Matayo 5:12 - Kivunjo New Testament 1999

¹² Chihiyonyi, na ikyesa; kyipfa wori wonyu nyi wung'anyi ruwewu. Kyipfa nyi wuṙo walepfulutsa nyashi weonguo shisuku walemusongoya nyoe.”

Matayo 5:12 ပူးပေါင်းရင်းမြစ်များ

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 6:16

“Ngoseṟa kyiyeri moṙumbuo ikuretekyia kundu muṟumishe Ruwa, mulawe cha wakulembecheṟi wawoṙe shaam shiwoṙe nzineeri. Kyipfa wekyenyamaṟa shaam shawo, kundu wawono nyi wandu kye wailya maa inyo-pfo. Ny'kyaloi ngammbia, wamuambilyia wori wowo.

Luka 13:34

Iyoe Yerusalemu, Yerusalemu, uiwaaga weonguo shisuku na ikapa na magoe walya waleṙumo kopfo, nyi kyenga ngyilekunda isania wana wapfo chandu nguku yekyesania shiwana shayo makungonyi gayo, maa mulekunda-pfo.

Luka 6:23

Chihiyonyi mfiri-cho na ishoonga-shonga, kyipfa wori wonyu wung'anyi Ruwewu, kyipfa nyi wuṙo waawu wawo walewutia weonguo shisuku.

Luka 6:35

Indi kundenyi washituwa wanyu. Wutenyi shicha, na mukoakuya mulakunde itoo kyindo, na wori wonyu woching'ana. Na nyoe mochiwa wana wa ai wuye, kyipfa oe namcha ko walya walekyemwana, na wawicho.

Mawuto Ga Wasu 16:25

Kyaindi kyiyeri kya kyio kya mayeleyele Paulo na Sila waweiterewa Ruwa na imwimbia shiimbo sha imṟumisha, na wandu wengyi wawewawikye kulya kyipfungonyi waweiwaaṙanyia.

Mawuto Ga Wasu 5:41

Nawo wakawuka halya mengyenyi, wechihiyo cha kyipfa watalo kye wawaṟi isutso kyipfa kya Rina lya Yesu.

Waroma 5:3

Maa chi wuṙo tikyi-pfo, indi luchihiyo taa ngyuukyiwenyi; luichi kye wukyiwa, iṟunda lyakye nyi iende wusimiri.

1 Wakorinto 3:8

Kyasia ulya mowaaya, na ulya monyosa nyi kyindo kyimwi, kyaindi orio mndu nechiambilyia wori wokye iṙuana na wukyiwa alelya.

2 Wakorinto 4:17

Kyipfa matuuro gaṙu gai maangu, gakyeri ga kyiyeri kyifuhi tikyi, gekyeluwutia mng'ano o mlungana uingyikyie mnu.

Waefeso 1:29

Kyipfa muwaenengye kyipfa kya Kristo, chi imwiṙikyia tupu-pfo, kyaindi na ilyiso wukyiwa kyipfa kyakye;

Waefeso 2:17

Yee, maa kokooya ngyechiwoogo na kuṙo ngyiwe cha samu yawuto iwe kyiṙaso kyilya iiṙikyia lyanyu lyekyeenenga Ruwa. Ngachihiyo; lyingyi-se ngachihiyo hamwi na nyoe moose.

Wakolosai 1:24

Wulalu ngyimchihiye kyipfa kya matuuro ngyiwoṙe kyipfa kyanyu. Lyingyi-se ngyiafutsia mmbiunyi koko shilya shilaleafutsio sha matuuro ga Kristo, kyipfa kya mmbiu okye, kyimwi na igamba kye nyi Siṟi yakye.

Wakolosai 3:24

muichi kye moambilyia ko Mndumii wori wo kyioṟa. Muiṟundia Mndumii Kristo.

1 Watesalonikye 2:15

Walya walewaaga Mndumii Yesu, na weonguo shisuku, na ilulyisa soe wukyiwa; maa wekyechihiṟa Ruwa, maa iṙuana na wandu-pfo.

Waebrania 10:34

Kyipfa mulewonia wukyiwa walya wawewapfungye. Lyingyi-se mukoiṙikyia kui sia isoko masaa ganyu, muichi kye mrimenyi konyu kuwoṙe masaa gai mecha ngoseṟa, galekyesia.

Waebrania 11:26

echiwona kye imino kyipfa kya Kristo kokye nyi wunjama wung'anyi kuta masaa ga Misiri; cha kyipfa naleweṙelyia wori-wo.

Waebrania 11:33

Walya kui iiṙikyia walewinga ngyuuchilyi tsa wamangyi, walewuta sha wusumganyi, waleambilyia kyaasa, waleshinga maṙumbu ga simba,

Waebrania 11:6

Kyaindi kulawoṙe iiṙikyia kyeiṙimika imchihiṟa-pfo; cha kyipfa mndu ekyeyenda ko Ruwa kyiwaṟi naiṙikyie kye Ruwa nakyeri pfo, na kye nekyeenenga wori walya wekyempfula.

Yakobo 1:2

Wana wa wama wako, talenyi kye nyi sia tikyi, mukooloka shiyeshonyi sha orio mbaṟe;

Yakobo 5:10

Wana wa wama wako, weonguo shisuku walya waleende ndumo ya Ruwa nyi mfano mcha o wandu walekarishia matuuro.

1 Petiro 4:13

Kyaindi chandu mulelya wukyiwa wo Kristo, chihiyonyi; kundu na kyiyeri kyiṟumi kyakye kyechiloṟo muchihiyo kui ikapa ngulyilyi na ngoru.