Matayo 3:17 - Kivunjo New Testament 1999

¹⁷ Na ṟui lyiwukyie ruwewu lyikagamba, “Ichu nyi Mana oko, mkunde oko, ngyimchihiye kyipfa kyakye.”

Matayo 3:17 ပူးပေါင်းရင်းမြစ်များ

Matayo 12:18

“Ambuya, mṟundi oko ngyilemsambuṟa; mkunde oko, mrima oko umchihiye kyipfa kyakye; ngyechimwenenga pfinya ya Mumuyo oko, na oe nechianduya wandu walaiṙikyie Ruwa.

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Mariko 1:11

Na ṟui lyikawuka ruwewu, lyikagamba, “Iyoe nyi oe Mono-ko, mkunde oko; ngyimchihiye kyipfa kyapfo.”

Mariko 9:7

Numa ya iho hakawoneka ipuchi, lyikawaendie kyirinje. Ṟui lyikawuka kulya ipuchinyi, “Ichu nyi Mono-ko, mkunde oko, mwaṙanyienyi oe.”

Luka 3:22

Mumuyo Mweele kasokyia wuye yakye kui mfano o mmbiu cha mbuna; ṟui lyikawuka Ruwewu, “Iyoe nyi Mana oko, mkunde oko, ngyimchihiye kyipfa kyapfo.”

Luka 9:35

Ṟui lyikawuka kulya ipuchinyi, lyechigamba, “Ichu nyi Mono-ko, msambuṟe oko, mwaṙanyienyi oe.”

Yohane 5:20

Cha kyipfa Awu nakundi Mana na oe nekyemloṟa shoose ekyewuta; maa maṟunda gang'anyi kuta isho ngoseṟa nechimloṟa, kundu nyoe muiṙime iṟiyio.

Yohane 5:37

Na Awu ulya alengyiṙuma nangyiṟingyishia. Ṟui lyakye mulandelyiicho kyiyeri kyoose maa fana yakye muleiwona-pfo.

Wafilyipi 1:6

Mng'ano o isaṟia lyakye uṟumisho, alelusaṟia kyiiṙi kya icho Mkunde.

Wakolosai 1:13

Na oe nalelukyiṟa iwuka pfinyenyi tsa meema, kalusamiṟa na iluṙuo Wumangyinyi wo Mana o ikunda lyakye;

2 Petiro 1:17

Kyipfa naleambilyia iwuka ko Ruwa Awu kyiṟumi na mng'ano, iho-ndu aleendio ṟui lyilewuka mng'anonyi ung'anyi, “Ichu nyi Mana oko, mkunde oko, ngyimchihie kyipfa kyakye.”

1 Yohane 5:9

Lukoambilyia wuṟingyishi wo wandu, wuṟingyishi wo Ruwa nyi wung'anyi ngoseṟa; cha kyipfa wuṟingyishi wo Ruwa nyiwo iwu, kye naṟingyishia Mono-kye.

Ulogo 14:2

Na inyi ngaicho ṟui iwuka ruwewu, cha ṟui lya mṟinga ufoi, na cha ṟui lya ikuṟuṟuma lying'anyi. Na ṟui-lyo ngyileicho lyiwei cha ṟui lya wekapa uṙa lo ndusu, wechikapa ngyuuṙa tsawo tsa ndusu;