; walawone.

Mariko 15:1

Na kyiyeri kulekya wang'anyi wa makohanyi walewaṙa kyisanzionyi hamwi na wasongoru wa wandu na walosha wa mawawaso na mengye yoose, wakapfunga Yesu, wakamṙuo mbele ya Pilato.

Luka 12:5

Kyaindi ngyemmbia mochimwowuo. Owuonyi ulya akyeri kye kammbaaga mndu nechiiṙima immbiyitsa Ngyehenenyi. Yee ngyimmbia, owuonyi icho.

Luka 22:66

Kyiyeri kulekya, wasongoru wa wandu walewaṙa kyisanzionyi na wang'anyi wa makohanyi, na walosha wa mawawaso, wakamwende na mengyenyi kowo, wechigamba,

Yohane 11:47

Kyasia wang'anyi wa makohanyi na Mafarisayo wakalaga wandu na mengyenyi, wakagamba, “Ny'kyikyi luiwuta? Kyipfa mndu-chu naiwuta shindo shifoi sha maṟiyisho.

Yohane 15:25

Kyaindi kundu kyindo kyilya kyikyiṟeie uwawasonyi lowo kyiafukyie, kyindo kyigambie, ‘Walengyisuo wulya.’

Yohane 7:20

Wandu wawesanzie halya wakagaluo, wakagamba, “Loi, nuwoṙo nyi mṟufui mmbicho! Nyi wui akundi ikuwaaga?”

Yohane 8:48

Wayuda wakagaluo, wakammbia, “Ngyesa soe luigamba loi kye iyoe nyi mndu o Samaria, na iyoe nuwoṙo nyi mṟufui mmbicho-pfoe?”

Mawuto Ga Wasu 17:18

Na wandu waata wawekyelosha malosho ga Waepikureo na Wastoiko, wakagaluana na oe. Wengyi wakagamba, “Tondo-lyi lyikundi igamba kyi?” Wengyi wakagamba, “Nai cha mndu aionguo mbonyi tsa waruwa wengyi, cha kyipfa naweionguo mbonyi tsa Yesu na iṟutso lya wapfu.”

Mawuto Ga Wasu 22:30

Ilya-ngama, ang'anyi ulya o asikari wa shiṙa akundi imanya wuloi, nyi kyikyi kyileenenga Wayuda igamba kye Paulo nammbicho, kampfunguo, kawia wang'anyi wa makohanyi na wandu woose wa mengyenyi wasanzie handu hamwi. Kaende Paulo, kammbikyia mbele yawo.

Mawuto Ga Wasu 23:1

Paulo kaitukuya wandu walya wa halya mengyenyi karii, kagamba, “Wana wa wama wako, inyi kui mrima muyendelyi nakamwi ngyilekaa mbele ya Ruwa mṟasa inu.”

Mawuto Ga Wasu 24:20

Ang'u wandu-wa wawenyi wagambe, nyi ṙeko lyiha walelyiwona koko kyiyeri ngyilegoṟoka mengyenyi,

Mawuto Ga Wasu 4:15

Wakawawia wawukye halya mengyenyi, wakachila wawenyi

Mawuto Ga Wasu 5:21

Nawo kyiyeri waleicho wakayenda hekalunyi ngamenyi utuko, wakawooka ilosha. Mkohanyi ulya ang'anyi kuta woose kacha na walya wawekyeri hamwi na oe, wakalaga wandu na mengyenyi, na wameeku woose na wana wa Isiraelyi, wakaṙuma wandu kulya kyipfungonyi kundu waende wasu walya.

Mawuto Ga Wasu 5:27

Kyiyeri walewaende wakawawikyia halya mengyenyi. Mkohanyi ulya ang'anyi kuta woose kawawesa, echigamba,

Mawuto Ga Wasu 6:12

Kui igamba kuṙo wakaende kyituṟu wandunyi na wameeku na walosha wa mawawaso. Wakayenda kokye, wakammbaṙa, wakamṙuo mengyenyi.

Mawuto Ga Wasu 6:15

Wandu woose waweṙamie halya mengyenyi wakamwitukuya karii, wakawona kyaam kyakye kyikyeri cha kyaam kya kya malaika.

