Matayo 27:12 - Kivunjo New Testament 1999

¹² Kyaindi kyiyeri wang'anyi wa makohanyi na wasongoru walewia Yesu kye nammbicho alegaluo kyindo-pfo.

Matayo 27:12 ပူးပေါင်းရင်းမြစ်များ

Matayo 26:63

Kyaindi Yesu katsia sau. Mkohanyi ang'anyi kuta woose kammbia, “Ngakututuma ulye nyamu kui rina lya Ruwa ai na moo, uluwie kokooya iyoe nyi oe Kristo, Mono-Ruwa.”

Matayo 27:13

Naaho-ng'u Pilato kammbia, “Uichuo mawicho-ga goose waikusendia?”

Matayo 27:14

Alamgaluo maa kyindo kyimwi mṟasa mchilyi ulya kaṟiyio mnu.

Luka 23:9

Kammbesa shindo shifoi, oe alamgaluo kyindo kyoose.

Mawuto Ga Wasu 8:32

Na kyifunjoe kya shiṟeio shiele aweisoma nyi ikyi: “Naleṙoo handu heshinjia cha ondo, na chandu ondo lyekyetsia sau mbele ya ulya ailyiṙumbuo mberi, na wuṙo oe alaiṙeṙa kyindo.

1 Petiro 2:23

Oe kyiyeri alelahio, alelahia-pfo; kyiyeri alelyiso wukyiwa, aletaa kyiṟaache-pfo; indi nalekuṙambika ko ulya ekyeanduya kui wusumganyi.