Matayo 4:24 - Kivunjo New Testament 1999

²⁴ Na mbonyi tsakye tsikaṙunganana urukyenyi lo Shamu loose; wakamwendie woose waweluoe, wawoṙo nyi orio ndoṟe na orio ilyiso wukyiwa, wawoṙo nyi waṟufui wawicho, na wekyeuma nguku, na wapfiie ngapfu ura lumwi; kawakyiṟa.

Matayo 4:24 ပူးပေါင်းရင်းမြစ်များ

Matayo 12:22

Kyiyeri kyilya kaendio mndu awoṙo nyi mṟufui mmbicho, kyipfupfuṟe kyiwekyeiṙima iṙeṙa; kamkyiṟa, na ulya alaweiṙima iṙeṙa kaṙeṙa na iambuo.

Matayo 14:1

Kyiyeri kyilya mangyi Herode naleicho mbonyi tsa Yesu.

Matayo 15:22

Na mndu mka Mkananayo o ura lulya kacha, kakuilengakyika echigamba, “Ungyisaṟie, Mndumii, Mono-Dawidi; mana oko o waka nawoṙo kyetse nyi mṟufui mmbicho.”

Matayo 17:15

“Mndumii, usaṟie mono-ko, cha kyipfa nawoṙo nyi iuma nguku, na ilyiso wukyiwa wuwicho; kyipfa kafoi nekyeoloka moṙonyi, na kafoi mṟingyenyi.

Matayo 17:18

Yesu kaṙeṙia mṟufui ulya mmbicho, kawuka mana ulya. Manakye ulya kyakyia wookyia kyiyeri kyilya.

Matayo 4:23

Na oe nawetenga-tenga urukyenyi lo Galyilaya loose, echilosha masinagoginyi gawo na ilosha Mbonyi Ngyicha ya Wumangyi, na ikyiṟa ndoṟe na wufafa wo orio mbaṟe wandunyi.

Matayo 8:28

Na oe kyiyeri aleshika molyolya, urukyenyi lo Wakyerasi, wandu wawi wawoṙo nyi waṟufui wawicho walekarisana na oe, wawukyie handu heṟika wandu, walang'a mnu, maa mndu alaiṙime iiṙa njia iya.

Matayo 8:33

Kyaindi walya wawelyisa nguwe-tso waleṙicha, wakayenda mṟinyi, wakaonguo mbonyi-tso kundu koose, na mbonyi tsa walya wawewoṙo nyi waṟufui wawicho taa.

Matayo 8:6

Kamterewa, echigamba, “Mndumii, mṟundi oko nalee kanyi, nawoṙo nyi ndoṟe ya ipfa ngapfu ura lumwi, naiwawio mnu.”

Matayo 9:26

Mbonyi-tsi tsikaṙunganana uruka lulya loose.

Matayo 9:35

Na Yesu naweitenga-tenga kyiiṙi kya mṟi yoose na shikaṟo, echilosha masinagoginyi gawo, ionguo Mbonyi Ngyicha tsa Wumangyi; na ichihiṟa ndoṟe tsoose na wufafa wo orio mbaṟe.

Mariko 1:28

Cha ilyi mbonyi tsakye tsikaṙunganana orio handu ngyuurukyenyi tsoose tsa mṟasenyi o Galyilaya.

Mariko 1:32

Kyasia kyiyeri kuleila, na mnengyeṟi omwolokyie, wawemwendie woose walawekuiṙima, na wawoṙo nyi waṟufui wawicho.

Mariko 2:3

Kukocha wandu wechimwendie mndu apfiie ngapfu, aṙuṙo nyi wandu waana.

Mariko 2:4

Na kyiyeri walelemo itikyira kufuhi na oe kyipfa kya wuingyi wo wandu, waletocha kai halya-ndu awekyeri; na wammarise iifunja walesotsa ikondoṟo mndu ulya apfiie ngapfu awelyilaaye.

Mariko 2:9

Kyii kyaangu nyi kyiha, iwia apfiie ngapfu, ‘Nohooṟio ngyuunyamaṟi tsapfo’, ang'u igamba, ‘Amka ukuṙikye ikondoṟo lyapfo uyende?’

Luka 2:2

Marina-ga nyigo ga kuwooka galeṟeio kyiyeri Kyirenio awekyeri mchilyi o Shamu.

Luka 4:14

Yesu kawuya kui pfinya tsa Mumuyo, kayenda Galyilaya; mbonyi tsakye tsikaṙunganana ngyuurukyenyi tsoose tsa mṟasenyi.

Luka 4:38

Kawuka kulya sinagoginyi, kaiṙa na kanyi ko Simion. Na mamka o Simion, nawewoṙo nyi isemu, wakamterewa kyipfa kyakye.

Luka 5:15

Kyaindi mbonyi tsakye tsikaengyeṟa iṙunganana, wuingyi wufoi wo wandu wakasanzia handu hamwi, wamwaṙanyie na ikyiṟo ndoṟe tsawo.

Luka 5:24

Kyaindi muiṙime imanya kye Mono-Adamu nawoṙe wuchilyi wuyanenyi wo hooṟia ngyuunyamaṟi, (nalewia ulya awoṙe ndoṟe ya ipfa ngapfu ura lumwi) ‘Ngakuwia, amka ukuṙikye kyitaṟa kyapfo uyende kanyi kopfo.’ ”

Luka 7:17

Mbonyi-tsi tsakye tsikaṙunganana Uyuda koose, na ngyuuruka tsoose tsa mṟasenyi.

Yohane 10:21

Wengyi wakagamba, “Maṙeṙo-ga chi ga mndu awoṙo nyi mṟufui mmbicho-pfo. Ngyesa mṟufui mmbicho neiṙima ienenga shipfupfuṟe wuiṙimi wo iwona?”

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 15:23

“Soe wasu na wandu waku waiṙikyie Yesu, ko wana wa wamaṙu wakyeri Antiokyia na Shamu, na Kyilyikyia, wai wandu walaiṙikyie Yesu; lomuiṟikyiṟa.

Mawuto Ga Wasu 15:41

Kaiṙia Shamu na Kyilyikyia, echikarisha siṟi.

Mawuto Ga Wasu 28:9

Isho shammbutikye wandu wengyi wawewoṙe ndoṟe kulya kyiṟingyitinyi wakacha wakakyiṟo.

Mawuto Ga Wasu 8:7

Cha kyipfa waṟufui wawicho walewuka wandu wafoi, wechilyia na ṟui lying'anyi; na wandu wafoi wawepfiie ngapfu, na shileeta, wakakyiṟo.