Matayo 26:58 - Kivunjo New Testament 1999

⁵⁸ Na Petiro kamwosha ai kuleshi mṟasa numba ya Mkohanyi ang'anyi kuta woose, kaiṙa na numba, kaṙamia hamwi na waṟundi, nawone mafurumionyi.

Matayo 26:58 ပူးပေါင်းရင်းမြစ်များ

Matayo 26:3

Kyiyeri kyilya wang'anyi wa makohanyi, na wasongoru wa wandu, wakasanzia numbenyi ya Mkohanyi ang'anyi kuta woose ekyelago Kayafa;

Matayo 5:25

Achikyia iwinyi mbonyi tsapfo na ulya uwoṙe na oe moondu kyiyeri uṙuṙanyi na oe njienyi; ulya uwoṙe na oe moondu alachekuṙuo ko moṙumbuo moondu, na moṙumbuo moondu kakuṙuo ko asikari, kowiyitso kyipfungonyi.

Luka 22:54

Wakammbaṙa, wakamṙuo, wakayenda na oe kanyi ko Mkohanyi ang'anyi kuta woose. Na Petiro nalemwosha ai kuleshi.

Yohane 18:25

Simion Petiro nawekyeri pfo echioṙa moṙo. Kyasia wakammbia, “Ngyesa iyoe ui umwi o wanalosho wakye-pfoe?” Na oe kakana, kagamba, “Chi inyi-pfo.”

Yohane 19:6

Kyasia wang'anyi walya wa makohanyi na waṟundi wawo kyiyeri walemmbona, walekalagatsa, wechigamba, “Mkapie msalabenyi! Mkapie msalabenyi!” Pilato kawawia, “Mṙuonyi nyoe, mundemkapia msalabenyi; cha kyipfa ngyiwonyi ṙeko kokye-pfo.”

Yohane 7:32

Mafarisayo wakaicho wandu walya wechinunuwa kyipfa kya Yesu. Kyasia wang'anyi wa makohanyi na Mafarisayo wakaṙuma waṟundi kundu wammbaṙe.

Yohane 7:45

Kyasia waṟundi walya wakayenda ko wang'anyi wa makohanyi na Mafarisayo. Nawo wakawawesa, “Ny'kyilyi mulamwende?”

Mawuto Ga Wasu 5:22

Na kyiyeri waṟundi waleshika halya kyipfungonyi walewona wasu walya-pfo wakawuya wakaende mbonyi-tso,

Mawuto Ga Wasu 5:26

Naaho-ng'u msongoru ulya o asikari wekyeringa hekalu kayenda hamwi na waṟundi, wakawaende, kui iwalemba-lemba, cha kyipfa waleowuo wandu walachewakapa na magoe.