Matayo 25:34 - Kivunjo New Testament 1999

³⁴ Numa ya iho mangyi nechiwia walya wakyeri kuwoko kokye ko kulyoe, ‘Nnjonyi, nyoe muwawikyie mboṟa nyi Awu-yoko, oṟenyi Wumangyi muleṟeyeṟio wookyia itsano lya wuyana.

Matayo 25:34 ပူးပေါင်းရင်းမြစ်များ

Matayo 13:35

Kundu kyiafukyie kyindo kyikyiṙeṙe nyi moonguo shisuku echigamba, “Ngyechiṙeṙa nawo kui mfano, ngyechigamba shikuṟiikyie wookyia mawookyionyi.”

Matayo 19:29

Na orio mndu aleṙa numba, ang'u mono-wamae o kyisoṟo ang'u o kyika, ang'u awuye, ang'u wamae, ang'u wana, ang'u maṙema, kyipfa kya rina lyako, nechiambilyia ka igana, na ioṟa moo o mlungana.

Matayo 20:23

Kawawia, “Kyaloi mochiiṙima ituuro cha inyi, kyaindi iṙamia kuwoko koko ko kulyoe na kuwoko koko ko kumoso, ngyiwoṙe pfinya yemuenenga-pfo, indi weenengo walya wawaṟeyeṟie nyi Awu-yoko.”

Matayo 21:5

“Wienyi mṟi o Sion, mangyi opfo naicha na kopfo, namhoo, na oe naṙamie wuye ya nzoi. Na igache lya nzoi, mana o nzoi.”

Matayo 25:21

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Matayo 25:23

Mndumii okye kammbia, ‘Necha, mṟundi mcha na mwendelyi. Nokuloṟa kye numwendelyi maa shindonyi shitutu. Ngyechikuwika mchilyi o shindo shifoi. Iṙa na sienyi ya mndumii opfo.’

Matayo 25:40

Na Mangyi nechigaluo, echiwawia, ‘Ny'kyaloi ngammbia, chandu mulewutia umwi o wana wa wama-wo wako wai watutu, mulengyiwutia inyi.’

Matayo 25:41

Numa ya iho nechiwia na walya wakyeri kuwoko kokye ko kumoso, ‘Wukyenyi koko, nyoe muwasese, muyende moṙonyi o mlungana, umṟeyeṟie Mokyiriinzi na malaika wakye.

Matayo 27:37

Wakawikyia wuye ya mṙoe okye kyindo kyeloṟa kyimaṙuma kyewoogo, kyindo kyikyiṟeie: “ICHU NYI YESU, MANGYI O WAYUDA.”

Matayo 3:2

“Ṙumbuyenyi wunyamaṟi; kyipfa Wumangyi wo ruwewu womshika kufuhi.”

Matayo 5:19

Kyasia mndu oose echinyamaṟa iwawaso lyimwi kyiiṙi kya iga gai matutu, na ilosha wandu kuṙo, nechilago mtutu kuta woose Wumangyinyi wo ruwewu; kyaindi mndu echigaosha na igalosha, icho nechilago ang'anyi Wumangyinyi wo ruwewu.

Mariko 10:17

Na lyilya awefuma iyenda njienyi, mndu umwi kacha eṙicha, kampfiria ndi, kammbesa, “Mlosha mcha, ngyiwute kyi ngyiiṙime ioṟa moo o mlungana?”

Mariko 10:40

kyaindi mbonyi tsa iṙamia kuwoko koko ko kulyoe ang'u kuwoko koko ko kumoso chi momu oko imuenenga-pfo, sile wechienengo iwo wamuṟeyeṟio.”

Luka 11:28

Kyaindi oe nalegamba, “Nanga, wagusu walya wekyeicho Ṙeṙo lya Ruwa na iosha shilya lyikundi.”

Luka 11:50

kundu rika-lyi lyiweso samu ya weonguo shisuku woose, ilepusuka wookyia igumbo lya wuyana;

Luka 12:32

“Maa mulaowuoe nyoe poo lyitutu, cha kyipfa Awu onyu nawona nyi kyicha imuenenga Wumangyi wulya.

Luka 19:38

wechigamba, “Nyi oe ammbikyie mboṟa Mangyi aicha kui rina lya Mndumii. Ufoṟo ruwewu, na mng'ano ipfo wuye.”

Yohane 1:49

Natanaelyi kamgaluo, kagamba, “Rabi, iyoe nyi Mana o Ruwa, nyi oe mangyi o Isiraelyi.”

Yohane 12:13

Wakafunja maṟamba ga mashiṙi gai cha makangachi, wakafumia nja indemwambilyia. Wakakalagatsa, wechigamba, “Mndumii naṟumisho! Ulya ammbikyie mboṟa aicha kui rina lya Mndumii, Mangyi o Isiraelyi!”

Yohane 17:24

Awu, iwo ulengyienenga ngyikundi wakae handu hamwi na inyi orio handu ngyikyeri, waiṙime iwona mng'ano ulengyienenga; cha kyipfa nulengyikunda wookyia wuyana wulagumbo.

Yohane 19:15

Kyasia wakakalagatsa, wechigamba, “Mmbute iha! Mmbute iha! Mkapie msalabenyi!” Pilato kawawia, “Ngyesa mangyi onyu ngyimkapie msalabenyi!” Wang'anyi wa makohanyi wakamgaluo, wakammbia, “Soe luwoṙe mangi sile Kaisari-pfo.”

