Matayo 3:11 - Kivunjo New Testament 1999

¹¹ Ny'kyaloi inyi ngyimpatisa kui mṟinga kyipfa kya iṙumbuya wunyamaṟi; kyaindi ulya aicha numa yako nawoṙe pfinya kuta inyi, ngyiwaṟi maa iira shiaṙu shakye-pfo; oe nechimpatisa kui Mumuyo Mweele na kui moṙo.

Matayo 3:11 ပူးပေါင်းရင်းမြစ်များ

Matayo 3:6

na oe kawapatisa kulya mfonyi o Yoridan, wechitocha ngyuunyamaṟi tsawo.

Mariko 1:4

Yohane nalewoneka, echipatisia kundu ko nuka, na ionguo mbonyi, kundu wandu waṙumbuye wunyamaṟi na ipatiso; na Ruwa nawahooṟie maṙeko.

Luka 1:17

Nechisonguo mbele yakye awoṙe pfinya tsa mrima cha tsilya tsa Elyiya, kundu nagaluo waawu wasanze na wana, na ienenga wawicho wuṟango wo wandu wasumganyi, na iṟeyeṟia Mndumii wandu wawaṟeyeṟie Wumangyi wo Ruwa.”

Luka 3:16

Yohane nalegaluo kawia woose, “Loi inyi ngyimupatisa kui mṟinga, kyaindi naicha mndu awoṙe pfinya kuta inyi, ngilechiiṙima maa ituruchuo ngowa tsa shiaṙu shakye. Oe nemupatisa kui Mumuyo Mweele na kui moṙo.

Luka 3:3

Kashika urukyenyi loose lukyeri kufuhi na Yoridan echionguo mbonyi tsa wupatiso wokyeende iṙumbuya wunyamaṟi na ihooṟio maṙeko.

Yohane 1:15

Yohane nalemṟingyishia, kakuilenga na ṟui lying'anyi, kagamba, “Ichu nyi oe ngyileonguo mbonyi tsakye kye, ‘Aicha numa yako nawekyeri mbele yako; kyipfa nawekyeri pfo maa inyi ngyilafeo.’ ”

Yohane 1:30

Ichu nyi oe ngyileṙeṙa mbonyi tsakye kye, ‘Kuicha mndu numa yako, alengyisongoya; kyipfa nawekyeri pfo ngyilafeo.’

Mawuto Ga Wasu 1:5

kye Yohane nalepatisa kui mṟinga, indi nyoe mochipatiso kui Mumuyo Mweele numa ya mfiri-i ngyaangu.

Mawuto Ga Wasu 19:4

Paulo kagamba, “Yohane nalepatisa kui wupatiso wo itocha wunyamaṟi, echiwia wandu waiṙikyie Yesu Kristo ulya echicha numa yakye.”

Mawuto Ga Wasu 8:36

Wakaengyeṟa iyenda, wakashika handu hawoṙe mṟinga. Mndu ulya o Kushi kagamba, “Kyeambuya mṟinga-chu; ny'kyikyi kyingyishingyia ngyilapatiso?”

Mawuto Ga Wasu 8:38

Kagamba ikari lyilya lyitirimisho; wakasokyia woose wewawi mṟingyenyi na oe kapatiso.

1 Wakorinto 12:13

Cha Kyipfa Mumuyonyi umwi soe loose lulepatiso iwa mmbiu umwi. Kye lui Wayuda, ang'u kye lui Wakyiṟikyi; kokooya lui watumo ang'u wandu lulawachilyie nyi mndu; na soe loose luleletsio Mumuyo umwi.

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Tito 3:5

Chi kyipfa kya mawuto ga wusumganyi lulewuta soe-pfo; indi kui isaṟia lyakye, kui isanjo na ifeo lya kawi na kui iwa wahya Mumuyonyi Mweele.

1 Petiro 5:5

Na wuṙo nyoe wanakye, indienyi wameeku. Yee, nyoe moose waṙenyi wupfereri, muiṙime iṟundiana; cha kyipfa Ruwa nekyekapa walya wekyekuira, kyaindi nekyeenenga wapfereri isaṟia.