Matayo 4:23 - Kivunjo New Testament 1999

²³ Na oe nawetenga-tenga urukyenyi lo Galyilaya loose, echilosha masinagoginyi gawo na ilosha Mbonyi Ngyicha ya Wumangyi, na ikyiṟa ndoṟe na wufafa wo orio mbaṟe wandunyi.

Matayo 4:23 ပူးပေါင်းရင်းမြစ်များ

Matayo 11:5

shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Matayo 12:9

Kawuka pfo, kaiṙa na sinagoginyi lyawo.

Matayo 13:19

Orio mndu kaicho ṙeṙo lya Wumangyi wo ruwewu alalyimanye, mmbicho ulya nekyecha, karakuo kyilya kyikyiṙongye mrimenyi kokye. Iyi nyiyo mbeu iya ingyiṙongye mbai ya njia.

Matayo 13:54

Na lyilya aleshika urukyenyi lokye, nalewalosha sinagoginyi lyawo, mṟasa wakaṟiyio, wakagamba, “Ichu nyi kwi aleende wuṟango-wu na maṟiyisho-ga?

Matayo 14:14

Yesu kafuma, kawona wuingyi wo wandu wung'anyi, kawona wukyiwa mrimenyi kyipfa kyawo, kawakyiṟa ndoṟe tsawo.

Matayo 24:14

Lyingyi-se mbonyi ngyicha tsa Wumangyi tsechiongoyo wuyanenyi koose, iwa wuṟingyishi wo masanga goose. Iho nyiho mafurumionyi galya gechicha.”

Matayo 3:2

“Ṙumbuyenyi wunyamaṟi; kyipfa Wumangyi wo ruwewu womshika kufuhi.”

Matayo 9:35

Na Yesu naweitenga-tenga kyiiṙi kya mṟi yoose na shikaṟo, echilosha masinagoginyi gawo, ionguo Mbonyi Ngyicha tsa Wumangyi; na ichihiṟa ndoṟe tsoose na wufafa wo orio mbaṟe.

Mariko 1:14

Kyasia Yohane ammbiko kyipfungonyi, Yesu kayenda Galyilaya, echionguo Mbonyi Ngyicha tsa Ruwa,

Mariko 1:21

Wakayenda mṟasa Kaperinaumu, na cha ilyi mfiri o onyonya kaiṙa na sinagoginyi, kalosha.

Mariko 1:39

Kayenda echionguo mbonyi masinagoginyi gawo, urukyenyi loose lo Galyilaya, na iwuta waṟufui wawicho.

Mariko 3:10

Cha kyipfa nalekyiṟa wafoi, mṟasa woose wawewoṙe ngyuukyiwa wakamraia waiṙime impaaya.

Mariko 6:2

Kyiyeri mfiri o onyonya ulecha, nalewooka iloshia sinagoginyi. Wandu wafoi kyiyeri waleicho wakaṟiyio, wechigamba, “Ichu nyi kwi alewona ishi? Nyi wuṟango wuha amwenengye? Nyi kuṙa aiwuta shindo shing'anyi kuṙi sha maṟiyisho?

Mariko 6:6

Kaṟiyio kyipfa kya iiṙikyia lyawo lyaangu. Katenga-tenga kulya shikaṟonyi, echilosha.

Luka 10:9

Kyiṟenyi wandu woose waluoe wakyeri pfo. Wawienyi, ‘Wumangyi wo Ruwa womtikyira kowo.’

Luka 13:10

Mfiri o onyonya naweiloshia sinagoginyi lyimwi.

Luka 16:16

Uwawaso na weonguo shisuku shiwekyeri-pfo mṟasa Yohane, wookyia kyiyeri-kyo ulogo lucha lo Wumangyi wo Ruwa lokyeongoyo, na orio mndu nekyeiṙa napfo ko pfinya.

Luka 20:1

Mfiri umwi, kyiyeri aweilosha wandu hekalunyi, na ionguo Ndumi Ngyicha, wang'anyi wa makohanyi na walosha wa mawawaso hamwi na wasongoru wa wandu wakacha na kokye kyituukyia.

