Matayo 4:19 - Kivunjo New Testament 1999

¹⁹ Kawawia, “Ngyioshenyi, na inyi ngyechimugaluo muwe wandu wekyeṙega wandu.”

Matayo 4:19 ပူးပေါင်းရင်းမြစ်များ

Matayo 16:24

Kyiyeri-kyo Yesu nalewia wanalosho wakye, “Mndu oose kakunda ingyiosha, nakulege amonyi, nakuṙikye msalaba okye, nangyioshe.

Matayo 19:21

Yesu kammbia, “Kokunda iwa mndu aafutsie shoose yenda undekumba shoose uwoṙe, uenengye wakyiwa, na iyoe nochiwaṙa kyiseyesoe ruwewu, numa nnjo ungyioshe.”

Matayo 4:18

Na oe kyiyeri aweichumia mbai ya ipalyipalyi lya Galyilaya, nalewona wana wa mka wawi, Simion ekyelago Petiro na Anderea mono-wamae wechiwiyitsa ndusu tseṙeia makunga ipalyipalyinyi; kyipfa wawekyeri wandu wekyeṙega makunga.

Matayo 4:20

Cha ilyi wakaṙa ndusu tsilya tsawo tseṙega makunga, wakamwosha.

Matayo 8:22

Kyaindi Yesu kammbia, “Ngyiosha; leka wapfu waṟikye wapfu wawo.”

Matayo 9:9

Na Yesu kyiyeri aweiṙa awuka pfo nalewona mndu aṙamie handu hesania ukamba mbai ya ipalyipalyi ekyelago Matayo, kammbia, “Ngyiosha.” Kaamka kamwosha.

Mariko 2:14

Na kyiyeri aweiiṙa, kawona Lewi, mana o Alyifayo, aṙamie handu hesania ukamba mbai ya ipalyipalyi, kammbia, “Ngyiosha.” Kaamka kamwosha.

Luka 5:27

Numa ya isho kawuka pfo kawona mosania ukamba, ekyelago Lewi, aṙamie handu hesania ukamba, kammbia, “Ngyiosha.”

Luka 9:59

Kawia ungyi, “Ngyiosha.” Kagamba, “Mndumii, ngyienenga momu kuwooka ngyindeṟika awu oko.”

Yohane 1:43

Ilya-ngama nawekundi iyenda Galyilaya, na oe kawona Filyipo. Yesu kammbia, “Ngyiosha.”

Yohane 12:26

Mndu kangyiṟundia nangyioshe; na inyi handu ngyikyeri nyi ho-ndu na mṟundi oko echikaa. Lyingyi-se mndu kangyiṟundia, Awu nechimwindia.”

Yohane 21:22

Yesu kammbia, “Kokooya ngyikundi ichu nawaṙe moo mṟasa kyiyeri ngyechicha, kyikuwaṟi kyi iyoe? Iyoe ngyiosha.”

2 Wakorinto 12:16

Kyaindi kyikuwiie kuṙo, inyi ngyilewa ṟio konyu-pfo; indi nyoe muigamba kye kui iwa mṟango ngyilewawaṙa kui ngyeṟo.