Matayo 27:19 - Kivunjo New Testament 1999

¹⁹ Na kyiyeri Pilato aweṙamie kyiṙinyi kyakye echiṙumbuo moondu, mka okye nalemṙumia ndumo, immbia, “Ulawutie mndu-cho msumganyi kyindo kyoose; cha kyipfa kyio-kyi kyaamkyia inu ngyileloṙo kyakye ngawihiyo mnu.”

Matayo 27:19 ပူးပေါင်းရင်းမြစ်များ

Matayo 1:20

Kyasia-ng'u kyiyeri awekusaṟa isho, malaika o Mndumii kamchia ndoṙonyi, echigamba, “Yosefu, mana o Dawidi, ulaowuoe iṙuo Maria mka opfo, kyipfa ikyo kyikyimooge kokye nyi kui wuiṙimi wo Mumuyo Mweele.

Matayo 2:19

Kyaindi kyiyeri Herode alepfa, malaika o Mndumii nalecha na ko Yosefu ndoṙonyi ipfo Misiri,

Matayo 2:22

Kyaindi amwicho kye Arikyelao nawoṙe wuchilyi ipfo Uyuda handu ha Herode awuye, naleowuo iyenda pfo; na oe ammbawaso ndoṙonyi kayenda ngyuura tsa Galyilaya.

Matayo 27:18

Cha kyipfa nalemanya kye walemṙambika kokye kui wunyenyi.

Matayo 27:24

Kyasia kyiyeri Pilato alewona kuwoṙe kyiira kyoose-pfo, indi kyituṟu kyikundi iamka, kaira mṟinga, kasamba mawoko gakye mbele ya wuingyi wulya wo wandu, kagamba, “Inyi ngyiwoṙe ṙeko samunyi ya mndu-chu msumganyi-pfo. Ilyi nyi iṟunda lyanyu nyoe.”

Matayo 27:4

Wakagamba, “Kyasia, soe luwoṙo pfo-pfo. Isho nyi shapfo kumonyi.”

Luka 23:41

Nakyo nyi sungusinyi koṙu soe, cha kyipfa luambilyia wori wuwaṟi mawuto gaṙu; indi ichu alewuta kyindo kyoose kyiwicho-pfo.”

Luka 23:47

Amgambe kuṙo nalelekyia moo. Kyiyeri mchilyi ulya alewona shindo shilewutika, naleana Ruwa, echigamba, “Loi mndu-chu nawekyeri msumganyi.”

Yohane 19:13

Kyasia kyiyeri Pilato aleicho mbonyi-tso, nalefumiṟia Yesu nja, kaṙamia kyiṙinyi kyakye kyeanduya, handu hawehaale magoe gang'anyi, hekyelago Gabata, ko mṙeṙie o Kyiebrania.

Mawuto Ga Wasu 12:21

Kyasia mfiri umwi uwemṟeyeṟe, Herode, kaṟaa nguwo tsa kyimangyi, kaṙamia kyiṙinyi kya wumangyi, kaṙeṙa nawo.

Mawuto Ga Wasu 18:12

Na kyiyeri Galyio awekyeri mchilyi o Akaya Wayuda woose piu wakakapa Paulo, wakamwende na handu heanduya wandu,

Mawuto Ga Wasu 18:16

Kawafuna wawukye mbele ya halya-ndu awekyeṙamia kaanduya wandu.

Mawuto Ga Wasu 18:17

Nawo woose wakawaṙa Sostene, ang'anyi o sinagogi, wakamkapa mbele ya handu halya heanduya wandu. Maa Galyio alewona mbonyi-tso kye nyi kyindo-pfo.

Mawuto Ga Wasu 25:10

Paulo kagamba, “Inyi ngyigoṟokyi iha mbele ya kyiṙi kya Kaisari kyeanduya, nyiho hangyiwaṟi ianduyo. Ngyileṙekyio Wayuda kyindo kyoose, chandu iyoe uichi mnu-pfo.

Mawuto Ga Wasu 25:17

Koikyo kyiyeri walesanzia iha ngyilekyelyio-pfo; kyipfa ilya-ngama ngyileṙamia halya-ndu ngyekyeṙamia ianduya wandu ngagamba mndu-cho naendo.

Mawuto Ga Wasu 25:6

Kyiyeri Festo amkae kowo cha mfiri ikumi kasoka na Kaisaria; na ilya-ngama kaṙamia halya-ndu awekyeṙamia eanduya wandu, kagamba Paulo naendo.

1 Petiro 2:22

Oe alenyamaṟa, maa iwaṙa ngyeṟo-pfo.

1 Yohane 2:1

Wana wako, ngyimuṟeia ishi kundu mulawute sha wunyamaṟi. Na kokooya mndu awuta kya wunyamaṟi luwoṙe Moluterewia ko Awu, Yesu Kristo awoṙe wusumganyi.