Mawuto Ga Wasu 7:37

Mose-cho nyi oe alewia Waisiraelyi, ‘Mndumii Ruwa onyu nechiwasambuṟia moonguo shisuku, kyiiṙi kya wana wa wamanyu, cha inyi; mwaṙanyienyi oe.’

Waroma 12:10

Kui ikunda lya mono-wama, mukundane nyoe wenyi ko wenyi; kui kyiṟumi mochisongoṟa woṙianyu.

1 Wakorinto 6:10

maa mbafu, maa wawoṙe wulanga, maa wekyenango, maa wekyelahia, maa wasokyi.

1 Wakorinto 6:6

Indi mokyeṙuana mengyenyi, wandu muiṙikyie Ruwa, mbele ya walya walaiṙikyie Ruwa.

1 Watesalonikye 4:6

Mndu alalembe oṙoe maa imṙekyio kyiiṙi kya kyindo-kyi-pfo; cha kyipfa Mndumii nyi oe ekyetaa kyiṟaache kya ishi shoose; chandu lulemmbia kuwooka, lukoṟingyishia mnu.

Tito 3:2

Walalahie mndu oose, walaluyane, wawe wandu wekyewuta kyilya kyikyicha, wechiloṟa wuhoo woose ko wandu woose.

Waebrania 12:25

Ambuyenyi mulalege ulya ekyeonguo. Kyipfa kokooya walalekyia walya walelega ulya alewaikyimbia urukyenyi, ngoseṟa mnu lochikyia soe lukokushowa na ulya ekyeluikyimbia ai ruwewu-pfo.

Waebrania 5:9

Na oe amṟingyishio kye naafutsio, kawa ulya ekyekyiṟa wandu mlungana ko wandu woose wekyemwindia.

Yakobo 2:20

Kyaindi nukundi imanya, iyoe mndu ulai kyindo, kye iiṙikyia lyilawoṙe mawuto lyiwoṙe ndunda-pfo?

Yakobo 3:6

Na ulumi nyi moṙo; wuyana wulya wo wunyamaṟi, ulumi lulya, lulewiko shiwungonyi shaṙu, nalo nyilo lokyefanyiṟa mmbiu oose. Lokyeatsa moṙo ulya uwukyie Ngyehenenyi na ilurumatsa piu.

1 Petiro 2:23

Oe kyiyeri alelahio, alelahia-pfo; kyiyeri alelyiso wukyiwa, aletaa kyiṟaache-pfo; indi nalekuṙambika ko ulya ekyeanduya kui wusumganyi.

1 Petiro 3:9

Wandu mulekyetaa kyiṟaache ang'u ilahia ulya amulahia indi wandu wekyewikyia mboṟa; cha kyipfa isho nyisho mulelagio kundu muoṟe mboṟa.

1 Yohane 2:9

Ulya aigamba kye nakyeri ngyeelenyi, na oe nasuuye mono-wama okye, nakyeri meemenyi mṟasa wulalu.

1 Yohane 3:10

Kyipfa kya ikyo wana wa Ruwa waichio na pata, na wana wa Mokyiriinzi taa. Mndu oose alekyewuta sha wusumganyi awukyie ko Ruwa-pfo, maa ulya alakundi mono-wama okye.

1 Yohane 5:16

Mndu kawona mono-wama okye ewuta kyindo kyiwicho kyilekyeende upfu, neterewa Ruwa, na Ruwa nechimwenenga moo. Moo-cho nyi ko walya wekyewuta shindo shiwicho shilekyeende upfu. Kuwoṙe kyindo kyiwicho kyekyeende upfu. Ngyigamba kye nechiterewa Ruwa kyipfa kya ikyo-pfo.

Yuda 1:9

Kyaindi Mikaelyi, malaika ang'anyi, kyiyeri alewingana na Mokyiriinzi, na igaluana na oe kyipfa kya mmbiu o Mose, alekaria imshitakyi-pfo, indi nalegamba, “Mndumii nakuṟoṟome.”

Ulogo 20:14

Upfu na Halya-ndu wapfu wekyekaa shikawiyitso iruwenyi lya moṙo. Ilu nyilo upfu lo kawi, iruwa-lyo lya moṙo.