Matayo 26:41 - Kivunjo New Testament 1999

⁴¹ Laenyi kyiṙombo, muterewe, mulacheiṙa na kyiyeshionyi. Mrima ukundi; kyaindi mmbiu uwoṙe pfinya-pfo.”

Matayo 26:41 ပူးပေါင်းရင်းမြစ်များ

Matayo 24:42

“Kyasia laenyi kyiṙombo; kyipfa muichi nyi mfiri uha Mndumii onyu echicha-pfo.

Matayo 25:13

Kyasia laenyi kyiṙombo, cha kyipfa muichi mfiri-cho maa saa-pfo.”

Matayo 26:38

Naaho-ng'u kawawia, “Mrima oko uwoṙo nyi iiṟewe lying'anyi mnu ngyeiṙima maa ipfa. Kaenyi iha, mulae kyiṙombo hamwi na inyi.”

Matayo 6:13

Na ulaluṙuo kyiyeshionyi, kyaindi ulukyiṟe ngyeṟo tsa ulya mmbicho. [Cha kyipfa Wumangyi nyi wopfo, na pfinya, na mng'ano, mṟasa mlungana. Amen.’ ”]

Mariko 14:38

Laenyi kyiṙombo muterewe, mulacheyesho. Mrima ukundi indi mmbiu umfafa.”

Luka 11:4

Uluhooṟie ngyuunyamaṟi tsaṙu, kyipfa na soe lokyehooṟia orio mndu ekyeluṙekyio. Na ulaluṙuo kyiyeshionyi indi ulukyiṟe ngyeṟo tsa mmbicho ulya.’ ”

Luka 21:36

Kyasia, nyoe laenyi kyiṙombo orio kyiyeri, mochiterewa kundu muiṙime ikyia kyiiṙi kya isho shoose shewutika, na igoṟoka mbele ya Mana o Adamu.”

Luka 22:40

Kyiyeri aleshika handu halya nalewawia, “Terewenyi kundu mulacheṙoo kyiyeshionyi.”

Luka 22:46

Kawawia, “Ny'kyilyi molaa maṙoe? Amkyenyi, mundeterewa, mulacheiṙa na kyiyeshionyi.”

Luka 8:13

Na walya wa iṟaṟenyi nyi walya wekyeicho na iambilyia Ṙeṙo-lyo lya Ruwa kui sia; nawo wawoṙe mri-pfo. Wekyeiṙikyia kyiyeri kyifuhi, na kyiyeri kya iyesho wekyewuya na numa.

Waroma 8:3

Kyipfa shilya shilekyeiṙimika kui iwawaso, kyipfa kya ilyi lyiwewoṙe wufofo kyipfa kya mmbiu, Ruwa kui iṙuma Mana okye amonyi kui mbaṟe ya mmbiu ui o wunyamaṟi, na kyipfa kya wunyamaṟi, naleanduya wunyamaṟi mmbiunyi.

1 Wakorinto 10:13

Nyoe muleyesho, sile kyiyesho kyilya kyekyecha na ko wandu woose-pfo. Indi Ruwa nekyeafutsia shilya ateṟia. Ruwa ulya alechimuṙa nyoe muyesho kuta wuiṙimi wonyu. Kyaindi hamwi na kyiyesho kyilya nechiwika na moongo o fumia, kundu muiṙime ikarishia.

1 Wakorinto 16:13

Laenyi kyiṙombo, mulalolome Iiṙikyienyi, waṙenyi wukari wo kyisoṟo; muwaṙe wuṟango.

1 Wakorinto 9:27

indi ngyilyisa mmbiu oko wukyiwa na iuwinisha; kyilacheewa, ngamuongoya wandu wengyi Ṙeṙo lya Ruwa, inyi ngyiwe mndu molego.

Wagalatia 5:24

Na iwo wakyeri wa Kristo Yesu wekyechilyio-se nyi lango tsa mmbiu yawo-pfo.

Wafilyipi 6:18

Kui shiterewo shoose mochiterewa orio kyiyeri Mumuyonyi, mochilaa kyiṙombo kyipfa kya kyindo-kyo, mochiterewia wandu wa Ruwa woose;

1 Petiro 4:7

Kyaindi mafurumionyi ga shindo shoose gakyeri kufuhi. Kyasia ṟanguonyi, mulae kyiṙombo mochiterewa.

1 Petiro 5:8

Muwaṙe meena na ilaa kyiṙombo; cha kyipfa mokyituwa onyu Mokyiriinzi, cha simba isepfuo, nekyetenga-tenga, echipfula mndu nammeṟe.

2 Petiro 2:9

Kyasia, Mndumii naichi ikyiṟa wandu waowuye na ikunda Ruwa iwuka shiyeshonyi, na ikooma walawoṙe wusumganyi kyiiṙi kya iweṙelyia ianduyo mṟasa mfiri ulya o ianduyo.

Ulogo 16:15

(Ngyiicha cha mbafu. Agusu ulya molaa kyiṙombo, na iringa nguwo tsakye, alachumie kyiṟanguoe mṟasa wandu wawone sonu yakye.)

Ulogo 3:10

Cha kyipfa noosha mawawaso gako ga ikarishia, inyi ngyechikuringa, ulekane na kyiyeri kyilya kya iyesho kyikyiṟeyeṟe icha na wuyanenyi, iyesha walya wekyekaa urukyenyi.