Matayo 26:39 - Kivunjo New Testament 1999

³⁹ Kayenda mbele kyitutu, kaoloka na ndewu, katerewa, echigamba, “Awu-yoko, kyikaiṙimika, ṙombo-lyi lya matuuro lyiiṙe kuleshi na inyi. Kyaindi chi chandu ngyikundi inyi-pfo, indi nyi chandu ukundi iyoe.”

Matayo 26:39 ပူးပေါင်းရင်းမြစ်များ

Matayo 20:22

Yesu kagaluo, kagamba, “Muichi kyindo muiterewa-pfo. Ngyesa moiṙima iiṙia matuuro-ga gaingyiweṙa?” Wakammbia, “Loiṙima.”

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 26:42

Kayenda-se lya kawi, katerewa, echigamba, “Awu-yoko kokooya kyilechiiṙimika ṙombo-lyi lya matuuro lyiiṙe kuleshi na inyi, kyilya ukundi kyiwe kuṙo.”

Mariko 13:22

Cha kyipfa kochiwoneka Makristo ga wongo, na weonguo shisuku wa wongo, wechiloṟa shiṟingyishio na maṟiyisho, waiṙime imlemba, kokooya kyaiṙimika, maa iwo wasambuṟe.

Luka 17:16

Kakuolotsa wanda maṙendenyi gakye, kamwana; na oe nyi-we Msamaria.

Yohane 11:41

Kyasia wakawuta ho igoe lyilya. Yesu kaambuya wuye, kagamba, “Awu, ngakuana cha kyipfa nongyiaṙanyia.

Yohane 14:31

Kyaindi wandu wa wuyana wamanye kye ngyikundi Awu; na shilya Awu alengyiwia, nyisho ngyiwuta. Nnjonyi luwukye iha.”

Yohane 18:11

Kyasia Yesu kawia Petiro, “Wiyiṟia ushu-lo ipfo kyiṟandenyi. Ngyesa, nokusaṟa ngyikundi ituurika chandu Awu angyiṟeyeṟie ngyituurikye-pfoe?”

Yohane 5:19

Kyasia Yesu kagaluo kawawia, “Ny'kyaloi ngammbia, Mana eiṙima iwuta kyindo amonyi sile kyilya awonyi Awu ewuta-pfo; cha kyipfa shoose ekyewuta oe, nyisho Mana ekyewuta.

Yohane 5:30

“Inyi ngyeiṙima iwuta kyindo ngyimonyi-pfo. Chandu ngyekyeicho nyi wuṙo ngyekyeanduya; na ianduya lyako nyi lya sungusinyi, cha kyipfa ngyekyewuta kyilya ngyikundi inyi-pfo, indi kyilya ulya alengyiṙuma akundi.

Yohane 6:38

Cha kyipfa inyi ngyilesoka iwuka ruwewu kundu ngyiwute kyilya ngyikundi-pfo, indi kyilya ulya alengyiṙuma akundi.

Mawuto Ga Wasu 10:25

Kyiyeri Petiro aletikyira kufuhi Korinelyio kafuma indemwambilyia, kakuwiyitsa maṙendenyi gakye, kamwindia.

Waefeso 2:8

Lyingyi-se, kyiyeri alewono ai cha mndu, nalepfereria, kawaṙa wuindi mṟasa upfunyi, yee, upfu lo msalabenyi.

Waebrania 5:7

Yesu, mfiri-yo awei na moo, naleeṟeṟia Ruwa, echifiiṟa na itonyitsa mcheṟeṟe, Ruwa echiiṙima imkyiṟa na immbuta upfunyi, kaaṙanyio chandu awekyeri mndu aowuye na ikunda Ruwa;

Ulogo 19:10

Na inyi ngaoloka mbele ya maṙende gakye, kundu ngyimterewe na imwindia. Kangyiwia, “Molawute kuṙi. Inyi nyi mongari opfo na o wana wa wama wapfo wawoṙe wuṟingyishi wo Yesu. Terewa na iindia Ruwa.” Cha kyipfa wuṟingyishi wo Yesu nyiwo mumuyo o ionguo shisuku.