Matayo 5:18 - Kivunjo New Testament 1999

¹⁸ Kyipfa, ny'kyaloi, ngammbia, mṟasa kyiyeri ruwewu na uruka shechiwuka ho, maa kyindo kyitung'tu kya mawawaso kyechiwuka ho-pfo, mṟasa shoose shiafukyie.

Matayo 5:18 ပူးပေါင်းရင်းမြစ်များ

Matayo 10:15

Ny'kyaloi, ngammbia, kyechiwa kyaangu uruka lo Sodoma na Gomora ihooṟio maṙeko mfiri ulya o ianduyo kuta mṟi-cho.”

Matayo 10:23

Kyaindi ilyi wechimfuna mṟinyi umwi, ṙichilyienyi mṟinyi ungyi. Cha kyipfa nyi loi ngammbia mochimarisa ionguo mbonyi mṟinyi ya Isiraelyi Mono-Adamu alacha-pfo.

Matayo 10:42

Na orio mndu echirutsa umwi o iwa watutu mṟinga uichololyia, kyipfa nyi manalosho, ny'kyaloi, ngammbia, wori wokye wochiṙeka maa ale-pfo.”

Matayo 11:11

Ny'kyaloi, ngammbia kulandewaṙe mndu kyiiṙi kya walya wawafee nyi waka akyeri ang'anyi kuta Yohane Mpatisi-pfo. Kyaindi akyeri mtutu Wumangyinyi wo ruwewu nyi nang'anyi kuta oe.

Matayo 13:17

Cha kyipfa, ny'kyaloi, ngammbia, weonguo shisuku wafoi na wasumganyi walelanga iwona ishi mushiwonyi nyoe, walashiwone; na iicho ishi muicho nyoe walashiicho.”

Matayo 16:28

Ny'kyaloi ngammbia, hawoṙe wandu kyiiṙi kya iwa wagoṟokyie iha, walechiwona upfu maa ale mṟasa kyiyeri wechiwona Mono-Adamu echicha Wumangyinyi wokye.”

Matayo 17:20

Yesu kawawia, “Kyipfa kya wufofo wo iiṙikyia lyanyu. Cha kyipfa, ny'kyaloi, ngammbia, mukowaṙa iiṙikyia lyishikyie cha mbeu ya haradalyi mochiwia fumvu-lyi, ‘Wuka iha uyende kulya;’ nalyo lyechiwuka ho; maa kochiwaṙa kyindo kyilechiiṙimika konyu-pfo. [

Matayo 18:18

“Ny'kyaloi, ngammbia, shoose mochishipfunga wuyanenyi shechiwa shishipfungye ruwewu; na shoose mochishipfunguo wuyanenyi shechiwa shishipfunguoe ruwewu.

Matayo 18:3

kagamba, “Ny'kyaloi, ngammbia, mulandegalukye na iwa cha shiwana shitutu, mochiiṙa maa ale na Wumangyinyi wo ruwewu-pfo.

Matayo 19:23

Yesu kawia wanalosho wakye, “Ny'kyaloi, ngammbia kye kyechiwa kyilemeri mnjama iiṙa na Wumangyinyi wo ruwewu.

Matayo 19:28

Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Matayo 21:21

Yesu kagaluo, kawawia, “Ny'kyaloi, ngammbia, mukowaṙa iiṙikyia, mulandewe wandu weilacha-ilacha kyilya moiṙikyia, mochiṟunda chi ilyo lya mfumu tupu-pfo, kyaindi maa mukowia fumvu-lyi, ‘Kuluka, uwiyitso ipalyipalyinyi,’ kyechiṟundika.

Matayo 21:31

Ngyesa kyiiṙi kya iwo wawi nyi uha aleṟunda kyilya awuye akundi?” Wakammbia, “Nyi ulya o kawi.” Kyasia Yesu kawawia, “Ny'kyaloi ngammbia, wesania ukamba na maṟai waimusongoya iiṙa na Wumangyinyi wo Ruwa.

Matayo 23:36

Ny'kyaloi, ngammbienyi, ngapo-tso tsoose tsechiolokyia rika-lyi.

