Matayo 26:64 - Kivunjo New Testament 1999

⁶⁴ Yesu kammbia, “Iyoe nogamba; kyaindi ngammbia, wookyia wulalu mochiwona Mono-Adamu aṙamie kuwoko ko kulyoe ko Ruwa echicha mapuchinyi ga ruwewu.”

Matayo 26:64 ပူးပေါင်းရင်းမြစ်များ

Matayo 16:27

Cha kyipfa Mono-Adamu nechicha mng'anonyi o Awu-yokye hamwi na malaika wakye. Naaho-ng'u echitaa orio mndu iṙuana na mmbutie yakye.

Matayo 16:28

Ny'kyaloi ngammbia, hawoṙe wandu kyiiṙi kya iwa wagoṟokyie iha, walechiwona upfu maa ale mṟasa kyiyeri wechiwona Mono-Adamu echicha Wumangyinyi wokye.”

Matayo 22:44

‘Mndumii nalewia Mndumii oko, uṙamie kuwoko koko ko kulyoe, mṟasa kyiyeri ngyechiwika washituwa wapfo, wanda ya wuchilyi wopfo?’ ”

Matayo 24:30

Naaho-ng'u yechiwonekana ṟigo ya Mono-Adamu ruwewu; na masanga goose ga wuyana gechikapa ṟanyi; nago gechiwona Mono-Adamu echicha mapuchinyi ga ruwewu hamwi na pfinya na mng'ano ung'anyi.

Matayo 25:31

“Kyiyeri-kyo Mono-Adamu echicha mng'anonyi okye na malaika waele woose hamwi na oe, nyi lyo-ndu echiṙamia kyiṙinyi kya mng'ano okye.

Matayo 26:25

Yuda, ulya momṟiinga, kagaluo, kagamba, “Nyi inyi, Mlosha?” Kammbia, “Iyoe nogamba.”

Matayo 27:11

Na Yesu kagoṟoka mbele ya ulya awekyechilyia uruka lulya. Mchilyi-cho kammbesa, kagamba, “Iyoe nyi oe mangyi o Wayuda?” Yesu kammbia, “Iyoe nogamba.”

Matayo 28:18

Yesu kacha na kowo, kaṙeṙa nawo, kawawia, “Ngyimṙambikye wuchilyi woose ruwewu na wuyanenyi.

Matayo 8:20

Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi kyaindi Mono-Adamu awoṙe handu heonyonyia-pfo.”

Mariko 14:62

Yesu kagamba, “Inyi nyi oe, na nyoe mochiwona Mono-Adamu aṙamie kuwoko ko kulyoe ko Ruwa monyi pfinya, echicha na mapuchi ga ruwewu.”

Luka 21:27

Iho nyiho wewona Mana o Adamu echicha ipuchinyi hamwi na pfinya na mng'ano ung'anyi.

Luka 22:69

Kyaindi wookyia wulalu Mana o Adamu nechiṙamia ura lo kulyoe lo Ruwa Mopfinya.”

Luka 22:70

Wakagamba woose, “Kyasia, iyoe nyi oe Mono-Ruwa-ng'ue?” Kawawia, “Nyoe mogamba kye inyi nyi oe.”

Yohane 18:37

Kyasia Pilato kammbia, “Kokooya nyi wuṙo iyoe nyi Mangyi-ng'ue?” Yesu kagaluo, kagamba, “Nogamba kye inyi nyi Mangyi. Ngyilefeo kunu wuyanenyi kyipfa kya kyindo kyimwi tupu, ionguo mbonyi tsa loi. Orio mndu aichi mbonyi-tso tsa loi nekyeosha shilya ngyekyegamba.”

Mawuto Ga Wasu 1:11

wakagamba, “Nyoe wandu wa Galyilaya, ny'kyilyi muiambuya ruwewu? Yesu-chu aṙoo iwuka konyu iyenda wuye ruwewu, newuya chandu mommbona echiyenda ruwewu.”

Waroma 14:10

Kyaindi iyoe ngyesa ny'kyilyi uianduya mono-womoo? Ang'u ngyesa iyoe ny'kyilyi uimina mono-womoo? Cha kyipfa soe loose lochigoṟoka mbele ya kyiṙi kya ianduyo kya Ruwa.

1 Watesalonikye 4:16

Cha kyipfa Mndumii amonyi nechisoka iwuka ruwewu, na wandu wechiicho ṟui lying'anyi lyilaga, na ṟui lya msongoru o malaika, na iganda lya Ruwa; na walya walepfa waiṙikyie Kristo wechiṟutso kuwooka.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 12:2

lochiambuya Yesu, ulya ekyewooka na iafutsia iiṙikyia lyaṙu. Ulya alekarishia mawawio ga halya msalabenyi. Kyipfa kya sia iya iweimmbeṙa, alekusaṟa maa ale kya sonu ya iwoogo msalabenyi-pfo. Na wulalu naṙamie kuwokonyi ko kulyoe ko kyiṙi kya mng'ano kya Ruwa.

Ulogo 1:7

Kristo naicha iwinyi akyeri mapuchinyi; na orio riso lyechimmbona, na iwo walemmbaaga, na mbaṟe tsoose tsa wandu wa wuyana tsechikapa ṟanyi kyipfa kyakye. Yee. Amen.

Ulogo 20:11

Numa ya iho ngawona kyitima kya mng'ano, kying'anyi kya uwiṟo, na oe akyiṙamilyie; ulya uruka na ruwewu shileṙicha iwuka mbele ya kyaam kyakye, na handu shiwekyeri halewono-pfo.