Matayo 24:6 - Kivunjo New Testament 1999

⁶ Na nyoe mochiicho mbonyi tsa shiṙa na iweweṙo lya shiṙa. Maa mulaowesho; kyipfa isho shiwaṟi iwa kuṙo; kyaindi mafurumionyi galya galandeshikye-pfo.

Matayo 24:6 ပူးပေါင်းရင်းမြစ်များ

Matayo 2:3

Kyasia mangyi Herode amuicho isho, nalewoṙo nyi fowa mrimenyi, na wandu wa Yerusalemu taa hamwi na oe.

Matayo 24:14

Lyingyi-se mbonyi ngyicha tsa Wumangyi tsechiongoyo wuyanenyi koose, iwa wuṟingyishi wo masanga goose. Iho nyiho mafurumionyi galya gechicha.”

Matayo 26:54

Kyasia kokooya Ruwa aṙika ngyuulyimalyi tsengyikapania shiṟeio shechiafutsio kuṙa kye isho nyisho shiwaṟi iwa?”

Luka 21:19

Na nyoe kui wusimiri wonyu mochikyiṟa mrima yanyu.”

Luka 21:9

Na nyoe kyiyeri mochiicho mbonyi tsa shiṙa na wuṟiingyi, maa mulaowesho; kyipfa isho shoose kyakooya icha kuwooka, indi mafurumionyi galya gecha iwinyi-pfo.”

Luka 22:37

Cha kyipfa ngyimmbia, isho shileṟeio kyakooya iafutsio koko, kye naletalyio hamwi na wanyamaṟi. Cha kyipfa isho shingyiwaṟi shiwoṙe mafurumionyi gasho.”

Yohane 14:1

“Maa mulaiṟewe mrimenyi konyu; muiṙikyie Ruwa, ngyiiṙikyienyi na inyi.

Yohane 14:27

Ngamṙeeya ufoṟo. Ufoṟo loko ngamuenenga. Chandu ngyimuenenga chi wuṙo wuyana wokyeenenga-pfo. Mulaiṟewe mrimenyi konyu, maa mulawaṙe wuowu.

2 Watesalonikye 2:2

kye maa mulaiṟewe iwinyi mṟasa iṙa iwuta kyilya mukundi, maa mulaowesho, kui mumuyo, maa kui ṙeṙo, maa kui paruo ikusaṟo kye nyi yaṙu, cha ilyi kye mfiri Mndumii aicha lya kawi ulemcha.

Ulogo 6:4

Farasi ingyi ikafuma, ya kyimaande tarii, na ulya aweiṙamilyie naleenengo iwuta ufoṟo urukyenyi, kundu wandu wawaagane, na oe kaenengo ushu lung'anyi.