Matayo 27:35 - Kivunjo New Testament 1999

³⁵ Wammarise imkapia msalabenyi, wakagawa mkoṟoṟi okye wechikapa kuṟu kuha; kundu kyiafukyie kyindo kyilya kyileṙeṙo nyi moonguo shisuku, “Walegawiana nguwo tsako; na kyipfa kya ikunya lyako walekapa kuṟu kuha.”

Matayo 27:35 ပူးပေါင်းရင်းမြစ်များ

Luka 23:34

Yesu kagamba, “Awu, uwahooṟie, kyipfa waichi kyindo waiwuta-pfo.” Wakagawana nguwo tsakye, wechikapa kuṟu kuha.

Yohane 20:20

Na oe amgambe kuṙo, kawaloṟa mawoko gakye na uwari lokye. Kyasia wanalosho walya wakachihiyo kyiyeri walewona Mndumii Yesu.

Yohane 20:25

Kyasia wanalosho walya wengyi wakammbia, “Lowona Mndumii Yesu.” Kawawia, “Inyi ngyilandewone ngoru tsa msemaari mawokonyi kokye, na iwaṙa halya-ndu msemaari ilemtocha, na iwaṙa uwarinyi kokye halya-ndu pfumu lyilemtocha, ngyechiiṙikyia maa ale-pfo.”

Yohane 20:27

Numa ya iho kawia Tomasi, “Goṟuo kuwoko kopfo; ambuya mawoko gako, waṙa uwarinyi koko; molawe mndu alaiṙikyie, indi aiṙikyie.”

Mawuto Ga Wasu 2:23

Mndu-chu aleṙiko wuyanenyi chandu Ruwa alekunda amonyi, na chandu Ruwa aweṟeyeṟie wookyia kacha, kamṙambika konyu, nyoe mukomkapia msalabenyi, mukombaaga.

Mawuto Ga Wasu 4:10

manyenyi moose na wandu woose wa Isiraelyi kye kui rina lya Yesu Kristo awukyie Nasareti, ulya nyoe mulemkapia msalabenyi, na Ruwa kamṟutsa ko wapfu, kui rina-lyo mndu-chu nagoṟoka mbele yanyu, awoṙe pfinya.