Matayo 26:5 - Kivunjo New Testament 1999

⁵ Kyaindi wakagamba, “Kyilawe kyiyeri kya mfiri ung'anyi, kulacheamka kyituṟu wandunyi.”

Matayo 26:5 ပူးပေါင်းရင်းမြစ်များ

Matayo 14:5

Na oe kyiyeri awekundi immbaaga, naleowuo wandu, kyipfa walewona Yohane cha moonguo shisuku.

Matayo 21:26

Na lukogamba, ‘Wulewuka ko wandu,’ luiowuo kyisanzionyi; kyipfa wandu woose wawonyi Yohane nyi moonguo shisuku.”

Matayo 27:24

Kyasia kyiyeri Pilato alewona kuwoṙe kyiira kyoose-pfo, indi kyituṟu kyikundi iamka, kaira mṟinga, kasamba mawoko gakye mbele ya wuingyi wulya wo wandu, kagamba, “Inyi ngyiwoṙe ṙeko samunyi ya mndu-chu msumganyi-pfo. Ilyi nyi iṟunda lyanyu nyoe.”

Mariko 14:12

Na mfiri o kuwooka o mkate ilangyitarang'ishe kyiyeri waleshinja shimana sha moondo ga Pasaka, wanalosho wakye wakammbia, “Nyi kwi ukundi luyende lukuṟeyeṟie ulye pasaka?”

Mariko 14:2

Cha kyipfa walegamba, “Kyilacheewa kyiyeri kya mfiri ung'anyi, kulachewaṙa kyituṟu wandunyi.”

Mariko 14:27

Yesu kawawia, “Kyio-kyi nyoe moose mochiṙicha mungyiṙe ngyimonyi, cha kyipfa kyikyiṟeie, ‘Ngyechikapa mlyisi, na moondo gechinyanyaṟika.’

Luka 20:6

Na lukogamba wulewuka ko wandu, wandu woose welukapa na magoe, cha kyipfa waleiṙikyia Yohane kye nyi moonguo shisuku.”

Luka 22:7

Mfiri o mkate ilangyitarang'ishe ukoshika na mfiri-cho kyiwewaṟi ishinja Kyiondo kya Pasaka.

Yohane 18:28

Kyasia wakawuta Yesu ko Kayafa wakamṙuo mṟasa numba ya wuchilyi iwekyelago Praitorio. Napfo kukokya, kyaindi wo waleiṙa na kulya numbenyi-pfo, walachefana kyimṟumoe, wachelemo ilya shelya sha mṟumoe ulya o Pasaka.

Mawuto Ga Wasu 19:29

Mṟi oose ukowaṙa kyituṟu, wakayenda weṙicha wakaiṙa na handu ha temo wakyeri kyindo kyimwi, wammbaṙe Gayo na Arisitariko, wandu wa Makyedonia wawei kyaronyi hamwi na Paulo.

Mawuto Ga Wasu 21:38

Iyoe chi Mmisiri ulya mfiri ya ipfo numa aleenenga wandu shiku shiina isuana, wandu wawekyelago Wawaagi, kowasongoya iyenda kundu ko nuka ngyiumu suwaa ilawoṙe maa mṟinga?”

Mawuto Ga Wasu 4:28

kundu wawute shoose uwekundi shiwutikye wookyia kacha.