Matayo 26:70 - Kivunjo New Testament 1999

⁷⁰ Kakana mbele ya woose, echigamba, “Ngyiichi ikyo uigamba-pfo.”

Matayo 26:70 ပူးပေါင်းရင်းမြစ်များ

Matayo 26:51

Na umwi o walya wawekyeri hamwi na Yesu kagoṟuo kuwoko kokye, kawuta ushu lokye, kamanya isinga lya Mkohanyi ang'anyi kuta woose, kalyiṙumbuo kuṙwi.

Matayo 26:56

Kyaindi ishi shoose shawa, kundu shiṟeio sha weonguo shisuku shiwe chandu shigambie.” Naaho-ng'u wanalosho woose wakamṙa wakaṙicha.

Matayo 26:58

Na Petiro kamwosha ai kuleshi mṟasa numba ya Mkohanyi ang'anyi kuta woose, kaiṙa na numba, kaṙamia hamwi na waṟundi, nawone mafurumionyi.

Matayo 26:69

Na Petiro naweṙamie nja ya numba iya. Kyisinga kyimwi kyikayenda kokye, kyikagamba, “Na iyoe nuwekyeri hamwi na Yesu o Galyilaya.”

Matayo 26:71

Na oe kyiyeri alefuma na nja mṟasa kyichuminyi kyisinga kyingyi kyikammbona, kyikawia wandu wawekyeri pfo, “Ichu nawekyeri hamwi na Yesu o Nasareti.”

Luka 22:57

Kakana, echigamba, “Iyoe mndu mka, ngimwichi-pfo.”

Waroma 11:20

Nyi kyicha. Galemanyo kyipfa kya ilemo iiṙikyia lyawo; na iyoe nugoṟokyi kui iiṙikyia lyapfo. Maa ulakushele, indi uowuo.

1 Wakorinto 10:12

Koikyo akusaṟie kye nagoṟokyi naambuye necha alaolokye.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”