Luka 4:14

Yesu kawuya kui pfinya tsa Mumuyo, kayenda Galyilaya; mbonyi tsakye tsikaṙunganana ngyuurukyenyi tsoose tsa mṟasenyi.

Luka 5:17

Na kyiyeri kyilya naweilosha, na Mafarisayo na walosha wa uwawaso waweṙamie ho, wawewukyie orio kyikaṟo kya Galyilaya, na Uyuda, na Yerusalemu. Na pfinya tsa Mndumii tsiwekyeri ho kundu naiṙime ikyiṟa.

Luka 6:17

Kasoka hamwi nawo, kagoṟoka handu ha rendewele, hamwi na wanalosho wakye wafoi. Na wuingyi wo wandu walewuka Uyuda koose na Yerusalemu, na mbai ya Tiro na Sidon; walecha imwaṙanyia na ikyiṟo ndoṟe tsawo.

Luka 6:6

Kyasia mfiri ungyi o onyonya naleiṙa na sinagoginyi kalosha, napfo kuwewoṙe mndu awewoṙe kuwoko ko kulyoe kupfiie ngapfu.

Luka 7:21

Na kyiyeri kyilya kyilya nalekyiṟa wandu wafoi ndoṟe tsawo, na wawaolokyie nyi ngyuukyiwa, na waṟufui wawicho, na shipfupfuṟe shifoi shikaiṙima iwona.

Luka 7:22

Naaho-ng'u kagaluo, kawawia, “Yendenyi mundeongoya Yohane shilya mushiicho na ishiwona. Shipfupfuṟe shienengo iwona, shileeta shichumia, wawoṙo nyi taambo waiilyiṟo, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Luka 8:1

Kyikawa-ng'u numa ya iho naweitenga-tenga mṟinyi na shikaṟonyi echionguo mbonyi tsa Wumangyi wo Ruwa, na walya ikumi na wawi wawei hamwi na oe.

Luka 9:11

Na kyiyeri wuingyi wo wandu wulemanya, wulemwosha, kawaambilyia, kawamoṙeṙa nawo mbonyi tsa Wumangyi wo Ruwa, kakyiṟa walya wawelangyie ikyiṟo.

Luka 9:60

Kammbia, “Leka wapfu waṟikye wapfu wawo; indi iyoe yenda undeonguo Wumangyi wo Ruwa.”

Yohane 18:20

Yesu kamgaluo, kagamba, “Inyi ngaṙeṙa na wandu wa wuyana na pata. Mfiri yoose ngyileloshia sinagoginyi na hekalunyi, handu Wayuda woose wekyesanzia; maa ngyileonguo kyindo kyoose kui kyiṟika-pfo.

Yohane 6:59

Mbonyi-tsi naletsionguo akyeri sinagoginyi, kyiyeri aweilosha, kulya Kaperinaumu.

Yohane 7:1

Numa ya isho Yesu naweichumia urukyenyi lo Galyilaya; kyipfa alekunda iyenda uruka lo Uyuda-pfo, cha kyipfa Wayuda wawekundi immbaaga.

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 18:4

Orio mfiri o onyonya kagamba shilya awekusaṟie sinagoginyi, kapfuṟukana ikuruo Wayuda na Wakyiṟikyi wagalukyie ura lokye.

Mawuto Ga Wasu 20:25

Na wulalu inyi ngyiichi kye nyoe moose ngyilemuongoya mbonyi tsa Wumangyi wo Ruwa, ngayenda ipfo na ipfo, mochingyiwona-se-pfo.

Mawuto Ga Wasu 28:31

echionguo mbonyi tsa Wumangyi wo Ruwa, na ilosha mbonyi tsa Yesu Kristo, kulawoṙe wuowu, na kulawoṙe mndu alemshingyia.

Waroma 10:15

Lyingyi-se weonguo mbonyi kuṙa walawaṙume? Chandu kyikyiṟeie, “Gamecha cha kyikyi maṙende ga iwo wekyeonguo mbonyi tsa mecha.”