Matayo 27:54 - Kivunjo New Testament 1999

⁵⁴ Kyasia mchilyi ulya, na iwo wawekyeri hamwi na oe wechiringa Yesu, kyiyeri walewona kyiriinza na chandu mbonyi tsilewa, wakaowuo mnu, wechigamba, “Ny'kyaloi ichu nawekyeri Mono-Ruwa.”

Matayo 27:54 ပူးပေါင်းရင်းမြစ်များ

Matayo 26:63

Kyaindi Yesu katsia sau. Mkohanyi ang'anyi kuta woose kammbia, “Ngakututuma ulye nyamu kui rina lya Ruwa ai na moo, uluwie kokooya iyoe nyi oe Kristo, Mono-Ruwa.”

Matayo 27:36

Wakaṙamia wakamringa halya.

Matayo 27:40

“Iyoe ochiiṙima ifunja hekalu na ilyiwika-se numa ya mfiri iṟaṟu, kukyiṟe mrima opfo. Kokooya iyoe nyi mono-Ruwa, soka iho msalabenyi.”

Matayo 27:43

Nalekuwaṙa na Ruwa; namkyiṟe wulalu, kokooya namkundi; cha kyipfa nalegamba, ‘Inyi nyi Mono-Ruwa.’ ”

Matayo 27:51

Na isulyia lyeshingyia ipfo hekalunyi lyikaranduka kawi wookyia wuye mṟasa wanda. Uruka lukoṙeṙema; na maṟaṟa gang'anyi gakapaṟika.

Matayo 4:3

Myeshi kacha na kokye kammbia, “Kokooya iyoe nyi mana o Ruwa, wia magoe-ga gawe mkate.”

Matayo 8:5

Na kyiyeri aleiṙa na Kaperinaumu mchilyi umwi mtutu nalecha na kokye.

Mariko 15:39

Kyasia mchilyi ulya, awegoṟokyi ho iambuyana na oe, kyiyeri alewona kye nalelekyia moo mbaṟe-yo, kagamba, “Loi mndu-chu nawekyeri Mono-Ruwa.”

Luka 22:70

Wakagamba woose, “Kyasia, iyoe nyi oe Mono-Ruwa-ng'ue?” Kawawia, “Nyoe mogamba kye inyi nyi oe.”

Yohane 19:7

Wayuda wakamgaluo, wakagamba, “Koṙu soe mndu o mbaṟe-i nawaṟi ipfa, cha kyipfa nalekuloṟa oe nyi Mono-Ruwa.”

Mawuto Ga Wasu 10:1

Kulya Kaisaria kuwewoṙe mndu awekyelago Korinelyio, mchilyi o ulyimalyi lokyelago “Kyiitalyia.”

Mawuto Ga Wasu 2:37

Kyiyeri wandu walya waleicho mbonyi-tso, wakaiṟewe mrimenyi kowo, wakawia Petiro na wanalosho walya wengyi, “Luwute-kyi, wana wa wama waṙu?”

Mawuto Ga Wasu 21:32

Kulawoṙe iṙetsa kyiyeri kawuta asikari na wachilyi, kayenda Yerusalemu eṙicha. Kyiyeri wandu walewona msongoru ulya o asikari wa shiṙa wakaṙa ikapa Paulo.

Mawuto Ga Wasu 23:17

Paulo kalaga mchilyi umwi, kagamba, “Ṙuo manakye-chu ko ang'anyi o asikari wa shiṙa; kyipfa ngyiwoṙe kyindo kyemmbia.”

Mawuto Ga Wasu 23:23

Kalaga wachilyi watutu wawi, kawawia, “Ṟeyeṟenyi asikari magana gawi iyenda Kaisaria, na asikari makumi mfungaaṙe wekyechumia waṙamie wuye ya farasi, na asikari magana gawi wawoṙe mapfumu, lukoshika saa tsiṟaaṟu tsa kyio wawe wamkuṟeyeṟa.

Mawuto Ga Wasu 27:1

Kyasia kyiyeri kyilegambo kye lupfungye kyaro kya iiṙa ipalyipalyinyi mṟasa Italyia, wakaṙambika Paulo na wandu walya wengyi wawekyeri kyipfungonyi ko mchilyi umwi ekyelago Yulyio, awukyie kyikosinyi kya Agusto.

Mawuto Ga Wasu 27:43

Indi ang'anyi o asikari wa shiṙa, akundi ikyiṟa Paulo, kawashingyia, walawute chandu wawekusaṟie, kawia walya weiṙima iiṙa mṟingyenyi wawookye ikuwiyitsa ipalyipalyinyi, washikye handu hagaṙutsu,

Waroma 1:4

na iṟingyishio kui wuiṙimi iwa Mana o Ruwa, kui mbaṟe ya ngoo ya wuele, kui iṟutso lya wapfu, Yesu Kristo Mndumii oṙu.

Ulogo 11:13

Na kyiyeri kyilya hawewoṙe kyiriinza kying'anyi, na kyifunjoe kyimwi kyiiṙi kya shifunjoe ikumi sha mṟi kyikaoloka; wandu shiku mfungaaṙe wakawoogo nyi kyiriinza kyilya. Na walya waletsugaa wakawoṙo nyi wuowu, wakaṟumisha Ruwa o ruwewu.