Matayo 5:16 - Kivunjo New Testament 1999

¹⁶ Na wuṙo ngyeela yanyu ilyimikye mbele ya wandu, waiṙime iwona mawuto ganyu mecha, waṟumishe Awu-yonyu akyeri ruwewu.”

Matayo 5:16 ပူးပေါင်းရင်းမြစ်များ

Matayo 23:5

Lyingyi-se mmbutie yawo yoose nyi kundu wawono nyi wandu; cha kyipfa shichonyi-sho shishiṟeie maṙeṙo ga Ruwa wekyeṟaa shaamunyi shawo na mawoko nyi shing'anyi mnu, na makyechu ga mkoṟoṟi yawo gangyilesheṟe mnu.

Matayo 23:9

Maa mulalage mndu awu wuyanenyi, kyipfa Awu-yonyu nyi umwi, ai o ruwewu.

Matayo 5:45

kundu muiṙime iwa wana wa Awu-yonyu akyeri ruwewu. Kyipfa oe nekyeenenga mmbaṟi okye wawicho na wecha, nekyeolotsia mvuo wasumganyi na walai wasumganyi.

Matayo 6:16

“Ngoseṟa kyiyeri moṙumbuo ikuretekyia kundu muṟumishe Ruwa, mulawe cha wakulembecheṟi wawoṙe shaam shiwoṙe nzineeri. Kyipfa wekyenyamaṟa shaam shawo, kundu wawono nyi wandu kye wailya maa inyo-pfo. Ny'kyaloi ngammbia, wamuambilyia wori wowo.

Matayo 6:9

Kyasia nyoe terewenyi kuṙi, ‘Awu-yoṙu ukyeri ruwewu, Rina lyapfo lyitano lyiele,

Matayo 9:8

Kyiyeri wuingyi wo wandu wulemmbona, walewoṙo nyi wuowu, wakang'anyisa Ruwa, aleenenga wandu wuchilyi wo mbaṟe-i.

Luka 11:2

Kawawia, “Kyiyeri muiterewa, gambenyi ‘Awu [oṙu ukyeri ruwewu], rina lyapfo lyitano lyiele, Wumangyi wopfo wuche, [kyindo ukundi, kyiṟundikye iha wuyanenyi cha ipfo ruwewu.]

Yohane 15:8

Kuṙo Awu oko neching'anyiso, kyipfa muikumbia ndunda tsifoi mnu; na nyoe mochiwa wanalosho wako.

Mawuto Ga Wasu 9:36

Na kulya Yafa kuwewoṙe manalosho umwi ekyelago Tabita (kyimwi na igamba Dorikasi ang'u moṟinyi). Mndu mka-chu nawewoṙe mawuto mecha na ienengyia shienengo shetarama wakyiwa.

1 Wakorinto 14:25

Shiṟika sha mrima okye shechimanyika; na kuṙo nechiterewa na iana Ruwa, echioloka na ndewu, na igamba kye Ruwa nakyeri konyu loi.

2 Wakorinto 9:13

Cha kyipfa mukoyesho kui iṟunda-lyo, waiṟumisha Ruwa kyipfa kya wuindi wonyu kui iṟingyishia Ndumi Ngyicha ya Kristo, na kyipfa kya ilekyia lyanyu mulewaambutsia wo na wandu woose.

Wagalatia 1:24

Wakaṟumisha Ruwa kyipfa kyako.

Wafilyipi 2:10

Kyipfa nyi wuṙo luwagumbe, lulegumbo kyiiṙi kya Kristo Yesu, luwute mawuto mecha, igo wookyia kacha Ruwa alegaṟeyeṟa kundu luwute luṙo.

Wafilyipi 5:8

Cha kyipfa kacha nyoe muwekyeri meema, indi wulalu mowa ngyeela kyiiṙi kya Mndumii. Wutenyi cha wana wa ngyeela;

1 Watesalonikye 2:12

kundu mkaṟo yanyu iṙuane na chandu Ruwa akundi, ulya ekyemulaga nyoe kundu muiṙe na Wumangyinyi wokye na kyiṟumi kyakye.

1 Timoteo 2:10

indi kui mawuto mecha, chandu kyiwaṟi waka wekyeloṟa kye waowuye na ikunda Ruwa.

1 Timoteo 5:10

Na oe naṟingyishio kye nawoṙe mawuto mecha; kokooya naleambuya na iṙosa wana necha, kokooya naleambilyia wayenu, kookoya nalekutitiṟa mṟasa kaanguo wandu wa Ruwa maṙende, kokooya naletarama wandu wailyiso wukyiwa, kokooya nalewika wuragari iṟundenyi lyicha.

1 Timoteo 5:25

Na wuṙo mawuto mecha gawonio na pata; maa kokooya galawonio nyi wandu chi kyindo kyeiṙima ikuṟiika-pfo.

1 Timoteo 6:18

Wawute shindo shicha, wawe wanjama kui iwuta wucha, waenengyie masaa gawo, wakae na wandu wengyi kui mrima;

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Tito 2:7

shindonyi shoose, iyoe kumonyi ochiloṟa mfano o mawuto mecha, na maloshonyi gapfo ochiloṟa wuloi na kulawoṙe temo,

Tito 3:14

Wandu waṙu nawo wakuloshe iwuta shindo shicha orio kyiyeri, ko shindo shilya shiwaṟi tikyi; walacheewa wandu waiṟunda wulya.

Tito 3:4

Kyaindi wucha wo Mkyiṟa oṙu Ruwa, na ikunda lyakye ko wandu, kyiyeri lyileloṟo, nalelukyiṟa.

Waebrania 10:24

Luambuye chandu lochitaramana na iwutiana shindo shicha na itutumana kui ikunda na iṟunda lyicha.

1 Petiro 2:12

Muwaṙe mkaṟo mcha kyiyeri mukyeri na walya walaiṙikyie Yesu, kundu kokooya wekyemuiria kye mowuta shindo shiwicho, wakaambuya mawuto ganyu mecha, waṟumishe Ruwa kyiyeri-kyo Yesu echicha lya kawi.

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.

1 Petiro 3:1

Nyoe waka, indienyi wamii wanyu; kundu kokooya kuwoṙe walaiṙikyie Ṙeṙo, waiṙime ilyiiṙikyia kui mkaṟo ya waka wawo kulawoṙe igamba kyindo;

1 Petiro 3:16

Na nyoe muwaṙe makusaṟo mecha mrimenyi, kundu orio kyindo mochiirio, warigo nyi sonu walya wekyegamba kye mkaṟo onyu ummbicho maa chandu mulandewute kyindo kyoose kyiwicho.

1 Petiro 4:11

Mndu kaṙeṙa, naṙeṙe chandu Ruwa akundi; mndu kaṟunda, naṟunde kui pfinya amwenengye nyi Ruwa; kundu Ruwa naṟumisho shindonyi shoose kui Yesu Kristo. Kyiṟumi na pfinya shikae na oe mlungana na mlungana. Amen.

1 Petiro 4:14

Mukowio kye mowuta shiwicho kyipfa kya rina lya Kristo nyi nanga; cha kyipfa Mumuyo o kyiṟumi na o Ruwa nakyeri na nyoe.