Matayo 24:2

Na oe kagaluo, kawawia, “Muwonyi ishi shoose? Ny'kyaloi, ngammbia, hechitsugaa igoe wuye ya igoe lyingyi lyilechiolotso-pfo.”

Matayo 24:47

Ny'kyaloi, ngammbia, nechimwenenga ichilyia shindo shakye shoose.

Matayo 25:12

Kagaluo kagamba, ‘Ny'kyaloi, ngammbia, ngyimuichi nyoe-pfo.’

Matayo 25:40

Na Mangyi nechigaluo, echiwawia, ‘Ny'kyaloi ngammbia, chandu mulewutia umwi o wana wa wama-wo wako wai watutu, mulengyiwutia inyi.’

Matayo 25:45

Na oe newagaluo, echigamba, ‘Ny'kyaloi, ngammbia, chandu mulalewutia umwi o iwo wai watutu, mulengyiwutia inyi-pfo.’

Matayo 5:26

Ny'kyaloi, ngakuwia, ochiwuka pfo maa ale-pfo mṟasa umarise itaa helo iya ya mafurumionyi.”

Matayo 6:16

“Ngoseṟa kyiyeri moṙumbuo ikuretekyia kundu muṟumishe Ruwa, mulawe cha wakulembecheṟi wawoṙe shaam shiwoṙe nzineeri. Kyipfa wekyenyamaṟa shaam shawo, kundu wawono nyi wandu kye wailya maa inyo-pfo. Ny'kyaloi ngammbia, wamuambilyia wori wowo.

Matayo 6:2

Kyasia kyiyeri-kyo uienengyia kyiano kyesaṟia molakushele, chandu wakulembecheṟi wekyewuta ipfo masinagoginyi na njienyi, kundu waṟumisho nyi wandu.

Matayo 8:10

Kyiyeri Yesu aleicho isho, naleṟiyio, kawia walya waweimwosha, “Ny'kyaloi ngammbia, ngyilandewone iiṙikyia lying'anyi kuṙi, ko mndu oose kunu Isiraelyi-pfo.

Mariko 10:15

Ny'kyaloi ngammbia, orio oose alechiiṙikyia Wumangyi wo Ruwa cha mana mtutu echiiṙa napfo maa ale-pfo.”

Mariko 10:29

Yesu kagamba, “Ny'kyaloi, ngammbia, kuwoṙe mndu aleṙa numba, ang'u wana wa wama wa kyisoṟo, ang'u washikyi, ang'u mama, ang'u awu, ang'u wana, ang'u maṙema kyipfa kyako, na kyipfa kya Ndumi Ngyicha-pfo,

Mariko 11:23

Ny'kyaloi ngammbia, orio oose echiwia fumvu-lyi, kuluka undewiyitso ipalyipalyinyi, maa alawe moilacha-ilacha kyilya aiṙikyie mrimenyi, indi naiṙikyie kye isho agamba shaafukyia, shechiwa kuṙo.

Mariko 12:43

Kalaga wanalosho wakye, kawawia, “Ny'kyaloi ngammbia, mkusu-chu mkyiwa nawika ngoseṟa kuta woose waiwika handu-ha hewika heleri;

Mariko 13:30

Ny'kyaloi, ngammbia, rika-lyi lyechiiṙa-pfo, mṟasa isho shoose shiafukyie.

Mariko 14:18

Kyiyeri waweilya, Yesu nalegamba, “Ny'kyaloi, ngammbia, umwi onyu, na oe nailya hamwi na inyi nechingyiṟiinga.”

Mariko 14:25

Ny'kyaloi, ngammbia nyoe, ngyechinyo-se mpfinyo-pfo, mṟasa mfiri ulya ngyechiunyo uhya Wumangyinyi wo Ruwa.”

Mariko 14:30

Yesu kammbia, “Ny'kyaloi, ngakuwia iyoe, inu, kyio-kyi, ilying'onyi lyilafuga kawi, nochingyikana kaṟaaṟu.”

Mariko 14:9

Ny'kyaloi, ngammbia, orio kyiyeri Ndumi Ngyicha yaongoyo wuyanenyi koose, ikyi ichu aṟunda kyechisendo imkumbuo.”