Mawuto Ga Wasu 15:18

Ruwa nagamba, ekyeonguo mbonyi-tsi mṟasa mlungana.’ ”

Mawuto Ga Wasu 3:26

Ruwa, amṟutse mṟundi okye Yesu, nalemṙuma konyu kuwooka, kundu nammbikyie mboṟa kui igalutsa orio umwi onyu nakae kuleshi na wuwicho wokye.’ ”

Waroma 8:17

Na kokooya soe nyi wana, kyasia, soe nyi weoṟa mboṟa tsa Ruwa, wekyeoṟa hamwi na Kristo. Yee, lochituuro hamwi na oe kundu luweiṙima ing'anyiso hamwi na oe.

1 Wakorinto 15:50

Wana wa wama wako, shindo ngyigamba nyi ishi, kye mmbiu na samu sheiṙima ioṟa Wumangyi wo Ruwa-pfo. Maa kyindo kyinyamaṟikyie ioṟa kyindo kyilanyamaṟikyie-pfo.

1 Wakorinto 2:9

Kyaindi, chandu kyikyiṟeie, “Shindo shilya riso lyilaleshiwona, maa kuṙwi kulaleshiicho (Maa iiṙa na mrimenyi ko mndu), shindo shilya Ruwa aleṟeyeṟia wamkundi.”

1 Wakorinto 6:9

Ang'u muichi kye wandu wawicho wechioṟa Wumangyi wo Ruwa-pfo? Maa mulakulembe. Waṟui wechioṟa Wumangyi wo Ruwa-pfo. Maa wekyeindia mafano, maa wekyewuta shindo shiwicho na wandu wa nguwo tsawo,

Wagalatia 5:21

Wunanzi, ilya na ielewetsa, na shindo shifananyi na isho; kyiiṙi kya isho ngammbia kulawoṙe ikyelyio, chandu ngyilemummbia kye wandu wekyewuta shindo sha mbaṟe-yo wechioṟa Wumangyi wo Ruwa-pfo.

Wafilyipi 5:5

Kyipfa mbonyi-tsi mutsiichi necha, kye kuwoṙe mṟui maa mndu o wuilala wo wolyi, maa mndu awoṙe wulanga, nyi oe moindia ifano, awoṙe kyioṟa Wumangyinyi wo Kristo na Ruwa-pfo.

1 Watesalonikye 2:12

kundu mkaṟo yanyu iṙuane na chandu Ruwa akundi, ulya ekyemulaga nyoe kundu muiṙe na Wumangyinyi wokye na kyiṟumi kyakye.

2 Timoteo 2:12

Kokooya losimiria, lochichilyia hamwi na oe. Kokooya lomkana oe, na oe nelukana soe.

2 Timoteo 4:8

Numa ya iho Ruwa nangyikoomie oṟo ya wusumganyi, iya Mndumii moanduya awoṙe wusumganyi echingyienenga mfiri ulya, maa chi inyi tupu-pfo, indi na wandu woose taa wakundi iwona iloṟo lyakye.

Waebrania 1:14

Ngyesa malaika nyi wakyi? Chi walya wekyeṙumo iṟundia walya wekyeoṟa wukyiṟo-pfoe?

Waebrania 11:16

Kyaindi wulalu wailanga uruka lucha ngoseṟa, uruka lo ruwewu. Koikyo Ruwa ekyerigo nyi sonu ilago Ruwa owo-pfo; kyipfa nalewawikyia mṟi.

Waebrania 4:3

Kyipfa soe luiṙikyie luiṙa na handu ho heonyonyia; chandu alegamba, “Chandu ngyilelya nyamu kui nyashi, wechiiṙa na handu hako heonyonyia-pfo.” Maa chandu maṟunda galya galemarisika wookyia kyiyeri ngyuurende tsa wuyana tsilewiko.

Waebrania 9:26

Kokooya nyi wuṙo, kyiwemmbaṟi ilyiso wukyiwa kafoi wookyia wuyana wulagumbo. Kyaindi wulalu, lyimwi tupu, mafurumionyi ga shiyeri, nawoneka lya kuwooka na lya mafurumionyi, ihooṟia ngyuunyamaṟi kui kyiṙaso kya mrima okye.

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

1 Petiro 1:9

Kyiiṙi kya ichihiyo lyanyu wulalu Ruwa naimukyiṟa, ikyiṟo lyikyeri ndunda tsa iiṙikyia lyanyu lyikyeri kui Yesu Kristo.

1 Petiro 3:9

Wandu mulekyetaa kyiṟaache ang'u ilahia ulya amulahia indi wandu wekyewikyia mboṟa; cha kyipfa isho nyisho mulelagio kundu muoṟe mboṟa.

Ulogo 13:8

Na wandu woose wekyekaa urukyenyi wechilyiterewa na ilyiindia, orio mndu rina lyakye lyilalyiṟeie kyitapunyi kya moo kya Kyiondo kya Ruwa, kyileshinjo wookyia wuyana wulagumbo.

Ulogo 17:8

Indo lyilya olyiwona lyiwekyeri pfo, nalyo lyikyeri ho-pfo, nalyo lyikuṟeyeṟie iṙo iwuka halya-ndu wapfu wekyekaa na iyenda wunyamaṟinyi. Na iwo wekyekaa urukyenyi, marina gawo galamaṟeie kyitapunyi kya moo wookyia igumbo lya wuyana, wechiṟiyio kyiyeri wechiwona indo lyilya, kye lyiwekyeri pfo, nalyo lyikyeri ho-pfo, nalyo lyechicha.

Ulogo 19:16

Na oe nawoṙe rina lyilyiṟeie nguwonyi yakye na uwahenyi lokye: “MANGYI O WAMANGYI, NA MNDUMII O WANDUMII.”

Ulogo 21:7

Ulya mowinga nechioṟa ishi, na inyi ngyechiwa Ruwa okye, na oe nechiwa mono-ko.

Ulogo 5:10

Kowagaluo iwa wumangyi na makohanyi ko Ruwa oṙu; nawo waichilyia urukyenyi.”