Matayo 27:2 - Kivunjo New Testament 1999

² Wakampfunga, wakammbuta halya, wakamṙambika ko Pilato awekyeri mchilyi o uruka lulya.

Matayo 27:2 ပူးပေါင်းရင်းမြစ်များ

Matayo 20:19

Numa ya iho wechimṙuo ko masanga waiṙime imkapa makuukuu, na imkapa na ngowa, na imkapia msalabenyi; na mfiri o kaṟaaṟu neṟuka.”

Matayo 28:14

Na mbonyi-tsi tsikamanyika ko mchilyi o uruka-lu, soe loṙeṙa na oe, na echimmbutia kyindo kyiwicho-pfo.”

Luka 13:1

Na kyiyeri kyilya kyilya kuwewoṙe wandu walemwendie mbonyi tsa Wagalyilaya walya Pilato alewawaaga kyiyeri waweiṙasa.

Luka 20:20

Wakamwowelyia wakaṙuma shisookyi shilekuloṟa cha wandu wasumganyi, kundu wammbaṙe maṙeṙonyi gakye, waiṙime imṙuo ko mchilyi.

Luka 23:1

Wandu woose wa kyisanzionyi wakagoṟoka wakamṙuo ko Pilato.

Luka 23:12

Kyasia mfiri ulya ulya Herode na Pilato wakaiṙikyiana iwaṙa umbuya, cha kyipfa ipfo mawookyionyi wawesuanyi.

Luka 3:1

Maka o ikumi na kataanu o ichilyia lya Kaisari Tiberia, kyiyeri Pontio Pilato awei mchilyi o Uyuda, na Herode mangyi o Galyilaya, na Filyipo, mana o wamae, mangyi o Iturea na uruka lo Tirakoniti, na Lyisania, mangyi o Abilene,

Yohane 18:12

Kyasia asikari walya na msongoru o wayuda walewaṙa Yesu, wakampfunga.

Yohane 18:24

Kyasia Anasi kamṙuo ko Kayafa ampfungye.

Yohane 18:28

Kyasia wakawuta Yesu ko Kayafa wakamṙuo mṟasa numba ya wuchilyi iwekyelago Praitorio. Napfo kukokya, kyaindi wo waleiṙa na kulya numbenyi-pfo, walachefana kyimṟumoe, wachelemo ilya shelya sha mṟumoe ulya o Pasaka.

Mawuto Ga Wasu 12:6

Na kyiyeri Herode awekundi iwuta Petiro kyipfungonyi, kyio kyilya nawelee makyiṙi-gawi ga asikari wawi, ampfungye na mshe iwi; waringyi wakaringa moongo o numba iya ya ipfungyia wandu.

Mawuto Ga Wasu 21:33

Numa ya iho msongoru ulya o asikari wa shiṙa katikyira kufuhi na Paulo, kammbaṙa, kagamba napfungo na mshe iwi; kawesa, “Nyi wui ichu? Ny'kyikyi awuta?”

Mawuto Ga Wasu 22:25

Na kyiyeri wamumpfungye na shigowo, Paulo kawia mchilyi ulya awegoṟokyi kufuhi, “Ngyesa nyi sungusinyi ikapa mndu ai Mroma alaanduyo?”

Mawuto Ga Wasu 22:29

Kyasia walya wawekuṟeyeṟie immbesa wakawuka halya wakamleka. Ang'anyi ulya o asikari wa shiṙa na oe kaowuo, kyiyeri alemanya kye nyi Mroma, na kyipfa alempfunga.

Mawuto Ga Wasu 24:27

Na kyiyeri maka iwi ileiṙa Filekyisi kaambilyia Porikyio Festo nawaṙe wuchilyi handu ha Filekyisi. Na Filekyisi akundi Wayuda wamkunde kaṙa Paulo kyipfungonyi.

Mawuto Ga Wasu 28:20

Kyasia kyipfa kya ikyo, ngamulaga muchengyiambuya na iṙeṙa na inyi; cha kyipfa ngyimfungye na mshe-chu kyipfa kya kyilya wandu wa Isiraelyi waiweṙelyia.”

Mawuto Ga Wasu 3:13

Ruwa o Abrahamu na o Isakyi na o Yakobo, Ruwa o waku waṙu, nang'anyisa mṟundi okye Yesu, ulya nyoe mulemṟiinga na imkana mbele ya Pilato, kyiyeri aleṙumbuo kye nalekyio.

Mawuto Ga Wasu 4:27

“Kyipfa nyi loi, Herode na Pontio Pilato hamwi na wandu walaiṙikyie Ruwa na wandu wa Isiraelyi, walesanzia kunu mṟinyi, wechichila mbonyi tsa Mṟundi opfo mweele Yesu, ulemshumbuo,

Mawuto Ga Wasu 9:2

katerewa naenengo paruo tsa iyenda Dameskyi, tsingyiṙikye ko walya wawekyesongoya masinagogi, kundu kawona wandu walya wawekyeosha Mndumii Yesu, wasoṟo na waka, nawapfungye na iwaende na Yerusalemu.

1 Timoteo 6:13

Ngakuwia mbele ya Ruwa ekyeringa shindo shoose, na mbele ya Kristo Yesu, alegamba iiṙikyia lyakye mbele ya Pontio Pilato,

2 Timoteo 2:9

Na inyi kyiiṙi kyayo ngyiletuuro mṟasa ipfungo cha mndu awutie mawicho; kyaindi Ṙeṙo lya Ruwa lyekyepfungo-pfo.

Waebrania 13:3

Kumbuonyi walya wakyeri kyipfungonyi cha ilyi muwapfungye hamwi nawo; na iwo wailyiiyo mbaka, chandu na nyoe muilyiiyo mbaka.