Matayo 26:14 - Kivunjo New Testament 1999

¹⁴ Kyiyeri-kyo umwi o walya ikumi na wawi, awekyelago Yuda Isikariote naleyenda ko wang'anyi wa makohanyi,

Matayo 26:14 ပူးပေါင်းရင်းမြစ်များ

Matayo 10:4

Simion Mkananayo, na Yuda Isikariote, na oe nyi oe alemṟiinga.

Matayo 26:25

Yuda, ulya momṟiinga, kagaluo, kagamba, “Nyi inyi, Mlosha?” Kammbia, “Iyoe nogamba.”

Matayo 26:47

Kyasia kyiyeri aweiṙeṙa, Yuda, umwi o walya ikumi na wawi, kacha, aṙuṙanyi na ṟiima lying'anyi lya wandu wawoṙe ngyuushu na ṟungu, wawuka ko wang'anyi wa makohanyi na wasongoru wa wandu.

Matayo 27:3

Numa ya iho Yuda, ulya momṟiinga, kyiyeri alewona kye amwanduyo kamanya wuwicho wo kyilya aleṟunda, kawiyiṟia wang'anyi wa makohanyi na wasongoru rupia tsilya makumi gaṟaaṟu, kagamba, “Ngyileṙeko kyiyeri ngyileṟiinga mndu alawoṙe ṙeko.”

Yohane 12:4

Kyasia Yuda Isikariote, umwi o wanalosho wakye, ulya awekundi imṟiinga, kagamba,

Yohane 13:2

Na kyiyeri kya kyelya kya kyukonyi; Mokyiriinzi naleenenga Yuda, mana o Simion Isikariote, ngoo yemṟiinga.

Yohane 13:26

Kyasia Yesu kagaluo, kagamba, “Nyi mndu ulya ngyechikapa itongye kyitelenyi na imwenengyia.” Kakapa itongye kyitelenyi kalyienengyia Yuda, mana o Simion Isikariote.

Yohane 13:30

Kyasia Yuda, amwambilyie itongye lyilya, kawuka halya kyiyeri kyilya kyilya. Na nyi-we kyio.

Yohane 18:2

Na Yuda, ulya awekundi imṟiinga, naweichi handu halya; cha kyipfa Yesu kafoi nawekyeyenda pfo hamwi na wanalosho wakye.

Mawuto Ga Wasu 1:16

kagamba, “Wana wa wama, kyiwewaṟi shiṟeio shiele shiafukyie, shiṟeio Mumuyo Mweele aleshionguo kui ṙumbu lya Dawidi, mbonyinyi tsa Yuda, alesongoya walya walewaṙa Yesu.

Mawuto Ga Wasu 1:18

(Kyasia mndu-chu naleguṟa ṙema kui woguru wo iwuta wunyamaṟi; kaoloka kapasakana, maula gakye goose gakafumia nja.