Mariko 3:28

Ny'kyaloi ngammbia, wandu wechihooṟio ngyuunyamaṟi tsoose, na ilahia Ruwa lyawo lyoose;

Mariko 6:11

Na handu hoose walandemuambilyie nyoe maa imuaṙanyia, kyiyeri mowuka ho, kute-kutenyi kyilulyi kyikyeri maṙendenyi ganyu, kundu wamanye wuwicho wo kyilya wawuta.”

Mariko 8:12

Kawona fowa mrimenyi kokye, kagamba, “Ny'kyilyi rika-lyi lyipfula kyiṟingyishio? Ny'kyaloi, ngammbienyi, rika-lyi lyechienengo kyiṟingyishio kyiwukyie ruwewu-pfo.”

Mariko 9:1

Kawawia, “Ny'kyaloi, ngammbia, kuwoṙe wandu kyiiṙi kya iwa wagoṟokyi iha, wechiwaṙa moo, mṟasa kyiyeri wechiwona Ruwa echichilyia.”

Mariko 9:41

Orio mndu echimrutsa nyoe kyiṙoo kya mṟinga, cha kyipfa nyoe nyi wandu wa Kristo, ny'kyaloi, ngammbia, easha wori wokye-pfo.”

Luka 11:51

wookyia samu ya Abelyi mṟasa samu ya Sakaria, ulya alewoogio kyiiṙi kya mesa ya Mndumii na hekalu. Yee, ngyimmbia kye rika-lyi lyechiweso samu-yo.

Luka 12:37

Wagusu waṟundi walya, kyiyeri mndumii owo echicha nawakooye walee kyiṙombo. Loi ngyimmbia, nekuinewa na iwaenenga kyelya, na iwaṟundia.

Luka 13:35

Moṙeeyo numba yanyu ilawoṙe mndu! Na inyi ngyimmbia, mochingyiwona-se maa ale-pfo mṟasa kyiyeri mochigamba, ‘Nammbikyie mboṟa ulya aicha kui rina lya Mndumii.’ ”

Luka 16:17

Kyaindi nyi kyaangu Ruwewu na uruka shiwukye ho, kuta kyindo kyitung'tu kya uwawaso kyechiwuka ho.

Luka 18:17

Kyaloi, ngyimmbia, mndu oose alandeambilyie Wumangyi wo Ruwa cha mana mtutu echiiṙa napfo maa kyitutu-pfo.”

Luka 18:29

Kawawia, “Ny'kyaloi ngyimmbia, kuwoṙe mndu aleṙa numba, ang'u mka, ang'u wana wa wamae, ang'u wafee, ang'u wana, kyipfa kya Wumangyi wo Ruwa,

Luka 23:43

Yesu kammbia, “Ny'kyaloi, ngakuwia, inu kuṙi nochikaa hamwi na inyi paradiso heonyonya mlungana.”

Luka 4:24

Kagamba, “Ny'kyaloi, ngammbia kye, kuwoṙe moonguo shisuku ekyeiṙikyio urukyenyi lokye amonyi-pfo.”

Yohane 1:51

Kammbia, “Loi, loi ngammbia, mochiwona mapuchi geseia na malaika wa Ruwa wechiṙooya na isokyia wuye ya Mana o Adamu.”

Yohane 10:1

Yesu nalewawia, “Ny'kyaloi, ngammbia, ulya alaiiṙa na mfiṟigenyi o moondo kui iiṙia moongonyi, kyaindi kaiṙia handu hengyi, icho nyi mbafu na oe nyi msokyi.

Yohane 10:7

Kyasia Yesu kawawia-se, “Ny'kyaloi, ngammbia, inyi nyi moongo o moondo.

Yohane 12:24

Ny'kyaloi ngammbia, mbeu ya nganu ilandeolokye terinyi, ikapfa, yekyekaa wuṙo chandu iwekyeri; indi ikapfa yekyekumbia ndunda tsifoi.

Yohane 13:16

Ny'kyaloi ngammbia, mtumo ang'anyi kuta mndumii okye-pfo; maa moṙiko ndumo ang'anyi kuta ulya amṙuma-pfo.

Yohane 13:38

Yesu kamgaluo, kammbia, “Ngyesa iyoe nochireka moo opfo kyipfa kyako? Ny'kyaloi ngakuwia, ilying'onyi lyechifuga ulangyikana kaṟaaṟu-pfo.”

