Matayo 3:15 - Kivunjo New Testament 1999

¹⁵ Yesu kagaluo kammbia, “Iṙikyia wulalu kuṙi; kyipfa nyi wuṙo kyiluwaṟi iafutsia wusumganyi woose.” Kyasia kamwiṙikyia.

Matayo 3:15 ပူးပေါင်းရင်းမြစ်များ

Matayo 3:14

Kyaindi Yohane katambagana imshingyia, echigamba, “Inyi ngyilangyie ipatiso nyi iyoe, na iyoe nuicha na koko?”

Luka 1:6

Na woose wewawi wawewoṙe wusumganyi mbele ya Ruwa, wechiosha mawawaso goose ga Mndumii na shilya atutumie kulawoṙe igambo kye wawoṙe kyindo kyoose kyiwicho.

Yohane 13:15

Cha kyipfa ngamumloṟa chandu mowuta; kundu chandu ngammbutia, na nyoe muwute kuṙo.

Yohane 15:10

Mukoosha kyilya mawawaso gako gakundi, mochikaa ikundenyi lyako; chandu inyi ngyekyeosha mawawaso ga Awu oko na ikaa ikundenyi lyakye.

Yohane 4:34

Yesu kawawia, “Kyelya kyako ny'kyo ikyi, ngyiwute shilya ulya alengyiṙuma akundi, ngyiafutsie iṟunda lyakye.

Yohane 8:29

Na ulya alengyiṙuma nakyeri hamwi na inyi; angyiṙeeye ngyimonyi-pfo; cha kyipfa mfiri yoose ngyekyewuta shilya shimchihiṟie.”

Waebrania 7:26

Kyipfa luwewaṟi soe luwaṙe mkohanyi ang'anyi mbaṟe-i akyeri mweele, alawoṙe wuwicho, alawoṙe tewe lyoose, amletsane na walya wekyeṙeko, Ruwa alemwiria wuye ruwewu.

1 Yohane 2:6

Ulya aigamba kye namlungye na Ruwa, kyimmbaṟi iwuta kuṙo chandu Yesu alewuta.