Matayo 5:19 - Kivunjo New Testament 1999

¹⁹ Kyasia mndu oose echinyamaṟa iwawaso lyimwi kyiiṙi kya iga gai matutu, na ilosha wandu kuṙo, nechilago mtutu kuta woose Wumangyinyi wo ruwewu; kyaindi mndu echigaosha na igalosha, icho nechilago ang'anyi Wumangyinyi wo ruwewu.

Matayo 5:19 ပူးပေါင်းရင်းမြစ်များ

Matayo 11:11

Ny'kyaloi, ngammbia kulandewaṙe mndu kyiiṙi kya walya wawafee nyi waka akyeri ang'anyi kuta Yohane Mpatisi-pfo. Kyaindi akyeri mtutu Wumangyinyi wo ruwewu nyi nang'anyi kuta oe.

Matayo 19:28

Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Matayo 20:26

Kyaindi kyechiwa kuṙo konyu-pfo. Mndu oose akundi iwa ang'anyi konyu, na nawe mṟundi onyu;

Matayo 28:20

na iwalosha iosha shoose ngyilemmbi nyoe. Na inyi ngyikyeri na nyoe mfiri yoose, mṟasa mafurumionyi ga wuyana.”

Luka 1:15

Kyipfa nechiwa ang'anyi mbele ya Ruwa. Echinyo mpfinyo maa kyindo kya wunanzi-pfo; na oe nechiichuṟo nyi Mumuyo Mweele wookyia wosinyi ko wamae.

Luka 11:42

“Indi ochia lonyu, Mafarisayo, cha kyipfa mokyewuta shiano shishiwawase na mboka tsa maṟa tsa orio mbaṟe, na kunu mochiṙa shilya shiwaṟi, na ikunda lya Ruwa. Kyamukooya iwuta isho sha kuwooka kulawoṙe iṙa isho sha kawi.

Luka 9:48

kawawia, “Mndu oose echiambilyia mana-chu kui rina lyako nangyiambilyia inyi; na mndu oose echingyiambilyia inyi naambilyia ulya alengyiṙuma. Kyipfa ai mtutu kyiiṙi kyanyu moose icho nyi oe ang'anyi.”

Mawuto Ga Wasu 1:1

Tofilo Mkunde, kyitapu kyilya kya kuwooka ngyilekuṙikyia ngyileṟeia mbonyi tsa shindo shoose Yesu alewuta na ilosha.

Waroma 3:8

Kyitewe ny' kyi lulagambe (chandu luleirio, na chandu wengyi waigamba na pfinya kye kyi wuṙo luigamba), luwute shiwicho kundu kuche mecha? Ruwa nechiwaolotsia ngapo chandu wawaṟi iwutio.

Waroma 6:1

Kyasia lugambe kyikyi-ng'u? Lukae wunyamaṟinyi kundu isaṟia lyiengyeṟe ifo?

Waroma 6:15

Kyasia ny'kyikyi-ngu? Luwute wunyamaṟi kyipfa lulawachilyie nyi mawawaso indi isaṟia? Ote!

1 Timoteo 6:11

Indi iyoe mndu o Ruwa, uṙiche shindo-sho; uoshe wusumganyi, iowuo na ikunda Ruwa, iiṙikyia, ikunda, wusimiri, na wuhoo.

Tito 3:8

Nyi kyindo kya loi; na shindo-sho ngyikundi ushionguo na pfinya, kundu walya waleiṙikyia Ruwa wakumbuo ikaa mawutonyi mecha. Isho shishicha; lyingyi-se shiwoṙe kyiira ko wandu.

1 Petiro 5:4

Na kyiyeri Mlyisi ang'anyi echiloṟo, mochiambilyia iṟikoso lya kyiṟumi, lyilya lyilekyenyamaṟika.

1 Yohane 3:4

Orio mndu ekyewuta sha wunyamaṟi, nawuta kyindo kyiwicho; cha kyipfa wunyamaṟi nyi kyindo kyiwicho.

Ulogo 2:20

Kyaindi ngyiwoṙe ṙeṙo kyipfa kyapfo, kye okyelega kyindo mndu mka ulya ekyelago Yesebelyi akundi-pfo. Ulya ekyegamba kye nyi moonguo shisuku na ilosha waṟundi wako na iwaṙetsa, kundu wawute shindo sha wuṟui na ilya shindo shaṙasio mafano.