Yohane 14:12

Ny'kyaloi ngammbia, ulya angyiiṙikyia inyi, shindo shilya ngyiwuta, na oe nechishiwuta; yee, na shing'anyi kuta isho nechiwuta cha kyipfa inyi ngyiyenda ko Awu.

Yohane 16:20

Ny'kyaloi ngammbia, nyoe mochilyia na ikapa ṟanyi, indi wandu wa wuyana wechichihiyo. Nyoe mochiwoṙo nyi fowa, kyaindi nyi fowa yanyu yechiwa sia.

Yohane 16:23

Lyingyi-se mfiri ulya mochingyiwesa kyindo kyoose-pfo. Ny'kyaloi ngammbia, mukoterewa Awu kyindo kyoose nechimuenenga kui rina lyako.

Yohane 21:18

Kagamba, “Ny'kyaloi, kakuwia, kyiyeri uwekyeri manakye, muwekyekuṟeyeṟa na iyenda kundu koose ukundi; kyaindi kyiyeri ochikuo, nochigoṟuo mawoko gapfo, na mndu ungyi nechikuwutia kyilya akunda na ikuṙuo kundu ulakundi.”

Yohane 3:11

Ny'kyaloi ngakuwia kye, kyilya lukyiichi lukyionguo, na kyilya lulekyiwona lukyiṟingyishia. Kyaindi maa wuṟingyishi woṙu muwuiṙikyia-pfo.

Yohane 3:3

Yesu kagaluo, kammbia, “Ny'kyaloi, ngakuwia, mndu alandefeo lya kawi echiiṙima iwona Wumangyi wo Ruwa-pfo.”

Yohane 3:5

Yesu kamgaluo, “Ny'kyaloi, ngakuwia, mndu alandefeo kui mṟinga na Mumuyo echiiṙima iiṙa na Wumangyinyi wo Ruwa-pfo.

Yohane 5:19

Kyasia Yesu kagaluo kawawia, “Ny'kyaloi ngammbia, Mana eiṙima iwuta kyindo amonyi sile kyilya awonyi Awu ewuta-pfo; cha kyipfa shoose ekyewuta oe, nyisho Mana ekyewuta.

Yohane 6:26

Yesu kawagaluo, kagamba, “Ny'kyaloi ngammbia, nyoe muingyipfula, chi kyipfa mulewona shiṟiyisho-pfo, indi kyipfa mulelya mkate iya mukoiguṙa.

Yohane 6:32

Yesu kawawia, “Ny'kyaloi ngammbia, ‘Chi Mose alewaenenga kyelya kyilya kya ruwewu-pfo, indi Awu oko naimuenenga nyoe kyelya kya loi kyiwukyie ruwewu.

Yohane 6:47

Ny'kyaloi ngammbia, ‘Ulya aiṙikyie nawoṙe moo o mlungana.’

Yohane 6:53

Naaho Yesu kawawia, “Ny'kyaloi ngammbia, mulandelye mmbiu o Mana o Adamu na inyo samu yakye, muwoṙe moo mrimenyi konyu-pfo.

Yohane 8:34

Yesu kawagaluo, kagamba, “Ny'kyaloi ngammbia, ‘Orio mndu ekyewuta wunyamaṟi nyi mtumo o wunyamaṟi.’

Yohane 8:51

Ny'kyaloi, ngammbia ‘Mndu kaosha kyilya malosho gako gagamba mrima okye ochiwaṙa moo mlungana.’ ”

Yohane 8:58

Yesu kawawia, “Ny'kyaloi ngammbia, Abrahamu alafeo, inyi ngyikyeri pfo.”

1 Petiro 1:25

Indi Ṙeṙo lya Mndumii lyechikaa mlungana.” Na Ṙeṙo-lyo nyi mbonyi tsilya ngyicha tsileongoyo konyu.

Ulogo 20:11

Numa ya iho ngawona kyitima kya mng'ano, kying'anyi kya uwiṟo, na oe akyiṙamilyie; ulya uruka na ruwewu shileṙicha iwuka mbele ya kyaam kyakye, na handu shiwekyeri halewono-pfo.