Matayo 27:38 - Kivunjo New Testament 1999

³⁸ Kyiyeri kyilya kyilya wasokyi wawi wakakapio msalabenyi hamwi na oe, umwi kuwoko kokye ko kulyoe, na umwi kuwoko kokye ko kumoso.

Matayo 27:38 ပူးပေါင်းရင်းမြစ်များ

Matayo 27:37

Wakawikyia wuye ya mṙoe okye kyindo kyeloṟa kyimaṙuma kyewoogo, kyindo kyikyiṟeie: “ICHU NYI YESU, MANGYI O WAYUDA.”

Matayo 27:39

Na wandu wawekuiṙia wakamlahia, wechisunza-sunza mṙoe yawo, na igamba,

Matayo 27:44

Na wasokyi walya walekapio msalabenyi hamwi na oe walemlahia wuṙo.

Mariko 15:27

Na hamwi na oe walekapia msalabenyi wasokyi wawi, umwi kuwoko kokye ko kulyoe na umwi kuwoko kokye ho kumoso. [

Luka 22:37

Cha kyipfa ngyimmbia, isho shileṟeio kyakooya iafutsio koko, kye naletalyio hamwi na wanyamaṟi. Cha kyipfa isho shingyiwaṟi shiwoṙe mafurumionyi gasho.”

Yohane 19:18

Wakamkapia msalabenyi ipfo Golyigota, hamwi na wandu wengyi wawi, umwi ura-lu na umwi ura-lu, na Yesu makyiṙi-gawi.